Éxodo 20:3 - Biblia SEPT

³ Non terás xunto comigo outros deuses.

Éxodo 20:3 Iomraidhean Croise

1 Reis 11:4

Cando Salomón ía xa vello, as súas mulleres levaron o seu corazón tras deuses alleos; non o tiña por enteiro co Señor, seu Deus, coma seu pai David.

Salmos 29:2

tributádelle ó Señor o honor do seu nome, adorade ó Señor con ornamento sagrado.

Salmos 73:25

A quen outro teño eu no ceo? Contigo xa nada cobizo na terra.

Salmos 81:10

—"Non terás contigo un deus estraño, non adorarás un deus alleo.

Salmos 81:9

Oe, meu pobo, que quero avisarte, escóitame ben, Israel.

Éxodo 15:11

Quen hai coma ti, Señor, entre os deuses, quen coma ti, excelso en santidade, terrible polas túas obras, facedor de milagres?

Éxodo 20:23

Non faredes deuses de prata para poñelos ó meu lado, nin vos fabricaredes deuses de ouro.

Éxodo 22:19

O que ofreza sacrificios a outros deuses, fóra do Señor, será condenado.

Éxodo 23:24

Non te prostrarás diante dos seus deuses nin os adorarás. Non farás o que fan eles, senón que os destruirás e romperás as súas imaxes.

Éxodo 32:8

Desviáronse axiña do camiño que eu lles indicara. Fixéronse un becerro de metal, próstranse diante del, ofrécenlle sacrificios e pregoan: Este é o teu Deus, Israel, o que te sacou de Exipto".

Éxodo 34:14

Non adorarás deuses alleos, porque o Señor, que leva nome de celoso, éo de verdade.

Isaías 26:4

Confían no Señor para sempre, si, no Señor; o Señor é Rocha para sempre.

Isaías 42:8

Eu, Iavé, este é o meu Nome! A miña gloria a outro non lla dou; nin a miña loanza ós ídolos.

Isaías 43:10

Vós sodes as miñas testemuñas —é o Señor quen fala—; si, o meu servo que eu escollín, para que me coñezades e creades en min, e para que recoñezades que só eu son. Antes de min non foi formado ningún deus, e despois de min non existe ningún.

Isaías 44:8

Non teñades medo nin pavor. Acaso non volo fixen oír e volo manifestei desde entón? Vós sodes as miñas testemuñas: hai acaso un Deus fóra de min? Non, non hai Penedo: eu non o coñezo".

Isaías 46:9

Lembrádevos das cousas primeiras desde antigo: de que eu son Deus e non hai outro, de que son Deus e non hai coma min.

Xeremías 25:6

Non vos vaiades tras deuses alleos, nin os sirvades e adoredes, nin me enchades de ira coas obras das vosas mans, e deste xeito non vos farei mal".

Xeremías 35:15

Aínda que madruguei a mandarvos os meus servos os profetas, e repetidas veces volos mandei a dicirvos: "Arrepentídevos cada un de vós do seu mal vieiro, mellorade o voso comportamento, non vaiades tras deuses alleos para lles dar culto, e así viviredes na terra que vos dei a vós e a vosos pais", vós non prestastes oído, nin me fixestes caso.

Xeremías 7:9

E logo non matades, roubades, cometedes adulterios e xurades en falso? Acaso non ofrendades incenso a Baal e ides tras deuses alleos que antes nin coñeciades?

Oseas 13:4

Si, eu son o Señor, o teu Deus, desde o país de Exipto, e deuses fóra de min non debes recoñecer, pois non hai outro salvador, senón eu.

Mateo 4:10

Entón replicoulle Xesús: Arreda, Satán, porque está escrito: Só ó Señor, o teu Deus, adorarás, e só a El darás culto.

1 Corintios 8:4

Así que verbo de comer as carnes sacrificadas ós ídolos, sabemos que ningún ídolo existe de verdade no mundo, nin deus ningún fóra do Único.

1 Corintios 8:6

para nós non hai máis ca un só Deus, o Pai, de quen todo procede e para quen nós estamos feitos; nin hai máis ca un só Señor, Xesús Cristo, por quen todo existe e por quen existimos nós mesmos.

Efesios 5:5

Tede por certo que quen se dea á prostitución, á inmoralidade ou á cobiza (que é unha idolatría) non herdará o Reino de Cristo e de Deus.

Deuteronomio 5:7

Non terás outros deuses na miña presenza.

Deuteronomio 6:14

Non vos vaiades tras doutros deuses, deuses dos pobos que vos rodean,

Deuteronomio 6:5

Amarás o Señor, o teu Deus, con todo o teu corazón, con todas as túas aspiracións e con toda a túa forza.

Filipenses 3:19

Esa xente vai acabar na perdición; o Deus dela é o bandullo; o orgullo dela está na vergonza: xente que só se interesa polas cousas terreais.

Colosenses 2:18

Que ninguén vos prive do premio coa súa humildade aquelada e o seu culto ós anxos: visións e visionarios que se ven enfonchados coma parvos polo seu entendemento egoísta,

Apocalipse 19:10

Boteime ós seus pés para o adorar; pero el díxome: "Non, non o fagas! Son un servo de Deus igual ca ti e cós teus irmáns, que manteñen o testemuño de Xesús. Adora a Deus, que dar testemuño de Xesús é ter espírito profético".

Apocalipse 22:9

Pero el díxome: "Non, iso non! Eu son compañeiro de servizo teu e dos teus irmáns os profetas e dos que fan caso das palabras deste libro: adorar, adora a Deus".

Xuíces 6:10

E díxenvos: Eu son o Señor, o voso Deus; non veneredes os deuses dos amorreos (os da terra onde morades). Pero non escoitastes a miña voz".