Éxodo 15:11 - Biblia SEPT

¹¹ Quen hai coma ti, Señor, entre os deuses, quen coma ti, excelso en santidade, terrible polas túas obras, facedor de milagres?

Éxodo 15:11 Iomraidhean Croise

2 Samuel 7:22

Por iso es grande, Señor Iavé, non hai outro coma ti, nin hai Deus, fóra de ti, conforme o que temos oído.

1 Reis 8:23

e dixo: —"Señor, Deus de Israel, non hai un deus coma ti, nin arriba no ceo, nin abaixo na terra. Ti gardas a alianza e o amor ós teus servos, que camiñan diante de ti con todo o corazón.

1 Crónicas 16:25

Porque Iavé é grande, digno de toda loanza, temible sobre todos os deuses.

2 Crónicas 2:5

Pero quen será home a construírlle un templo, cando os ceos e os ceos dos ceos non o poden conter? E quen son eu para edificarlle un templo aínda que estea destinado tan só a queimar incenso na súa presenza?

2 Crónicas 6:14

e dixo: —"Señor, Deus de Israel. Nin no ceo nin na terra hai deus ningún coma ti, fiel á alianza cos teus vasalos, se proceden de todo corazón de acordo contigo;

Salmos 113:5

Quen coma o Señor, noso Deus, que habita nas alturas

Salmos 119:120

O meu corpo treme ante ti e venero as túas decisións.

Salmos 136:4

Só El fai grandes prodixios, porque o seu amor é eterno.

Salmos 145:17

O Señor é xusto nos seus camiños todos, bo en todos os seus feitos.

Salmos 22:23

Eu falareilles de ti ós meus irmáns, loareite no medio da asemblea.

Salmos 35:10

Dirá todo o meu ser: —"Señor, quen hai coma ti, que defendes os humildes dos poderosos, os pobres e indixentes dos que os desposúen?"

Salmos 60:2

Cando loitou contra Aram Naharaim e contra os arameos de Zoba e bateu os edomitas no Val do Sal: doce mil homes.

Salmos 66:5

Vinde e vede as obras do Señor, os seus sorprendentes feitos entre os homes.

Salmos 77:11

Digo para min: —"A miña dor é esta: que se mudou a conduta do Altísimo".

Salmos 77:14

Os teus camiños, Deus, son santos, quen dos deuses é grande coma Deus?

Salmos 77:19

o trono foi retumbando, os lóstregos alumaron os espazos, a terra estremeceuse e tremelou.

Salmos 86:10

Ti es grande e fas prodixios, ti es o único Deus.

Salmos 86:8

Ti, Señor, non tes semellante entre os deuses, non hai feitos coma os teus.

Salmos 89:18

Ti es, en verdade, a súa gloria e a súa forza, polo teu favor erguemos nós a testa.

Salmos 90:11

Quen puidese valorar a forza da túa ira, a túa indignación, co debido temor!

Éxodo 18:11

Agora sei que o Señor é máis ca todos os deuses, pois así o mostrou cando eles se erguían contra vós".

Éxodo 20:3

Non terás xunto comigo outros deuses.

Éxodo 3:20

Pero eu alongarei a miña man e ferirei a Exipto. Obrarei alí moitos prodixios, e deixaranvos saír.

Éxodo 8:10

Axuntábanas en moreas, e todo o país fedía.

Éxodo 8:6

El respondeu: —"Mañá". Díxolle Moisés: —"Será como ti dis, para que saibas que non hai outro coma Iavé, o noso Deus.

Éxodo 9:14

Pois desta botarei todas as pragas enriba de ti, dos teus ministros, do teu pobo, para que saibas que non hai ninguén coma min en toda a terra.

Isaías 30:11

Apartade do noso camiño, quitade do noso vieiro, retirade de diante de nós ó Santo de Israel".

Isaías 40:18

Con quen asemellaredes a Deus? Que semellanza lle buscaredes?

Isaías 40:25

Con quen me asemellaredes, a quen serei comparable? —di o Santo—.

Isaías 46:9

Lembrádevos das cousas primeiras desde antigo: de que eu son Deus e non hai outro, de que son Deus e non hai coma min.

Isaías 57:15

Porque así fala o Altísimo, o Excelso, o que reside na sala do seu trono, que ten de Nome o Santo: "Eu resido no templo celeste, (pero) tamén co humillado e co de espírito abatido, para reanimar o espírito dos abatidos, e para revitalizar o corazón dos humillados.

Isaías 6:3

Exclamaban un cara ó outro: "Santo, Santo, Santo, o Señor dos Exércitos: a terra toda está chea da súa gloria!".

Xeremías 10:16

Non é coma elas o Deus que lle tocou a Xacob, pois El é o creador de todo: Israel é a tribo da súa herdanza. O seu nome é Señor dos Exércitos.

Xeremías 49:19

Velaí un león que sobe da fraga do Xordán: á súa morada heino volver, heino espantar e facer correr desde alí. Cal é o escollido de entre o seu exército, que o hei castigar? Pois quen hai coma min? Quen me desafía a un xuízo? Quen é o pastor que se mantén de pé na miña presenza?

Levítico 19:2

—"Fálalle á comunidade dos fillos de Israel e dilles: Sede santos, porque santo son eu, o Señor, o voso Deus.

Miqueas 7:18

Que Deus hai coma ti, que quita a iniquidade, e lle pasa por alto o pecado ó resto da súa herdanza, que non se obstina para sempre na ira, senón que lle ten amor á misericordia?

Lucas 12:5

Vouvos dicir a quen lle tedes que ter medo: temede a quen despois de matar pode meter no inferno. Así, repítovolo, temede a este.

Deuteronomio 1:30

O Señor, o voso Deus, será quen irá diante de vós; El pelexará no voso favor tal como fixo, diante dos vosos ollos, en Exipto.

Deuteronomio 3:24

Meu Señor, Deus! Ti comezaches por permitirlle ao teu servo ver a túa grandeza e a túa man forte, que deus pode haber no ceo ou na terra, que faga as mesmas obras ca ti, ou teña o mesmo poder?

Deuteronomio 33:26

Ninguén hai coma Deus, Iexurún, que monta a cabalo dos ceos na túa axuda, que coa maxestade monta nas delgadas nubes.

Deuteronomio 4:34

Ou intentou algún deus vir coller para si unha nación do medio doutros pobos, con castigos, con sinais e prodixios, con guerra, con man forte e brazo estendido, con terrores grandes, de maneira semellante a todo o que o Señor, o voso Deus, fixo no voso favor en Exipto ós teus propios ollos?

Apocalipse 13:4

e adorou o dragón, que tal poder lle dera á besta, dicindo: "Quen será coma a besta e quen poderá facer guerra en contra dela?".

Apocalipse 15:4

Quen non respectará e glorificará o teu nome, Señor? Porque só ti es santo. Todas as nacións virán e adorarante prostradas perante Ti, porque os teus xustos xuízos quedaron ben á vista".

Apocalipse 4:8

E cada un destes catro animais tiña seis ás, cheas de ollos en todo o arredor e por fóra. Non tiñan acougo nin de día nin de noite, proclamando: "Santo, Santo, Santo, Señor Deus, que todo o sostén, o que era, o que é e o que está a vir".

1 Samuel 2:2

Non hai santo coma o Señor! Non hai rocha coma o noso Deus!