Éxodo 13:3 - Biblia SEPT

³ Moisés díxolle ó pobo: —"Lembrade este día en que saístes de Exipto, da casa da servidume, cando con man rexa vos sacou de alí o Señor. Non comades pan lévedo nese día.

Éxodo 13:3 Iomraidhean Croise

Xénese 15:16

Despois de catro xeracións volverán eles aquí, pois aínda non chegou ó seu cúmulo a maldade dos amorreos".

1 Reis 8:42

—pois haberá moito que falar e oír sobre a grandeza do teu nome, sobre o poder da túa man o sobre a largueza do teu brazo—, cando ese estranxeiro veña rezarche a este templo,

1 Crónicas 16:12

Lembrádevos das marabillas que fixo, dos seus prodixios, dos xuízos da súa boca!

Nehemías 1:10

Eles son os teus servidores e o teu pobo que ti rescataches co teu gran poder e forte man.

Nehemías 9:10

Realizaches signos e prodixios contra o Faraón, contra todos os seus servidores e contra todo o pobo do seu país, pois sabías que no seu orgullo nos maltratara, e conquistaches un nome que aínda hoxe perdura.

Salmos 105:5

Relembrade as marabillas que fixo, os prodixios e as decisións da súa boca.

Salmos 114:1

Cando Israel saíu de Exipto, a familia de Xacob dun pobo estraño,

Salmos 136:11

sacou de entre eles a Israel, porque o seu amor é eterno,

Salmos 136:12

con man forte e brazo rexo, porque o seu amor é eterno.

Salmos 89:14

Ti tes brazo potente, a túa man é forte, a túa dereita ergueita.

Éxodo 12:15

Sete días seguidos comeredes pans ácimos. Desde o primeiro día botaredes o lévedo das casas, pois o que coma pan fermentado entre o primeiro día e o sétimo será excluído de Israel.

Éxodo 12:17

Gardaredes a festa dos Ácimos, pois nese mesmo día saquei eu as vosas multitudes de Exipto. Gardarédela coma festa de precepto por todas as xeracións.

Éxodo 12:19

Neses sete días non gardaredes pan lévedo na casa. Quen coma algo fermentado será excluído da asemblea de Israel, o mesmo o forasteiro coma o indíxena.

Éxodo 12:2

—"Teredes este mes polo primeiro dos meses, o mes principal de todo o ano.

Éxodo 12:41

No mesmo día en que se cumprían os catrocentos trinta anos, saíron de Exipto as multitudes do Señor.

Éxodo 12:42

Esa noite velou o Señor para sacalos. Esa noite velan os israelitas por todas as xeracións.

Éxodo 12:8

Comeredes a carne esa noite, asada no lume, con pan sen levedar e con verduras amargas.

Éxodo 13:14

Cando mañá o teu fillo che pregunte: Que significa isto?, ti diraslle: O Señor sacounos con man forte de Exipto, da casa da servidume.

Éxodo 13:9

Será coma un sinal que pos no teu brazo e coma unha lembranza diante dos teus ollos; levarás nos teus labios a lei do Señor, que te sacou de Exipto con man forte.

Éxodo 20:2

—"Eu son o Señor, o teu Deus, que te saquei da terra de Exipto, da condición de escravitude.

Éxodo 20:8

Pensa no día do sábado, para o faceres día santo.

Éxodo 23:15

Garda a festa dos Ácimos. Sete días comerás pan sen levedar, conforme che mandei, no tempo fixado do mes de abib, pois nel saístes de Exipto. E non viredes onda min coas mans baldeiras.

Éxodo 3:20

Pero eu alongarei a miña man e ferirei a Exipto. Obrarei alí moitos prodixios, e deixaranvos saír.

Éxodo 34:18

Garda a festa dos Ácimos. Sete días comerás pan sen levedar, como che mandei, pola festa do mes de abib, pois no mes de abib saíches de Exipto.

Éxodo 6:1

O Señor díxolle a Moisés: —"Agora verás o que vou facer co faraón. Forzado por man rexa, deixaravos saír e mesmo vos botará da súa terra".

Éxodo 6:6

Dilles, pois, ós israelitas: Eu, Iavé, tirareivos de debaixo da carga que vos impoñen os exipcios, sacareivos da súa servidume, librareivos con brazo estendido e con grandes escarmentos.

Éxodo 6:7

Tomareivos coma meu pobo e eu serei o voso Deus. Saberedes que eu son Iavé, o voso Deus, o que vos tirou de debaixo da carga dos exipcios.

Éxodo 7:4

O non darvos creto o faraón, eu porei sobre Exipto a miña man e sacarei as multitudes do pobo de Israel daquela terra con fortes escarmentos.

Xeremías 34:13

Así fala o Señor, Deus de Israel: —Eu son quen fixo un pacto con vosos pais o día que os saquei do país de Exipto, da casa de escravos, nestes termos:

Mateo 10:12

O entrar na casa, saudade.

Lucas 22:19

E collendo pan, deu grazas, partiuno e déullelo, dicindo: Este é o meu corpo, que se entrega por vós; facede isto en memoria de min.

