Levítico 20:2 - Biblia SEPT

² —"Dilles ós fillos de Israel: Calquera dos fillos de Israel ou dos forasteiros que moran en Israel que lle sacrifique un fillo a Molok, morrerá sen remedio. A xente do seu pobo acantazarao con pedras.

Levítico 20:2 Iomraidhean Croise

1 Reis 11:7

Daquela construíu Salomón, no monte que está enfronte de Xerusalén, un altar a Kemox, ídolo dos moabitas, e a Moloc, ídolo dos amonitas.

2 Reis 17:17

Sacrificaron no lume os seus fillos e as súas fillas. Practicaron artes de mal agoiro e bruxerías, vendéronse, facendo o mal ós ollos do Señor, provocando a súa carraxe.

2 Reis 23:10

O rei profanou tamén Tófet, no val de Benhinnom, para que ninguén pasase alí polo lume a seu fillo ou a súa filla en honor de Moloc.

2 Crónicas 28:3

Queimaba incenso no val de Ben—Hinnom e incluso sacrificou a seu fillo na fogueira, segundo costume aborrecible das nacións que o Señor expulsara ante os israelitas.

2 Crónicas 33:6

queimou os seus fillos no val de Ben—Hinnom: practicou a adiviñación, a maxia e a feiticería, e instituíu nigromantes e adiviños. Facía continuamente o que o Señor reproba, alporizándoo.

Salmos 106:38

Verteron sangue inocente —o sangue dos fillos e das fillas sacrificados ós ídolos cananeos— e profanaron a terra con sangue.

Xeremías 32:35

Ollade: nos outeiros do val de Ben Hinnom construíron os altares de Baal para pasar polo lume os seus fillos e mais as súas fillas en honor de Molok, cousa que nin eu lles mandei; nin se me veu á cabeza que fixesen semellante horror, extraviando deste xeito a Xudá.

Xeremías 7:31

ergueron os altares de Tófet, no val de Ben Hinnom, para queimar no lume os seus fillos e fillas, algo que nin eu mandei, nin me pasou pola cabeza.

Ezequiel 20:26

Non fixen eu que se contaminasen coas súas ofrendas, ó faceren pasar polo lume a todos os primoxénitos, para volvelos unha desolación e para que así recoñezan que eu son o Señor?

Ezequiel 20:31

Cando vós levantades as vosas ofrendas, cando facedes pasar os vosos fillos polo lume, estádesvos lixando con todos os vosos ídolos ata hoxe, e voume deixar eu consultar por vós, Casa de Israel? Pola miña vida —é o meu Señor, Iavé, quen fala—, que non me deixarei consultar por vós.

Ezequiel 23:37

Si que cometeron adulterios! Teñen sangue nas súas mans e cometeron adulterios cos seus ídolos; e ademais os seus propios fillos, que para min deran a luz, servíronllelos en comida ós ídolos.

Ezequiel 23:39

O ofreceren os seus fillos ós ídolos en sacrificio, o día aquel entraron no meu santuario, profanándoo. Velaí o que fixeron dentro da miña Casa.

Levítico 17:13

Calquera israelita ou estranxeiro residente no medio de vós que cace algún animal ou ave dos que se poden comer, e verte o seu sangue, deberao tapar con terra.

Levítico 17:15

Toda persoa nativa ou estranxeira que coma da carne dun animal morto ou esnaquizado, lavará a súa roupa, bañarase en auga, e quedará impuro ata a tarde; despois será puro.

Levítico 17:8

Diraslles tamén: todo individuo da familia de Israel ou dos estranxeiros que moran no medio de vós, cando ofrece un holocausto ou un sacrificio,

Levítico 18:21

Non permitirás que ningún dos teus descendentes adore a Molok, manchando o nome do teu Deus. Eu son o Señor.

Levítico 20:1

O Señor faloulle a Moisés:

Levítico 20:27

O home ou a muller que exerza como adiviño ou como bruxo, terá que ser morto sen remedio, morrerá acantazado: serán responsables do propio sangue".

Levítico 24:14

—"Levade o blasfemo fóra do campamento, que todos os que o oíron lle impoñan as súas mans sobre a cabeza, e que a comunidade toda o mate a pedradas.

Levítico 24:16

Quenquera que aldraxe o nome do Señor morrerá sen remedio. A comunidade toda terá que o matar a pedradas, sexa estranxeiro sexa nativo. Calquera que aldraxe o nome do Señor será matado.

Levítico 24:23

Despois de lles falar Moisés ós israelitas, sacaron o blasfemo fóra do campamento e acantazárono todos os fillos de Israel, tal como lle ordenara o Señor a Moisés.

Feitos 7:43

Levastes a tenda de Molok e a estrela do Deus Refán (imaxes que vós fixestes), para adoralas. Pois eu deportareivos alén de Babilonia!

Deuteronomio 12:31

Non fagas así no culto ao Señor, o teu Deus, pois todo iso é abominación para o Señor, porque el odia o que eles fan no culto ós seus deuses, pois mesmo chegan a queimar no lume a seus fillos e a súas fillas en honor ós deuses.

Deuteronomio 17:2

Se se atopa no medio de ti nalgunha das cidades que o Señor, o teu Deus, che vai dar, home ou muller que faga o que está mal ós ollos do Señor, o teu Deus, transgredindo a súa Alianza,

Deuteronomio 18:10

Non se atopará en ti quen faga pasar o seu fillo e á súa filla polo lume, quen prediga adiviñacións, quen faga encantamentos, quen lea as sortes nos astros, quen se dea á bruxería,

Deuteronomio 21:21

Logo apedrarano a cantazos todos os homes da súa cidade e morrerá. Deste xeito apartarás o mal do medio de ti, e todo Israel escoitarao e collerá medo.

Deuteronomio 22:21

farán saír a rapaza á porta da casa de seu pai e os homes da cidade apredrarana a cantazos, e morrerá, pois cometeu unha infamia en Israel, entregándose á prostitución na familia de seu pai. Deste xeito apartarás a maldade do medio de ti.