Éxodo 20:5 - Biblia SEPT

⁵ Non te prostrarás diante delas nin as adorarás, pois eu, o Señor teu Deus, son un Deus celoso. No caso dos que me aborrecen, eu castigo os pecados dos pais nos fillos, nos netos e nos bisnetos.

Éxodo 20:5 Iomraidhean Croise

2 Samuel 21:1

No tempo de David houbo unha fame de tres anos seguidos. David consultou o Señor e o Señor respondeulle: —"Enriba de Xaúl e da súa familia está o sangue dos gabaonitas que mataron".

2 Samuel 21:6

Que nos entreguen sete dos seus fillos para colgalos diante do Señor, en Gabaón, na montaña do Señor". David respondeulle: —"Daréivolos eu".

1 Reis 19:10

El respondeu: —"Ardo en celos polo Señor, Deus dos exércitos, porque os israelitas abandonaron a túa alianza, derrubaron os teus altares e mataron polo fío da espada os teus profetas. Quedo soamente eu, e búscanme para matarme".

1 Reis 21:29

—"Viches como se humillou Acab diante de min? Por esta humildade, non traerei a desgraza nos seus días; traereina sobre a súa familia, nos días de seu fillo".

2 Reis 17:35

O Señor fixera con eles un pacto e prescribíralles: —"Non temeredes outros deuses, non os adoraredes, non os serviredes, non lles ofreceredes sacrificios.

2 Reis 17:41

Dese xeito, aquela xente adoraba ó Señor e, ó mesmo tempo, dáballes culto ós seus ídolos. Os seus fillos e os seus netos seguen facendo o mesmo cós seus pais, ata o día de hoxe.

2 Reis 23:26

Con todo e iso, o Señor non se aplacou do grande noxo que collera contra Xudá, polo moito que o aldraxara Menaxés.

2 Reis 5:18

E que o Señor me perdoe unha cousa. Cando o meu amo entre no templo de Rimón para adoralo, apoiado na miña man, e eu mesmo me prostre tamén no templo de Rimón, que o Señor perdoe ó teu servo este feito".

2 Reis 5:27

A lepra de Naamán apegaráseche a ti e ós teus descendentes, para sempre". E Guehazí saíu co mal gafo de onda el, dun brancor coma de neve.

2 Crónicas 25:14

Cando Amasías volveu de derrotar ós idumeos, trouxo consigo os deuses dos seiritas, adoptounos coma deuses propios, adorounos e queimoulles incenso.

2 Crónicas 7:19

Pero se apostatades e descoidades os mandatos e preceptos que vos dei e ides dar culto a outros deuses e os adorades,

XOB - A Biblia Galega (Ed. SEPT) 21:19

Garda Deus a miseria para os seus fillos? Que lla faga pagar a el para que o sinta!

XOB - A Biblia Galega (Ed. SEPT) 5:4

os seus fillos non teñen axuda: asobállanos no tribunal da porta sen ninguén que os defenda;

Salmos 109:14

Que o Señor teña en conta as culpas do pai e que non borre os pecados da nai.

Salmos 78:58

Cos seus santuarios nos altos provocárono, cos ídolos acenderon os seus celos.

Salmos 79:8

Non nos teñas en conta os pecados dos pais, chegue axiña a túa piedade, que estamos esgotados.

Salmos 81:15

Abateríalle nun intre os inimigos, volvería a miña man contra os opresores.

Éxodo 23:24

Non te prostrarás diante dos seus deuses nin os adorarás. Non farás o que fan eles, senón que os destruirás e romperás as súas imaxes.

Éxodo 34:14

Non adorarás deuses alleos, porque o Señor, que leva nome de celoso, éo de verdade.

Proverbios 8:36

mais quen me ofende, a si mesmo se violenta, todos os que me odian, aman a morte.

Isaías 44:15

A madeira sérvelle ó home para queimar, colle parte dela e acende o lume; quenta o forno e coce o pan. Tamén pode traballar un deus e prostarse ante el, pode facer un ídolo e adoralo.

Isaías 44:19

Non medita, non ten saber nin intelixencia ó dicir: "Queimo a metade no lume, e sobre as súas brasas cozo o pan, aso a carne e cómoa, e do resto del fago algo abominable: adoro a póla da árbore".

Xeremías 2:9

Veña un trono, que vou preitear convosco! —é o Señor quen fala—. Si, cos fillos dos vosos fillos tamén preitearei.

Xeremías 32:18

Ti usas de fidelidade con miles e miles, mentres que devolves a iniquidade dos pais ó seo dos fillos que os suceden. Este é o gran Deus, o guerreiro valente; Señor dos Exércitos é o seu Nome.

Ezequiel 18:19

Pero vós dicides: "por que non carga o fillo coa iniquidade do pai?" —Porque se o fillo observou o dereito e a xustiza, e se gardou todos os meus preceptos e se os puxo en práctica, vivirá certamente.

Ezequiel 18:2

Que vos pasa a vós, que andades repetindo este dito na terra de Israel: "Os pais comeron as uvas verdes e os fillos sofren a denteira"?

Ezequiel 20:7

Tamén lles dixen: Cada un de vós botade fóra as abominacións que vos levan os ollos, e non vos lixedes cos ídolos de Exipto. Eu son o Señor, o voso Deus.

