Levítico 10:9 - Biblia SEPT

⁹ —"Non beberás viño nin ningunha outra cousa que poida embebedar, nin ti, nin teus fillos, cando teñades que entrar na Tenda do Encontro, e non morreredes. Estatuto perpetuo para as vosas xeracións,

Levítico 10:9 Iomraidhean Croise

Éxodo 27:21

Aharón e os seus fillos colocarana na Tenda do Encontro, por fóra do veo que tapa o testemuño, para que brille diante do Señor, desde a noite á mañá. Esta é lei perpetua para todas as xeracións de Israel.

Proverbios 20:1

O viño excita e a augardente embriaga, ninguén a quen eles acaneen chegará a sabio.

Isaías 28:7

Tamén estes cambalean co viño e tropezan co licor. O profeta e o sacerdote cambalean co licor, están devorados polo viño, tropezan por causa do licor, cambalean coa bebida, beben mestura alcohólica a fartar.

Ezequiel 44:21

Ningún sacerdote beberá viño cando vaia entrar no adro interior.

Oseas 4:11

O viño e mais o mosto quítanlle o xuízo

Levítico 10:8

O Señor díxolle a Aharón:

Levítico 3:17

Estatuto perpetuo por todas as xeracións vosas onde queira que habitedes: endexamais probaredes bocado de graxa, nin sangue".

Números 6:20

O sacerdote abalarao todo ritualmente diante do Señor: é unha cousa santa que lle pertence a el, ademais do peito, que tamén abalará, e da perna dianteira, que presentará ó Señor do mesmo xeito. Despois disto o nazireo poderá xa beber viño.

Números 6:3

non poderán beber viño nin bebidas embriagadoras, nin vinagre de viño, nin outras bebidas fermentadas de uva, nin comerá uvas frescas ou pasas.

Lucas 1:15

Será grande ante o Señor e non beberá nin viño nin licor. Desde o mesmo ventre da súa nai estará cheo do Espírito Santo.

Efesios 5:18

Non vos emborrachedes con viño, que leva á libertinaxe; en vez diso enchédevos de Espírito,

1 Timoteo 3:3

nin bebedor nin liorteiro, senón indulxente; home de paz, non amigo dos cartos.

1 Timoteo 3:8

Da mesma maneira, que os "diáconos" sexan serios, sen retranca, nin moi amigos do viño nin dos negocios sucios,

1 Timoteo 5:23

Non bebas auga soa, toma un chisco de viño por mor do teu estómago e das túas frecuentes doenzas.

Tito 1:7

Porque cómpre que o responsable sexa sen tacha, coma administrador de Deus: nin soberbio, nin iracundo, nin insolente, nin camorristas, nin amigo dos cartos;