Éxodo 15:8 - Biblia SEPT

⁸ Co soprido do teu furor amoréanse as augas, érguense en diques as correntes, callan as augas do mar.

Éxodo 15:8 Iomraidhean Croise

2 Samuel 22:16

O leito do mar queda á vista, os alicerces do mundo ó descuberto, diante da ameaza do Señor, polo bafo da súa ira.

XOB - A Biblia Galega (Ed. SEPT) 4:9

co sopro de Deus logo esmorecen, coa treboada da súa ira consómense.

Salmos 33:7

Xuntou, coma nun fol, a auga do mar, meteu en depósitos o océano.

Salmos 78:13

Fendeu o mar para lles dar paso, as augas fixeron diques.

Éxodo 14:29

Os israelitas pasaron a pé enxoito polo medio do mar, mentres as augas facían muro á súa dereita e á súa esquerda.

Isaías 11:4

Xulgará ó pobre conforme a xustiza, e sentenciará con rectitude ós oprimidos da nación. Castigará ó violento coa vara da súa boca, e co espírito dos seus labios matará ó malvado.

Isaías 37:7

Olla: eu vou pór nel un espírito, oirá un dito e volverá ó seu país; logo, no seu país, fareino caer coa espada".

Habacuc 3:10

ó vérente, danzan os montes, pasa unha tromba de auga, e o Abismo lanza a súa voz, o sol levanta ó alto as súas mans,

Habacuc 3:15

Ti pisaches o mar cos teus cabalos, ti, que fas ferver as augas abondosas.

2 Tesalonicenses 2:8

E daquela mostrarase o Impío, a quen o Señor matará co sopro da súa boca e aniquilará co resplandor da súa Vinda.

Xosué 3:13

e, cando as plantas dos pés dos sacerdotes que levan a Arca do Señor —do dono de toda a terra— se pousen nas augas do Xordán, acontecerá que as augas do Xordán quedarán cortadas (as augas que veñen de arriba), e formarán un bloque á parte".

Xosué 3:16

detivéronse as augas do Xordán que viñan de arriba, e erguéronse en bloque á parte moi lonxe, en Adam (a vila que está a carón de Saretán); e as que baixaban cara ó mar da Arabah o Mar do Sal, remataron tamén totalmente cortadas: e o pobo atravesou por fronte de Xericó.