Éxodo 20:2 - Biblia SEPT

² —"Eu son o Señor, o teu Deus, que te saquei da terra de Exipto, da condición de escravitude.

Éxodo 20:2 Iomraidhean Croise

1 Reis 18:39

Cando a xente o viu, prostrouse toda polo chan e exclamou: —"O Señor é o Deus verdadeiro, o Señor é o Deus verdadeiro!"

2 Reis 17:12

Deron culto ós ídolos, feito do que tiña dito o Señor: —"Non fagades tal cousa".

2 Reis 17:7

Iso aconteceu porque os israelitas pecaron contra o Señor, seu Deus, que os tirara de Exipto, do xugo do faraón, rei de Exipto; pero eles adoraron outros deuses.

2 Crónicas 28:5

O Señor, seu Deus, entregouno nas mans do rei sirio, que o derrotou, capturou numerosos prisioneiros e levounos a Damasco. Tamén o entregou nas mans do rei de Israel, que lle inflixiu unha gran derrota.

Salmos 50:7

—"Escoita, meu pobo, que che falo, Israel, que vou declarar contra ti. Eu son Deus, o teu Deus.

Salmos 81:10

—"Non terás contigo un deus estraño, non adorarás un deus alleo.

Salmos 81:11

Eu son o Señor, o teu Deus, quen te sacou da terra de Exipto: abre a túa boca, que eu a encherei".

Salmos 81:7

Escoitei a fala dun descoñecido, tireille a carga do lombo, as súas mans deixaron as cestas.

Éxodo 13:14

Cando mañá o teu fillo che pregunte: Que significa isto?, ti diraslle: O Señor sacounos con man forte de Exipto, da casa da servidume.

Éxodo 13:3

Moisés díxolle ó pobo: —"Lembrade este día en que saístes de Exipto, da casa da servidume, cando con man rexa vos sacou de alí o Señor. Non comades pan lévedo nese día.

Éxodo 15:13

Ti guiaches con amor o pobo rescatado, coa túa forza leváchelo onda a túa sagrada morada.

Éxodo 15:16

Caeu enriba deles un medo tremente, o poder do teu brazo deixounos coma de pedra, namentres pasaba o teu pobo, Señor, namentres pasaba o pobo que adquiriches.

Éxodo 15:26

Díxolles: —"Se obedecedes ó Señor, o voso Deus, se facedes o que é debido, se cumprides os seus mandamentos e gardades as súas leis, non botarei sobre vós as pragas que botei sobre os exipcios, pois eu son o Señor que cura".

Éxodo 20:1

O Señor pronunciou estas palabras:

Éxodo 29:46

E eles recoñecerán que eu son o Señor, o seu Deus, que os saquei de Exipto e que habito no medio deles. Eu o Señor, o seu Deus.

Éxodo 6:6

Dilles, pois, ós israelitas: Eu, Iavé, tirareivos de debaixo da carga que vos impoñen os exipcios, sacareivos da súa servidume, librareivos con brazo estendido e con grandes escarmentos.

Isaías 43:3

Porque eu son o Señor, o teu Deus, o santo de Israel, o teu salvador. Porei a Exipto de expiación túa; a Cux e a Sebá poreinos no teu lugar.

Xeremías 16:14

Certo, velaquí veñen os días —é o Señor quen fala— en que xa non se dirá: "Vive o Señor, que sacou os israelitas da terra de Exipto".

Xeremías 2:6

En vez de preguntar: onde está o Señor que nos sacou de Exipto e nos deu forzas para camiñar polo deserto, por terras ermas e fragas, por terras requeimadas e sombras de morte, por sitios que ninguén pasa e onde o home non habita?

Xeremías 31:1

E entón —é o Señor quen fala— eu serei Deus para todas as tribos de Israel, e eles serán o meu pobo.

Xeremías 31:33

Velaquí o pacto que eu hei pactar coa casa de Israel despois deses días —é o Señor quen fala—: Hei meter a miña lei nas súas entrañas, escribireina nos seus corazóns, serei para eles o seu Deus, e eles serán para min o meu pobo.

