Éxodo 21:6 - Biblia SEPT

⁶ entón o amo levarao á presenza de Deus, porao contra a porta ou contra os linteis, furaralle a orella cunha subela, e el quedará coma servo seu para sempre.

Éxodo 21:6 Iomraidhean Croise

1 Reis 12:7

Eles dixéronlle: —"Se hoxe te abaixas con esta xente e te pos ó seu servizo, se te avés con eles e lles dás boas palabras, servirante por toda a vida".

Salmos 82:1

Salmo de Asaf. Deus érguese no concello divino, fai xuízo na xunta dos deuses.

Éxodo 12:12

Esa noite pasarei eu por todo o Exipto e ferirei de morte todos os primoxénitos, desde os dos homes ata os do gando. Farei cumprida xustiza con todos os deuses de Exipto. Eu, o Señor.

Éxodo 21:22

Se nunha pelexa entre homes algún bate a unha muller embarazada e lle provoca un malparto, pero sen que aconteza outra desgraza, o culpado pagará a cantidade que sinale o home da muller e que estimen os xuíces.

Éxodo 21:5

Se o servo di: Quérolle ó meu amo, á miña muller e ós meus fillos e non quero saír libre,

Éxodo 21:7

Se alguén vende a súa filla por escrava, esta non sairá libre como saen os escravos.

Éxodo 22:28

Non te descoides na oferta da colleita e da vendima. Dáme os teus fillos primoxénitos.

Isaías 1:26

Volverei os teus xuíces coma no principio, volverei os teus conselleiros coma antes. Despois de suceder isto, chamaráseche cidade da xustiza, chamaráseche cidade fiel".

Levítico 25:23

Non venderedes as herdades para sempre, pois a terra é miña, e vós sodes peregrinos e forasteiros onda min.

Levítico 25:40

vivirá na túa casa coma se fose un xornaleiro ou forasteiro, e servirate ata o ano do Xubileu.

Sofonías 3:3

Os seus xefes no medio dela son leóns que berran. Os seis xuíces son lobos do serán que nin deixan os ósos para a mañá.

Deuteronomio 1:16

Naquel momento deilles tamén estas normas ós vosos xuíces: Escoitade os litixios entre os vosos irmáns, e sentenciade conforme a xustiza os preitos entre un e o seu irmán, ou entre un e o estranxeiro que con el vive.

Deuteronomio 15:16

Pero pode suceder que che diga: Non quero saír de onda ti, pois tenche amor a ti e á túa casa, porque está feliz contigo.

Deuteronomio 15:17

Entón collerás o punzón e furaraslle a orella contra o batente da túa porta, e será para ti servo, para sempre; e tamén farás o mesmo coa serva.

Deuteronomio 16:18

Poñerás pola túa conta para as túas tribos xuíces e maxistrados en todas as cidades, que o Señor, o teu Deus, che vai dar, e han de xulgar o pobo con xuízo xusto.

1 Samuel 1:22

Pero Ana non subiu, aclarándolle ó seu home: —"Deixa que destete o neno. Entón levareino, presentareillo ó Señor, e que quede alí para sempre".

1 Samuel 27:12

Aquix fiábase de David e pensaba del: —"Incomodouse co seu pobo de Israel e será para sempre o meu vasalo".

1 Samuel 28:2

David respondeulle a Aquix: —"E ti saberás agora de que é capaz o teu servo". E Aquix díxolle: —"Daquela, poreite para sempre de garda da miña persoa".