Éxodo 3:21 - Biblia SEPT

²¹ Farei tamén que este pobo encontre o favor dos exipcios. Dese xeito, cando saian, non sairán coas mans baldeiras.

Éxodo 3:21 Iomraidhean Croise

Xénese 15:14

Pero has de saber tamén que eu castigarei ó pobo que os escravice, e despois eles sairán con moitos bens.

Xénese 39:21

Mais o Señor estivo con Xosé, mostroulle compaixón, facendo que lle caese ben ó xefe do cárcere.

1 Reis 8:50

Perdoa ó teu pobo os seus erros e os pecados que teñan cometido contra ti, e fai que teñan dó deles os que os levaron cativos,

Nehemías 1:11

Ah, Señor, que o teu oído estea atento ó rogo do teu servo e dos teus servidores que se enchen de ledicia temendo o teu nome. Concede ó teu servo a graza de achar misericordia na presenza deste home". Eu era entón o copeiro do rei.

Salmos 105:37

Entón fíxoos saír con prata e ouro, sen unha falta nas súas tribos.

Salmos 106:46

Facíalles ter dó deles ós que os levaran cativos.

Éxodo 11:2

Aconséllalle ó pobo que cada home pida ó seu veciño e cada muller á súa veciña obxectos de prata e ouro".

Éxodo 11:3

O Señor fixo que o pobo lles caese ben ós exipcios; e o mesmo Moisés era estimado pola corte do faraón e polo pobo de Exipto.

Éxodo 12:35

Os israelitas fixeron como lles dixera Moisés.

Éxodo 12:36

Pedíanlles ós exipcios obxectos de prata e ouro e mais roupas. O Señor fixo que o pobo lles caese ben ós exipcios, que lles deixaban canto lles pedían. Así despoxaron ós exipcios.

Proverbios 16:7

Cando o Señor se comprace no proceder de alguén, mesmo os seus inimigos lle van ofrecer as paces.

Feitos 7:10

librouno de todos os seus traballos, e deulle graza e sabedoría diante do Faraón, rei de Exipto, que o constituíu gobernador do Exipto e de toda a súa casa.

Deuteronomio 15:13

e cando o deixes marchar libre de onda ti, non o mandes marchar sen nada,