Éxodo 7:3 - Biblia SEPT

³ Eu endurecerei o corazón do faraón, e farei moitos sinais e moitos milagres en Exipto.

Éxodo 7:3 Iomraidhean Croise

Nehemías 9:10

Realizaches signos e prodixios contra o Faraón, contra todos os seus servidores e contra todo o pobo do seu país, pois sabías que no seu orgullo nos maltratara, e conquistaches un nome que aínda hoxe perdura.

Salmos 135:9

En Exipto fixo sinais e prodixios contra o faraón e os seus servos.

Salmos 78:12

Diante de seus pais fixera marabillas, na terra de Exipto, nos campos de Soán.

Éxodo 11:10

Moisés e Aharón fixeron estes milagres diante do faraón. Pero o Señor endureceu ó faraón, que non deixou saír os israelitas da súa terra.

Éxodo 11:9

O Señor dixéralle a Moisés: —"O faraón non vos dará creto, e eu farei moitos milagres en Exipto".

Éxodo 14:4

Eu endurecerei o corazón do faraón, de xeito que se botará a perseguirvos, e eu mostrarei a miña gloria á conta súa e dos seus exércitos. Entón saberán os exipcios que eu son Iavé". Os israelitas fixeron o mandado.

Éxodo 3:20

Pero eu alongarei a miña man e ferirei a Exipto. Obrarei alí moitos prodixios, e deixaranvos saír.

Éxodo 4:21

O Señor díxolle a Moisés: —"En volvendo a Exipto, farás diante do faraón os moitos milagres para os que eu che darei poder. Eu endurecerei o seu corazón, e non deixará saír o pobo.

Éxodo 4:29

Moisés e Aharón chegaron, e reuniron a todos os anciáns de Israel.

Éxodo 4:7

Díxolle o Señor: —"Mete outra vez a man no seo". El meteuna e, ó sacala, viu que estaba coma o resto do seu corpo.

Éxodo 7:13

O faraón teimou na súa e non lles fixo caso, conforme dixera o Señor.

Éxodo 9:16

Se te manteño vivo, é para facerche ver a miña forza e para que se fale do meu nome en todo o mundo.

Proverbios 21:1

Coma as canles da auga, a mente do rei está na man do Señor, el víraa para onde quere.

Isaías 51:9

Esperta, esperta e revístete de poder, brazo do Señor! Esperta coma nos días de antes, coma nas xeracións eternas. Acaso non fuches ti quen matou a Ráhab, e acoitelou ó Dragón?

Miqueas 7:15

Coma nos días da túa saída de Exipto, fainos ver marabillas.

Xoán 4:48

Díxolle entón Xesús: Se non vedes sinais e prodixios, non credes.

Feitos 2:22

Israelitas, escoitade: fálovos de Xesús de Nazaret, home acreditado por Deus ante vós por milagres, marabillas e sinais que Deus fixo por el entre vós, como vós mesmos sabedes;

Feitos 7:36

Foi el quen os fixo saír, obrando prodixios e sinais na terra de Exipto, no mar Rubio e no deserto, durante corenta anos.

Romanos 15:19

A forza de milagres e prodixios e polo poder do Espírito. De maneira que desde Xerusalén e arredores ata o Ilírico, completei a predicación do Evanxeo de Cristo.

Romanos 9:18

En resumo: de quen quere compadécese, e a quen quere enduréceo.

Deuteronomio 4:34

Ou intentou algún deus vir coller para si unha nación do medio doutros pobos, con castigos, con sinais e prodixios, con guerra, con man forte e brazo estendido, con terrores grandes, de maneira semellante a todo o que o Señor, o voso Deus, fixo no voso favor en Exipto ós teus propios ollos?

Deuteronomio 7:19

das grandes probas que viron os teus ollos, dos sinais e prodixios, da man poderosa e do brazo estendido que sacou no teu favor o Señor, o teu Deus. Así actuará o Señor, o teu Deus, contra todos os pobos, en presenza dos que ti sentes medo.