Éxodo 15:16 - Biblia SEPT

¹⁶ Caeu enriba deles un medo tremente, o poder do teu brazo deixounos coma de pedra, namentres pasaba o teu pobo, Señor, namentres pasaba o pobo que adquiriches.

Éxodo 15:16 Iomraidhean Croise

Xénese 35:5

En canto se puxeron de camiño, un medo de Deus invadiu todas as vilas do arredor, de xeito que ninguén perseguiu ós fillos de Xacob.

2 Samuel 7:23

E que nación hai no mundo coma o teu pobo Israel, que Deus mesmo foi rescatar, para facelo seu e darlle un nome e para facer con el prodixios e milagres, botando de diante do pobo que libraches de Exipto ós outros pobos cos seus deuses?

Salmos 105:38

Alegráronse os exipcios da súa saída, pois caera sobre eles o terror.

Salmos 74:2

Acórdate da comunidade que desde antigo adquiriches, do pobo que rescataches para a túa posesión, do monte Sión, onde fixeches a túa morada.

Salmos 89:14

Ti tes brazo potente, a túa man é forte, a túa dereita ergueita.

Éxodo 11:7

Pero onde están os israelitas non ouveará can ningún nin por homes nin por gando, para que saibades que o Señor distingue entre Exipto e Israel.

Éxodo 15:13

Ti guiaches con amor o pobo rescatado, coa túa forza leváchelo onda a túa sagrada morada.

Éxodo 15:5

Os abismos cubríronos, baixaron ó fondo coma pedras.

Éxodo 15:6

A túa destra, Señor, distínguese pola forza, a túa destra, Señor, tronza ós inimigos.

Éxodo 18:8

Moisés contoulle ó seu sogro o que Deus fixera co faraón e cos exipcios por mor de Israel, e as coitas que tiveran na viaxe e como o Señor os librara delas.

Éxodo 20:2

—"Eu son o Señor, o teu Deus, que te saquei da terra de Exipto, da condición de escravitude.

Éxodo 23:20

Eu vou mandar o meu anxo diante túa, para que te garde na viaxe e te leve ó lugar que che teño disposto.

Éxodo 23:22

Se de verdade o obedeces e fas o que eu che mande, eu serei inimigo dos teus inimigos, adversario dos teus adversarios.

Éxodo 23:27

Eu mandarei o meu terror diante de ti, espantarei os pobos ós que chegues, e todos os teus inimigos viraranse de costas ante ti.

Éxodo 6:7

Tomareivos coma meu pobo e eu serei o voso Deus. Saberedes que eu son Iavé, o voso Deus, o que vos tirou de debaixo da carga dos exipcios.

Isaías 51:10

Acaso non fuches ti quen secou o Mar, as augas do grande Abismo, que converteu o profundo do mar nun camiño, para o paso dos redimidos?

Isaías 63:12

O que fixo avanzar o seu glorioso brazo por medio da destra de Moisés, o que partiu as augas diante deles, construíndose para si un renome eterno.

Xeremías 31:11

Certo, rescatará o Señor a Xacob, librarao dunha man máis forte.

Ezequiel 16:8

Volvín pasar onda ti e fixeime en ti: Velaí, a túa idade era a idade do namoro; estendín o meu manto sobre ti e cubrín a túa nudez; comprometinme contigo con xuramento, e entrei en alianza contigo —é o meu Señor, Iavé, quen fala— e fuches miña.

Feitos 20:28

Coidade de vós e de todo o rabaño do que o Espírito Santo vos constituíu inspectores, para pastoreardes a Igrexa que Deus comprou co sangue do seu propio Fillo.

Deuteronomio 11:25

Ninguén se resistirá diante de vós. O Señor, voso Deus, difundirá pánico e medo por todo o país no que vós pisedes, tal e como volo dixo.

Deuteronomio 2:25

O día de hoxe comezo a te converter no causante de temor e de terror ante a presenza dos pobos que hai debaixo de todo o firmamento; ao teren noticia do teu renome, poranse a tremer e escaparán da túa presenza.

Deuteronomio 2:4

Dálle estas ordes ao pobo: Vós ides pasar as fronteiras dos vosos irmáns, os fillos de Esaú, que viven no Seir. Eles téñenvos medo, pero gardádevos ben

Deuteronomio 32:6

Isto lle facedes ao Señor, pobo parvo e sen sabedoría? Non é El o teu Pai, quen te creou? Non é El quen te fixo, quen che deu o ser?

Deuteronomio 32:9

Si, a parte do Señor é o seu pobo, Xacob é a súa herdanza.

Tito 2:14

El entregouse por nós, para nos redimir de toda iniquidade e purificar para si un pobo escolleito, afervoado, dedicado ás boas obras.

Xosué 2:9

e díxolles: —"Ben sei que o Señor vos deu o país, e o temor a vós estarrece, de xeito que todos os veciños do país están amedrentados por causa vosa,

Xosué 4:24

para que coñezan todos os pobos da terra que a man de Deus é poderosa, e para que temades decote ó Señor, o voso Deus".

1 Pedro 2:9

Pero, en cambio, vós sodes raza escollida, sacerdocio de reis, nación santa, pobo adquirido por Deus, para pregoardes as marabillas daquel que vos chamou das tebras á súa luz admirable.

2 Pedro 2:1

O mesmo que houbo no pobo xudeu profetas falsos, tamén haberá entre vós falsos mestres, que meterán arteiramente herexías perniciosas; ó negaren o Señor que os rescatou, carrexan para si unha rápida perdición.

1 Samuel 2:9

El garda os pasos dos seus amigos e afunde ós malvados nas tebras, que non é pola forza como o home se impón.

1 Samuel 25:37

Pola mañá, cando xa o viño saíra de Nabal, ela contoulle o que pasara. A Nabal paralizóuselle o corazón dentro do peito e quedou coma unha pedra.