Éxodo 15:2 - Biblia SEPT

² O Señor é a miña forza, a razón do meu canto, El é a miña salvación. El é o meu Deus, e loareino, o Deus de meu pai, e enxalzareino.

Éxodo 15:2 Iomraidhean Croise

Xénese 17:7

Establezo a miña alianza, alianza perpetua, contigo e cos teus descendentes, polas xeracións vindeiras. Eu serei o teu Deus e o dos teus descendentes.

Xénese 49:18

Eu espero, Señor, a túa salvación!

2 Samuel 22:3

meu Deus, penedo onde me acollo, meu escudo, meu salvador, meu tobo, meu recanto, que me libras da violencia.

2 Samuel 22:47

Viva o Señor, bendita a miña rocha! Sexa exaltado Deus, o meu salvador,

2 Samuel 22:51

El dá ó seu rei grandes vitorias e mostra o seu amor polo seu unxido, con David e coa súa liñaxe para sempre".

2 Samuel 7:24

Ti constituíches o pobo de Israel coma pobo teu para sempre e Ti, Señor, es o seu Deus.

2 Samuel 7:5

—"Vai e dille ó meu servo David que isto di o Señor: vasme edificar unha casa para que eu habite nela?

1 Reis 8:13

Eu construínche unha casa, onde habites para sempre, que sexa o lugar da túa morada".

1 Reis 8:27

Será verdade que Deus fará na terra unha morada? Se nin os ceos todos te poden acoller, canto menos esta casa que eu che construín.

1 Crónicas 16:14

Iavé é o noso Deus, El goberna a terra toda.

Salmos 109:1

Do mestre do coro. Salmo de David. Deus a quen loo, non cales,

Salmos 118:14

O Señor é a miña forza, o meu cantar, El é a miña salvación.

Salmos 118:21

Douche as grazas porque me escoitas: ti es a miña salvación.

Salmos 118:28

Meu Deus, douche as grazas, meu Deus, quero enxalzarte.

Salmos 132:5

Ata lle atopar sitio ó Señor, morada ó Deus de Xacob".

Salmos 140:7

Eu dígolle ó Señor: —"Ti es o meu Deus, escoita, Señor, a miña súplica".

Salmos 145:1

Himno de loanza, de David. Meu Deus e meu rei, quero enxalzarte e bendicir por sempre o teu nome.

Salmos 18:46

os estranxeiros embarúllanse e saen tremendo dos seus refuxios.

Salmos 22:10

Ti es quen me sacou do seo materno, quen me achegou ós peitos de miña nai;

Salmos 22:3

Meu Deus, clamo de día, e non respondes; de noite, e non atopo sosego.

Salmos 27:1

De David. O Señor é a miña luz e salvación, a quen hei de temer? O Señor é o meu castelo, ante quen hei de tremer?

Salmos 28:8

O Señor é a forza do seu pobo, fortaleza de salvación do seu unxido.

Salmos 30:1

Salmo, canto da dedicación do templo do Señor. De David.

Salmos 34:3

gloríome no Señor, e os humildes alégranse, ó escoitalo.

Salmos 48:14

fixádevos nos seus muros, percorrede os seus pazos, para podelo contar á xeración futura.

Salmos 59:17

Eu festexarei o teu poder, cantarei de mañá o teu amor. Ti es o meu refuxio, o meu agarimo, na hora do apuro.

Salmos 68:20

Bendito sexa o Señor, cada día: Deus, o noso salvador, coida de nós,

Salmos 99:5

Enxalzade ó Señor, noso Deus, prostrádevos ós seus pés, pois santo é o Señor.

Salmos 99:9

Enxalzade ó Señor, noso Deus, prostrádevos ante o seu monte santo, pois santo é o Señor, noso Deus.

Éxodo 14:13

Moisés respondeulles: —"Non teñades medo. Mantédevos enteiros e veredes a salvación que vos concederá hoxe o Señor. Os exipcios que hoxe vedes, non os veredes nunca máis.

Éxodo 3:6

E engadiu: —"Eu son o Deus de teu pai, o Deus de Abraham, de Isaac e de Xacob". Moisés tapou a cara, polo medo de ver a Deus.

