Éxodo 13:21 - Biblia SEPT

²¹ O Señor camiñaba diante deles, polo día nunha columna de nube para os guiar, pola noite nunha columna de lume para os alumear. Dese xeito camiñaban de día e de noite.

Éxodo 13:21 Iomraidhean Croise

Nehemías 9:12

Guiáchelos de día cunha columna de nube e de noite cunha columna de fogo, para alumarlles o camiño que tiñan que seguir.

Nehemías 9:19

Pero ti, na túa grande misericordia, non os abandonaches no deserto: a columna de nube que os guiaba polo seu camiño de día non se apartou deles, nin a columna de fogo que os guiaba de noite.

Salmos 105:39

Tendeulles por cuberta unha nube, un lume que os alumaba pola noite.

Salmos 68:7

Deus dálles fogar ós solitarios, libra os presos e enriquéceos, mentres os rebeldes quedan en terra reseca.

Salmos 77:20

Abriches camiño nas augas, un carreiro nas augas caudais, sen deixares rastro dos teus pasos.

Salmos 78:14

Coa nube guiábaos polo día e con faro de lume pola noite.

Salmos 99:7

Deus faloulles desde a nube, e eles gardaron as revelacións, os preceptos que lles deu.

Éxodo 10:10

Díxolle o faraón: —"Así vaia Iavé convosco, coma eu vos deixarei saír a vós e a vosos fillos! Pero vedes como son cativas as vosas intencións?

Éxodo 16:10

Mentres Aharón falaba coa asemblea dos israelitas, volveron os ollos cara ó deserto, e viron a gloria do Señor mostrarse na nube.

Éxodo 32:1

Vendo o pobo que Moisés se demoraba en baixar da montaña, xuntouse ó redor de Aharón e díxolle: —"Anda, fainos un deus que vaia diante de nós, pois ese Moisés, o home que nos sacou de Exipto, non sabemos que foi del".

Cantares 3:6

Que é aquilo que sobe da estepa coma columnas de fume, recendendo a mirra e mais a incenso e a canta especia teña o mercador?

Números 10:34

A Nube do Señor ía enriba deles de día, ó saíren do campamento.

Números 14:14

e dixéronllelo ós habitantes desta terra. Eles oíron que Ti, Señor, estás no medio do teu pobo e te deixas ver cara a cara; que a túa Nube se mantén coma unha columna sobre eles, e nela marchas diante durante o día e en columna de lume pola noite.

Deuteronomio 1:33

quen ía por diante de vós polo camiño, para vos buscar sitio onde acampar, quen ía diante de vós de noite, no lume, para que vísedes o camiño por onde tiñades que marchar, e de día, na nube.

Deuteronomio 31:8

Certo que o Señor será quen irá diante de ti. El estará contigo, non te deixará só nin te abandonará. Non teñas medo nin te desanimes".