Éxodo 3:1 - Biblia SEPT

¹ Moisés pastaba os rabaños de seu sogro Ietró, sacerdote de Madián. Levaba polo deserto os rabaños, e unha vez chegou ata a montaña de Deus, o Horeb.

Éxodo 3:1 Iomraidhean Croise

1 Reis 19:19

Elías marchou de alí e encontrouse con Eliseo, fillo de Xafat, que araba con doce xuntas, levando el a derradeira. Elías pasou a carón del e botoulle enriba o seu manto.

1 Reis 19:8

Ergueuse Elías, comeu e bebeu e, coa forza daquel sustento, andou corenta días coas súas noites, ata o monte de Deus, o Horeb.

Salmos 106:19

No Horeb fixeron un touro, adoraron un ídolo,

Éxodo 17:6

Eu presentareime diante túa alá no Horeb, onda o penedo. Ti baterás o penedo, e sairá auga del para que o pobo beba". Moisés fíxoo así, á vista dos anciáns de Israel.

Éxodo 18:12

Despois Ietró, sogro de Moisés, ofreceu a Deus sacrificios e holocaustos. Aharón e todos os anciáns de Israel viñeron e comeron con el na presenza de Deus.

Éxodo 19:11

e que estean preparados para de aquí a tres días, pois no terceiro día baixará o Señor sobre o monte Sinaí, á vista de todo o pobo.

Éxodo 19:2

Procedentes de Refidim, chegaron ó deserto do Sinaí e acamparon alí, ó pé do monte.

Éxodo 19:3

Moisés subiu ó encontro de Deus, e o Señor chamouno desde a montaña, para mandarlle dicir ós descendentes de Xacob, comunicarlles ós israelitas:

Éxodo 2:16

chegaron sete fillas que tiña o sacerdote de Madián, para sacaren auga e con ela encher os píos e abeberar o rabaño de seu pai.

Éxodo 2:18

En volvendo elas onda seu pai Reuel, este preguntoulles: —"Como é que vides tan cedo hoxe?"

Éxodo 2:21

Moisés aceptou habitar con Reuel, e este deulle por muller a súa filla Séfora.

Éxodo 24:13

Moisés foi, co seu axudante Xosué, e subiu ó monte de Deus.

Éxodo 3:12

Respondeulle Deus: —"Eu estarei contigo. E este será o sinal de que eu te mando: Cando saques o pobo de Exipto, adoraredes a Deus nesta montaña".

Éxodo 3:5

Díxolle Deus: —"Non te achegues aquí. Tira as sandalias dos pés, pois o sitio onde estás é terra sagrada".

Éxodo 33:6

Os israelitas desprendéronse das galas que levaban, desde o monte Horeb.

Éxodo 4:18

Moisés volveu para a casa de seu sogro Ietró e díxolle: —"Quero volver a Exipto, onde están meus irmáns, para ver se aínda viven". Respondeulle Ietró: —"Vai en paz".

Éxodo 4:27

O Señor díxolle a Aharón: —"Diríxete ó deserto, ó encontro de Moisés". El foi, encontrouse con el na montaña de Deus e bicouno.

Amós 1:1

Palabras de Amós, que pertenceu ó gremio dos pastores de Técoa, do que viu no tocante a Israel en tempos de Ozías, rei de Xudá, e en tempos de Ieroboam, fillo de Ioax, rei de Israel, dous anos antes do terremoto.

Números 10:29

Moisés díxolle a Hobab, fillo de Reuel, madianita, sogro de Moisés: —"Nós partimos para o lugar, do que nos dixo o Señor: Héivolo dar a vós. Ven connosco e habémoste de tratar ben, pois o Señor prometeu o ben a Israel".

Números 10:33

E partiron do monte do Señor e andaron o camiño de tres días. A Arca da Alianza do Señor ía diante deles durante os tres días de camiño, para buscarlles sitio onde repousar.

Lucas 2:8

Había naquela comarca uns pastores que pasaban a noite ó descuberto vixiando o seu rabaño.

Feitos 7:30

Logo de corenta anos, aparecéuselle un anxo no deserto do monte Sinaí, na lapa do lume dunha silveira.

Deuteronomio 1:2

Para viren desde o Horeb ata Cadex Barnea pola serra de Seir cumpríronlles once días.

Deuteronomio 1:6

"O Señor, noso Deus, falounos no Horeb, nestes termos: xa levades vivindo de abondo nestas serras.

Deuteronomio 4:10

O día que estiveches no Horeb na presenza do Señor, o teu Deus, o Señor díxome: Xúntame en asemblea a este pobo, e fai que escoite as miñas palabras, para que aprendan a respectarme todos os días que vivan nesa terra e para que llelas aprendan a seus fillos.

Xuíces 4:11

Mais Héber, o quenita, arredárase dos outros quenitas —dos fillos de Hobab, o sogro de Moisés—, e foi montar a súa tenda alá onda a aciñeira de Saanaim, onda Quédex.

1 Samuel 16:11

Samuel preguntoulle a Ixaí: —"Xa non tes máis rapaces?" E el respondeulle: —"Queda aínda o pequeno, que está gardando as ovellas". Samuel díxolle: —"Pois manda que o traian, xa que non nos sentaremos á mesa ata que el chegue".