Ezequiel 39:25

Pero, fixádevos, así fala o Señor: —Agora eu fago volver os desterrados de Xacob e compadézome de toda a Casa de Israel, pois sinto celos polo meu santo Nome.

Ezequiel 8:3

Alongou unha especie de man e colleume polas guedellas da cabeza; entón o Espírito levantoume entre a terra e o ceo, e en visións divinas levoume a Xerusalén, á entrada da porta interior, que dá ó norte, onde está o sitio da imaxe dos celos, a imaxe do creador.

Levítico 20:5

eu mesmo tornarei o meu rostro contra o tal home e contra a súa parentela, e arrincareino do medio do seu pobo, a el e a cantos prevaricaron detrás del, prostituíndose diante de Molok.

Levítico 26:1

Non vos fabricaredes deuses, nin esculturas, nin imaxes, nin levantaredes estatuas de pedra. Na vosa terra non as levantaredes para as adorar, pois eu son o Señor, o voso Deus.

Levítico 26:29

Chegaredes a ter que comer a carne de vosos propios fillos, alimentarvos coa carne de vosas fillas.

Nahum 1:2

(Alef) Deus celoso e vingador é o Señor. O Señor víngase dos seus adversarios, El é quen se acende en ira contra os seus inimigos.

Números 14:18

O Señor é paciente e rico en misericordia; El perdoa a iniquidade e o crime, mais nada deixa sen castigo, pois fai purificar nos fillos as culpas dos pais ata a terceira e cuarta xeración.

Números 14:33

e os vosos fillos andarán errantes no deserto e pagarán as consecuencias das vosas infidelidades, ata que acaben de consumirse no deserto os vosos cadáveres.

Números 25:11

—"Pinhás, fillo de Elazar, fillo do sacerdote Aharón, desviou o meu furor contra os israelitas, mostrouse celoso por min no medio deles, e así, no meu celo, non aniquilei os fillos de Israel.

Mateo 4:9

díxolle: Heiche dar todo isto se te prostras e me adoras.

Xoán 15:18

Se o mundo vos aborrece, sabede que me aborreceu a min antes do que a vós.

Xoán 7:7

Non pode o mundo aborrecervos a vós; pero a min aborréceme, porque eu testemuño contra el que as súas obras son ruíns.

Xoán 9:2

Entón preguntáronlle os seus discípulos: Mestre, quen pecou, para que nacese cego: el ou seus pais?

Romanos 1:30

murmuradores, inimigos de Deus, inxuriosos, soberbios, fachendosos, inventores de males, rebeldes cos seus pais;

Romanos 8:7

Porque a cobiza da baixa condición é inimiga de Deus, posto que non se somete á Lei de Deus, nin sequera pode;

1 Corintios 10:22

Ou é que queremos desafiar o Señor? Ou somos nós máis fortes ca El?

Deuteronomio 32:21

Eles provocaron os meus celos con quen non é deus, enfadáronme cos seus ídolos ilusos; pero eu provocarei os seus celos con quen non é pobo, cunha nación tola enfadareinos.

Deuteronomio 32:41

Afiarei o lóstrego da miña espada e a miña man collerá a xustiza; e farei volver a vinganza contra os meus adversarios e axustarei as contas cos que me odian.

Deuteronomio 4:24

pois o Señor, o teu Deus, é lume que devora, é un Deus celoso.

Deuteronomio 5:10

pero practico misericordia benfeitora por mil xeracións cos que me aman e gardan os meus mandamentos.

Deuteronomio 5:9

Non te prostrarás en adoración diante delas nin te someterás á escravitude no culto a elas, xa que eu son o Señor, o teu Deus, Deus celoso: para os que me aborrecen, castigo o delito dos pais nos descendentes ata a terceira e cuarta xeración;

Deuteronomio 6:15

porque no medio de ti está un Deus celoso, o Señor, o teu Deus: non sexa que se desafogue contra ti a ira do Señor o teu Deus e te faga desaparecer de sobre a superficie da terra.

Deuteronomio 7:10

e que llelas devolve na cara ós que o aborrecen, facéndoos desaparecer; non queda dubidoso ante o que o aborrece, senón que llelas paga en persoa.

Santiago 4:4

Desleigados! Seica non sabedes que a amizade con este mundo é inimiga de Deus? E así quen quere ser amigo deste mundo faise inimigo de Deus.

Xosué 23:16

Cando fendades a Alianza que o Señor, o voso Deus, vos estableceu, e vaiades e sirvades a deuses alleos, e vos prostredes diante deles, prenderase a ira do Señor contra vós e desapareceredes axiña desta boa terra que El vos deu".

Xosué 23:7

nin vos xuntedes cos pobos xentís que quedaron entre vós, nin pronunciedes sequera o nome dos seus deuses, nin xuredes por eles, nin os sirvades, nin vos abatades diante deles;

Xosué 24:19

E dixo Xosué ó pobo: —"Vós non sodes quen para servirdes ó Señor, pois El é un Deus santo e dado ós celos e non aturaría as vosas rebeldías nin os vosos pecados.

Xuíces 2:19

Pero, á morte do xuíz, volvían ás andadas, e corrompíanse aínda máis ca seus pais, indo tras dos deuses alleos, para servilos e abaixarse diante deles; non deron de man ás súas obras ruíns nin ós seus teimudos camiños.