Levítico 10:2 - Biblia SEPT

² Xurdiu da presenza do Señor unha labarada e devorounos, e morreron alí na presenza do Señor.

Levítico 10:2 Iomraidhean Croise

2 Samuel 6:7

O Señor anoxouse contra Uzá e feriuno alí mesmo de morte ó pé da arca de Deus.

1 Reis 13:28

El foi e encontrou o cadáver tirado no camiño e a pé del o burro e mais o león. O león non devorara o cadáver nin matara o burro.

1 Reis 18:38

Nisto caeu un lume do Señor, que consumiu o sacrificio, a leña, as pedras e o po, e secou mesmo a auga da gabia.

2 Reis 1:10

Elías respondeulle ó xefe da cincuentena: —"Se eu son un home de Deus, que caia lume do ceo e que vos devore, a ti e á túa cincuentena". Niso caeu lume do ceo e devorounos, a el e ós cincuenta.

2 Reis 1:12

Elías respondeulle: —"Se eu son un home de Deus, que caia lume do ceo e que vos devore, a ti e á túa cincuentena". Niso caeu un lume de Deus dende o ceo, e devorounos, a el e ós seus cincuenta homes.

1 Crónicas 13:10

A ira de Iavé acendeuse contra Uzá, por estender a man sobre a arca, e Uzá morreu alí, diante de Iavé.

1 Crónicas 15:13

Por non estardes vós alí a primeira vez, Iavé, noso Deus, castigounos, porque non o fomos buscar como é debido".

1 Crónicas 24:2

Nadab e Abihú morreron antes ca seu pai e non deixaron fillos. Elazar e Itamar cumpriron a función sacerdotal.

XOB - A Biblia Galega (Ed. SEPT) 1:16

Aínda non rematara este de falar cando chegou outro a dicir: —"Caeu un lóstrego do ceo, e consumiu ovellas e pastores. Salveime só eu para cho contar".

Salmos 50:3

o noso Deus vén e non cala. Diante del un lume que abura, arredor del a tempestade que brúa.

Éxodo 24:1

O Señor díxolle a Moisés: —"Subide onda min, ti, Aharón, Nadab, Abihú e setenta anciáns de Israel, e prostrádevos desde lonxe.

Isaías 30:33

Si, Deus preparou o Tófet contra ela, preparouno para o rei; afondou, ancheou o seu pozo, amoreou paus e lume, o alento do Señor, coma un río de xofre, prendeu lume nel.

Levítico 10:5

Eles achegáronse, e leváronos coas súas túnicas postas fóra do campamento, como lles ordenara Moisés.

Levítico 16:1

O Señor faloulle a Moisés despois da morte dos dous fillos de Aharón, que morreran ó se aproximaren diante do Señor.

Levítico 9:24

Xurdiu lume da presenza do Señor e devorou sobre o altar as graxas e o holocausto, á vista de todo o pobo; entón reloucaron e prosternáronse rostro en terra.

Números 14:37

Aqueles homes que difamaran a terra con perversidade, morreron feridos de morte diante do Señor.

Números 16:35

E ó mesmo tempo saíu un lume da parte do Señor e devorou os douscentos cincuenta homes que ofrecían o incenso.

Números 26:61

Nadab e Abihú morreron ó ofreceren eles un lume profano ante o Señor.

Feitos 5:10

No instante, caeu ós seus pés e morreu. Cando entraron os mozos, atopárona morta e enterrárona a carón do seu home.

Feitos 5:5

O sentir estas palabras, Ananías caeu morto. E apoderouse un gran temor de todos os que sentiron isto.

1 Corintios 10:11

Isto sucedeulles a eles coma exemplo, pero escribiuse para o noso escarmento: para nós que vivimos na fin dos tempos.

1 Samuel 6:19

Os fillos de Ieconías non se aledaron coa demais xente de Betxémex, cando viron a arca do Señor, e o Señor castigou a setenta persoas da familia. O pobo fixo dó por aquela gran mortaldade coa que os ferira o Señor.