Éxodo 4:22

Ti diraslle: Así di o Señor: Israel é meu fillo primoxénito.

Éxodo 40:34

Entón a nube cubriu a Tenda do Encontro e a gloria do Señor encheu o tabernáculo.

Éxodo 6:7

Tomareivos coma meu pobo e eu serei o voso Deus. Saberedes que eu son Iavé, o voso Deus, o que vos tirou de debaixo da carga dos exipcios.

Isaías 12:2

Velaí, Deus é a miña salvación, terei confianza, e non medo. El é a miña forza, por isto loareino. Si, o Señor é a miña salvación".

Isaías 25:1

Señor, ti es o meu Deus: enxálzote, loo o teu Nome, porque realizaches plans marabillosos, a túa fidelidade vén de lonxe.

Isaías 45:17

Israel será salvado polo Señor con salvación eterna: Non vos teredes que avergonzar e endexamais non vos cubriredes de oprobio.

Isaías 49:6

"é moi fácil para ti ser o meu servo, restablecendo as tribos de Xacob e facendo volver os protexidos de Israel, pois convértote en luz das nacións, e serás a miña salvación ata o confín da terra".

Isaías 66:1

Así fala o Señor: "O ceo é o meu trono e a terra é o estrado dos meus pés. Cal é a casa que me ides construír? Cal é o lugar do meu descanso?

Xeremías 3:23

En verdade, que engano hai nos outeiros, que confusión nos montes! En verdade, no Señor noso Deus, está a salvación de Israel.

Xeremías 31:33

Velaquí o pacto que eu hei pactar coa casa de Israel despois deses días —é o Señor quen fala—: Hei meter a miña lei nas súas entrañas, escribireina nos seus corazóns, serei para eles o seu Deus, e eles serán para min o meu pobo.

Xeremías 32:38

Eles serán o meu pobo e eu serei o seu Deus.

Habacuc 3:13

Saes á campaña para salvar o teu pobo, para salvar o teu Unxido. Esmágaslle a cabeza á familia do impío, íspeslle os alicerces ata o penedo.

Zacarías 13:9

A ese terzo fareino pasar polo lume e acrisolareino como se acrisola a prata e probareino como se proba o ouro. El invocará o meu nome e eu escoitareino; direille "ti es o meu pobo" e el dirame "Iavé meu Deus".

Lucas 1:77

Anunciándolle a salvación ó seu pobo mediante o perdón dos pecados,

Lucas 2:30

porque xa os meus ollos viron o teu Salvador,

Xoán 4:22

Vós adoráde-lo que non coñecedes; nós adoramos o que coñecemos, pois a salvación vén dos xudeus.

Xoán 5:23

para que todos honren o Fillo como honran o Pai. O que non honra o Fillo, non honra o Pai, que o mandou.

Feitos 4:12

En ningún outro hai salvación, porque non hai ningún outro nome baixo do ceo, dado ós homes, no que nos poidamos salvar.

2 Corintios 5:19

Pois Deus estaba en Cristo reconciliando o mundo consigo, non levando conta dos delitos dos homes e poñendo en nós a mensaxe da reconciliación.

Efesios 2:22

E nesa construción tamén entrades vós, para formardes unha morada de Deus, no Espírito.

Deuteronomio 10:21

El será a túa loanza, El será o teu Deus, que fixo por ti esas grandes e terribles cousas que viron os teus ollos.

Filipenses 2:11

e para que toda lingua proclame para gloria de Deus Pai que Xesús Cristo é o Señor.

Filipenses 4:13

Teño forzas para todo grazas a quen me fai forte.

Colosenses 2:9

Porque nel habita corporalmente toda a plenitude da divindade

Apocalipse 15:3

Cantaban a cántiga do servo de Deus, Moisés, e a cántiga do Año, dicindo: "Grandes e admirables son as túas obras, Señor Deus, que todo o sostés; xusto e fiel é o teu comportamento, Rei das nacións.

Apocalipse 19:1

Despois disto oín no ceo coma unha forte voz dunha gran multitude, que dicía: "Aleluia! A salvación, a gloria e o poder son do noso Deus,

Xuíces 5:21

O torrente Quixón arrebatounos: o torrente vello, o torrente Quixón. Camiña con forza, miña alma!