Xeremías 34:13

Así fala o Señor, Deus de Israel: —Eu son quen fixo un pacto con vosos pais o día que os saquei do país de Exipto, da casa de escravos, nestes termos:

Ezequiel 20:19

Eu son o Señor, o voso Deus: seguide os meus preceptos, gardade as miñas leis e cumprídeas,

Ezequiel 20:5

has de lles dicir: así fala o meu Señor, Iavé: —O día no que eu escollín a Israel, xureille coa miña man erguida á liñaxe da Casa de Xacob, cando me dei a coñecer a eles, xureilles coa man levantada: Eu son o Señor, o voso Deus.

Ezequiel 20:7

Tamén lles dixen: Cada un de vós botade fóra as abominacións que vos levan os ollos, e non vos lixedes cos ídolos de Exipto. Eu son o Señor, o voso Deus.

Oseas 12:10

"Eu son o Señor, o teu Deus, desde o país de Exipto: obrigareite a vivir en tendas coma nos días do encontro.

Oseas 13:4

Si, eu son o Señor, o teu Deus, desde o país de Exipto, e deuses fóra de min non debes recoñecer, pois non hai outro salvador, senón eu.

Levítico 11:45

Eu son o Señor que vos fixen subir do país de Exipto, para ser o voso Deus: tendes que ser santos, pois eu son santo.

Levítico 19:36

Usaredes balanza xusta, pesas boas, efah exacto e hin completo. Eu son o Señor, o voso Deus que vos saquei do país de Exipto.

Levítico 23:43

para que os vosos descendentes saiban que en cabanas fixen eu que morasen os israelitas, cando os saquei de Exipto. Eu son o Señor, o voso Deus".

Levítico 25:38

Eu son o Señor, o voso Deus, que vos saquei da terra de Exipto e deivos o país de Canaán para ser o voso único Deus.

Levítico 25:42

Pois son servos meus, saqueinos eu de Exipto, e non poderán ser vendidos coma escravos.

Levítico 25:55

porque os fillos de Israel son servos meus, pois fun eu quen os sacou de Exipto. Eu son o Señor, o voso Deus.

Levítico 26:1

Non vos fabricaredes deuses, nin esculturas, nin imaxes, nin levantaredes estatuas de pedra. Na vosa terra non as levantaredes para as adorar, pois eu son o Señor, o voso Deus.

Levítico 26:13

Eu son o Señor, o voso Deus, que vos saquei do país de Exipto, para vos liberar da escravitude, rompendo as cordas do voso xugo, e fíxenvos camiñar coa fronte ergueita.

Amós 2:10

Eu fíxenvos subir desde o país de Exipto guiándovos pola estepa corenta anos para darvos en posesión a terra dos amorreos;

Romanos 10:12

Pois non hai diferenza entre o xudeu e o grego, xa que un mesmo é o Señor de todos, rico para todos os que o invocan;

Romanos 3:29

Ou é que Deus é Deus dos xudeus soamente? Non o é tamén dos xentís? Certo, tamén dos xentís.

Deuteronomio 13:10

Debes absolutamente matalo: a túa man será a primeira en darlle morte, e a man de todo o pobo seguirá despois:

Deuteronomio 15:15

Lémbrate de que fuches servo no país de Exipto e de que te redimiu o Señor, o teu Deus. Por isto mándoche hoxe este precepto.

Deuteronomio 20:1

Cando saias para a guerra contra os teus inimigos e vexas cabalos, carros e exército máis numeroso ca ti, non lles teñas medo, pois está contigo o Señor, o teu Deus, o que te fixo rubir do país de Exipto.

Deuteronomio 5:15

Lémbrate de que fuches servo no país de Exipto e de que te sacou de alí o Señor o teu Deus con man forte e brazo estendido. Por isto mandouche o Señor o teu Deus que observases o día de descanso sabático.

Deuteronomio 5:6

Eu son o Señor, o teu Deus, que te fixen saír do país de Exipto, da opresión dos escravos.

Deuteronomio 7:8

senón que foi polo amor do Señor para vós e por manter El o xuramento que lles fixera ós vosos pais, polo que o Señor vos sacou con man forte e vos rescatou da situación de escravitude, do poder do faraón, rei de Exipto.

Xuíces 2:1

E subiu o anxo do Señor desde Guilgal ata Boquim e dixo: —"Saqueivos de Exipto e fíxenvos entrar na terra que prometera a vosos pais; e dixen: endexamais romperei a alianza que fixen convosco.

Xuíces 6:10

E díxenvos: Eu son o Señor, o voso Deus; non veneredes os deuses dos amorreos (os da terra onde morades). Pero non escoitastes a miña voz".