Éxodo 19:6 - Biblia SEPT

⁶ Vós seredes para min un reino de sacerdotes, un pobo consagrado. Isto é o que lles has dicir ós israelitas".

Éxodo 19:6 Iomraidhean Croise

1 Reis 3:8

O teu servo atópase no medio deste pobo escollido por ti, un pobo grande e numeroso, que non se pode contar nin estimar.

1 Reis 8:53

Porque ti, Señor, escollíchelos a eles por teu herdo, entre todos os pobos da terra, segundo prometeras polo teu servo Moisés, cando sacaches de Exipto ós nosos pais".

1 Crónicas 17:22

Ti fixeches do teu pobo Israel, o teu pobo para sempre, e ti, oh Iavé!, ti es o seu Deus.

Salmos 114:2

foi Xudá o seu santuario, Israel o seu dominio.

Éxodo 15:26

Díxolles: —"Se obedecedes ó Señor, o voso Deus, se facedes o que é debido, se cumprides os seus mandamentos e gardades as súas leis, non botarei sobre vós as pragas que botei sobre os exipcios, pois eu son o Señor que cura".

Éxodo 28:36

Farás unha flor de ouro puro e gravarás nela, como se grava un selo: Consagrado ó Señor.

Isaías 43:4

Porque ti fuches ben querido ós meus ollos; fuches glorificado, o meu predilecto; e por isto, farei que a humanidade expíe no teu lugar; e que os pobos paguen pola túa vida.

Isaías 61:6

Pero vós seredes chamados sacerdotes do Señor, dirásevos servidores do noso Deus. Comeredes os bens dos pobos e coas súas riquezas fortalecerédesvos.

Isaías 62:12

Entón chamaráselles: "Pobo santo", "Os redimidos do Señor", e a ti chamaráseche "Buscada", "Cidade non abandonada".

Isaías 66:21

Tamén collerei a algúns deles para sacerdotes e levitas —dío o Señor—.

Xeremías 13:11

Así como a faixa cingue os cadrís, así quixen eu cinguirme de Israel e coa casa toda de Xudá, de xeito que fose o meu pobo, o meu renome, a causa da miña loanza e da miña gloria; pero non me fixeron caso.

Xeremías 2:3

Israel era a propiedade escollida de Deus, primicia da súa colleita; sempre que calquera se atreva a comela, pagarao, viralle enriba unha calamidade —é o Señor quen fala—.

Xeremías 7:23

senón que foi este o precepto que lles impuxen: "Escoitade a miña voz: Eu serei o voso Deus, e vós seredes o meu pobo; camiñade polo vieiro que vos mando, para que vos vaia ben".

Levítico 19:2

—"Fálalle á comunidade dos fillos de Israel e dilles: Sede santos, porque santo son eu, o Señor, o voso Deus.

Levítico 20:24

Xa volo teño dito: vós seredes donos da súa terra; eu mesmo vola vou dar en posesión: unha terra que deita leite e mel. Eu son o Señor, o voso Deus, que vos separei dos demais pobos.

Levítico 20:26

Seerédesme santos, porque eu o Señor son santo, e separeivos dos outros pobos, para que sexades tan só para min.

Levítico 21:23

pero non entrará alén do veo nin se achegará ó altar, porque ten unha eiva, e non debe profanar o meu santuario, pois eu son o Señor, que os santifico".

Amós 3:2

"A vós sós elixín de entre as familias da terra, por iso vouvos pedir contas de todas as vosas maldades".

Axeo 2:5

Chegou a promesa que pactei convosco cando saïades de Exipto, o meu espírito mantense firme no medio de vós: non teñades medo.

Números 16:3

Subleváronse contra Moisés e contra Aharón, e dixéronlles: —"Xa é abondo! Toda a comunidade é santa, todos eles o son, e no medio deles está o Señor. Por que vos elevades vós sobre a comunidade do Señor?"

Romanos 12:1

Rógovos, logo, irmáns, pola misericordia de Deus, que ofrezades os vosos corpos coma sacrificio vivo, santo, grato a Deus: coma o voso culto espiritual.

1 Corintios 3:17

Se alguén destrúe o templo de Deus, Deus destruirao a el. Porque o templo de Deus é sagrado e iso sodes vós.

Deuteronomio 14:21

Non podedes comer ningún animal que morreu: darasllo ao emigrante que está dentro das portas da túa cidade e comerao, ou se non, véndello ao estranxeiro, xa que ti es un pobo consagrado ao Señor, o teu Deus. Non cocerás o cabrito no leite da súa nai.

Deuteronomio 26:19

e que El te convertería en gloria, en renome e en esplendor no máis grande de todos os pobos que El creou e que serías o pobo consagrado ao Señor, o teu Deus tal como cho dixo".

Deuteronomio 28:9

Constituirate o Señor nun pobo consagrado a El, tal como cho xurou, se ti cumpres os mandamentos do Señor, o teu Deus, e camiñas polos seus vieiros.

Deuteronomio 7:6

Porque ti es un pobo consagrado ao Señor, o teu Deus. O Señor, o teu Deus, escolleute para seres o pobo da súa persoal propiedade entre todos os pobos que viven sobre a superficie da terra.

1 Tesalonicenses 5:27

Esconxúrovos polo Señor a que se lles lea esta carta a todos os irmáns.

1 Pedro 2:5

sede tamén vós, coma pedras vivas, parte da construción do templo espiritual: para os cultos dun sacerdocio santo e para ofrecer ofrendas espirituais, aceptables a Deus por medio de Xesús Cristo.

1 Pedro 2:9

Pero, en cambio, vós sodes raza escollida, sacerdocio de reis, nación santa, pobo adquirido por Deus, para pregoardes as marabillas daquel que vos chamou das tebras á súa luz admirable.

Apocalipse 1:6

e que nos converteu nun reino, en sacerdotes para o seu Deus e Pai: a el a gloria e mais o poder polos séculos dos séculos. Amén.

Apocalipse 20:6

Benaventurado e santo o que participa nesta primeira resurrección! Sobre eles non ten poder a morte segunda: serán sacerdotes de Deus e de Cristo e reinarán con El mil anos.

Apocalipse 5:10

E fixeches deles un reino de sacerdotes para o noso Deus e reinarán na terra".