Éxodo 16:12 - Biblia SEPT

¹² —"Oín as murmuracións dos israelitas. Dilles isto: O anoitecer teredes carne que comer e pola mañá pan a fartar. E saberedes que eu son o Señor, o voso Deus".

Éxodo 16:12 Iomraidhean Croise

1 Reis 20:28

Niso chegou alí un home de Deus e díxolle ó rei de Israel: —"Isto di o Señor: Xa que os arameos pensan que o Señor é un deus da montaña, e non un deus da terra cha, vou entregar nas túas mans esa enorme multitude, para que saibades que eu son o Señor".

Salmos 105:40

Pediron, e viñeron paspallás e deulles con fartura pan do ceo.

Éxodo 12:6

Gardarédelo ata o catorce deste mes e, entre lusco e fusco dese día, inmolarao a comunidade toda de Israel en asemblea.

Éxodo 16:11

O Señor díxolle a Moisés:

Éxodo 4:5

—"Isto é para que crean que se che apareceu o Señor, o Deus de teus pais, Deus de Abraham, de Isaac e de Xacob".

Éxodo 6:7

Tomareivos coma meu pobo e eu serei o voso Deus. Saberedes que eu son Iavé, o voso Deus, o que vos tirou de debaixo da carga dos exipcios.

Éxodo 7:17

Iavé di: Nisto poderás recoñecer que eu son Iavé. Coa vara que levo na man baterei na auga do Nilo e trocarase en sangue.

Xeremías 31:24

Alí morarán Xudá e todas as súas cidades, alí se xuntarán os xornaleiros para saíren canda o rabaño.

Ezequiel 34:30

Entón recoñecerán que eu, o Señor, son o seu Deus, que estou con eles, e que eles son o meu pobo, a Casa de Israel, —é o meu Señor, Iavé, quen fala—.

Ezequiel 35:13

Encoraxástesvos contra min pola vosa boca, e inzaron máis da conta as vosas palabras contra min, —e eu estábao oíndo—.

Ezequiel 39:22

Desde o día aquel e de alí para adiante recoñecerá a Casa de Israel que eu son o Señor, o seu Deus.

Levítico 11:44

Pois eu son o Señor, o voso Deus: santificádevos para serdes santos, porque eu son santo. Non vos contaminedes con ningún réptil que se arrastra polo chan.

Zacarías 13:9

A ese terzo fareino pasar polo lume e acrisolareino como se acrisola a prata e probareino como se proba o ouro. El invocará o meu nome e eu escoitareino; direille "ti es o meu pobo" e el dirame "Iavé meu Deus".

Números 11:4

O xentío alporizado, que ía no medio do campamento, devecía por alimentos, e os fillos de Israel comezaron de novo a chorar dicindo: —"Quen nos dará carne para comer?

Números 14:27

—"Canto tempo vou ter que seguir aguantando esta teimosa turba, que murmura contra min? Eu oín as murmuracións que contra min profiren os fillos de Israel.