1 Corintios 11:24

e, despois de dar grazas, partiuno e dixo: "Isto é o meu corpo, que se entrega por vós; facede isto en lembranza miña".

1 Corintios 5:8

Fagamos, logo, a festa pero non con fermento vello nin con fermento de malicia e perversidade, senón con pan ácimo de pureza e de verdade.

Efesios 1:19

e o extraordinario portento que é o seu poder verbo de nós, os que cremos, en consonancia co vigor da súa potencia e da súa forza,

Deuteronomio 13:10

Debes absolutamente matalo: a túa man será a primeira en darlle morte, e a man de todo o pobo seguirá despois:

Deuteronomio 13:11

Acantázao con pedras e que morra, xa que tratou de te apartar do Señor, o teu Deus, que te sacou do país de Exipto, da escravitude.

Deuteronomio 13:5

Camiñaredes tralo Señor, o voso Deus, respectarédelo a El, gardaredes os seus mandamentos, escoitaredes a súa voz, darédeslle culto a El e apegarédevos a El.

Deuteronomio 13:6

E o tal profeta ou o tal soñador de soños ha de ser executado, pois predicou a rebelión contra o Señor, o voso Deus, que vos sacou do país de Exipto e que vos rescatou da escravitude; si, quíxote apartar do camiño polo que o Señor, o teu Deus, che mandara camiñar. Dese xeito farás desaparecer do medio de ti a maldade.

Deuteronomio 15:15

Lémbrate de que fuches servo no país de Exipto e de que te redimiu o Señor, o teu Deus. Por isto mándoche hoxe este precepto.

Deuteronomio 16:1

Garda o mes das Espigas e celebra a Pascua en honor do Señor, o teu Deus, pois no mes das Espigas fíxote saír de noite o Señor, o teu Deus, de Exipto.

Deuteronomio 16:12

Lembra que fuches escravo en Exipto; garda e cumpre todos estes preceptos e ponos en práctica.

Deuteronomio 16:3

Non comerás co sacrificio nada con fermento, durante sete días; comerás co sacrificio pan ácimo, pan de aflición, pois de présa saíches do país de Exipto: para que te lembres do día no que saíches do país de Exipto, todos os días da túa vida.

Deuteronomio 24:18

Lémbrate de que fuches servo en Exipto e de que o Señor, o teu Deus, te rescatou de alí. Por isto eu che mando que poñas en obra esta lei.

Deuteronomio 24:22

Así lembraraste de que fuches servo no país de Exipto. Por isto eu che mando que poñas en obra esta lei.

Deuteronomio 26:8

Logo o Señor fíxonos saír de Exipto con man forte e brazo estendido, con grande terror, con sinais e con feitos marabillosos,

Deuteronomio 4:34

Ou intentou algún deus vir coller para si unha nación do medio doutros pobos, con castigos, con sinais e prodixios, con guerra, con man forte e brazo estendido, con terrores grandes, de maneira semellante a todo o que o Señor, o voso Deus, fixo no voso favor en Exipto ós teus propios ollos?

Deuteronomio 5:15

Lémbrate de que fuches servo no país de Exipto e de que te sacou de alí o Señor o teu Deus con man forte e brazo estendido. Por isto mandouche o Señor o teu Deus que observases o día de descanso sabático.

Deuteronomio 5:6

Eu son o Señor, o teu Deus, que te fixen saír do país de Exipto, da opresión dos escravos.

Deuteronomio 6:12

ten moito coidado de non te esqueceres do Señor que te sacou do país de Exipto, da situación de escravitude.

Deuteronomio 6:21

Ti responderaslle a teu fillo: Eramos escravos do Faraón en Exipto, pero o Señor sacounos de Exipto con man forte.

Deuteronomio 7:8

senón que foi polo amor do Señor para vós e por manter El o xuramento que lles fixera ós vosos pais, polo que o Señor vos sacou con man forte e vos rescatou da situación de escravitude, do poder do faraón, rei de Exipto.

Deuteronomio 8:14

se che xacta o teu corazón e te esquezas do Señor, o teu Deus, que foi quen te sacou do país de Exipto, da casa da escravitude;

Deuteronomio 9:12

Entón díxome o Señor: Levántate e baixa rápido de aquí, que se corrompeu o teu pobo, o que ti sacaches de Exipto. Ben axiña se apartaron do camiño que eu lles mandei. Fixeron para eles un ídolo de fundición.

Xosué 24:17

pois o Señor, o noso Deus, fíxonos subir a nós e a nosos devanceiros da terra de Exipto, da casa do asoballamento, e fixo diante de nós aqueles grandes prodixios e protexeunos ó longo de todo o camiño que percorremos, e mais por todos os poboados por onde pasamos;

Xuíces 2:12

E abandonaron ó Señor, o Deus de seus pais, que os sacara da terra de Exipto, e foron detrás dos deuses alleos, dos deuses de pobos que estaban arredor deles, e prostráronse diante deles, e alporizaron ó Señor.

Xuíces 6:8

enviou o Señor un profeta ós fillos de Israel, que lles falou así: —"Isto di o Señor, Deus de Israel: Eu fíxenvos subir de Exipto, saqueivos da casa da escravitude,