Éxodo 10:3 - Biblia SEPT

³ Moisés e Aharón presentáronse ó faraón, para dicirlle: —"Así fala Iavé: Por canto tempo te negarás a abaixarte diante de min? Deixa saír o meu pobo, para que me ofreza culto.

Éxodo 10:3 Iomraidhean Croise

1 Reis 18:21

Elías volveuse entón cara ó pobo e díxolles: —"Por canto tempo iredes coxeando cara a un lado e cara ó outro? Se o Señor é Deus, seguídeo a El; e se é Baal, seguide a Baal". O pobo non respondeu unha palabra.

1 Reis 21:29

—"Viches como se humillou Acab diante de min? Por esta humildade, non traerei a desgraza nos seus días; traereina sobre a súa familia, nos días de seu fillo".

2 Reis 22:19

se che conmoveu o corazón e te humillaches diante do Señor, e xa que cando oíches o que eu dixen contra este lugar e contra os seus moradores, que se verían todos convertidos en espanto e en maldición, ti rachaches as vestiduras e choraches diante de min, por iso tamén eu te escoito a ti. Palabra do Señor.

2 Crónicas 33:12

Na súa angustia procurou aplacar ó Señor seu Deus, e humillouse profundamente ante o Deus de seus pais e suplicoulle.

2 Crónicas 33:19

A súa oración e a acollida divina, o seu pecado e a súa rebeldía, os lugares onde levantou ermidas e erixiu estelas e ídolos antes da súa conversión, están rexistrados na historia dos seus videntes.

2 Crónicas 34:27

Por escoitares estas palabras con dor de corazón, humillándote ante Deus ó oíres as súas ameazas contra este lugar e os seus habitantes, porque te humillaches ante min, rachaches os vestidos e choraches na miña presenza, tamén eu te escoito, oráculo do Señor.

2 Crónicas 7:14

se o meu pobo, que leva o meu Nome, se humilla, ora, me busca e abandona a súa mala conduta, eu escoitareino desde o ceo, perdoarei os seus pecados e sandarei a súa terra.

XOB - A Biblia Galega (Ed. SEPT) 42:6

por iso retiro o dito e arrepíntome no po e na cinsa".

Éxodo 10:4

Se non o deixas saír, mañá traerei a lagosta ó teu país.

Éxodo 16:28

O Señor díxolle a Moisés: —"Ata cando vos negaredes a gardar os meus preceptos e as miñas leis?

Éxodo 4:23

E eu dígoche: Deixa saír a meu fillo, para que veña darme culto. Se te negas a deixalo, eu matarei o teu fillo primoxénito".

Éxodo 5:1

Moisés e Aharón presentáronse ó faraón para lle dicir: —"Isto di Iavé, o Deus de Israel: Deixa saír o meu pobo, para que celebre a miña festa no deserto".

Éxodo 9:17

Ti detés aínda o meu pobo e non o deixas saír.

Proverbios 1:22

—"Ata cando, inxenuos, amaredes a inxenuidade, e os burlóns se gozarán coa burla e os parvos refugarán o saber?

Proverbios 1:24

Mais xa que vos chamei e recusastes, tendinvos a man e ninguén atendeu,

Proverbios 18:12

O corazón do home érguese orgulloso antes da desfeita, pero é a humildade a que precede á gloria.

Isaías 1:5

Aínda que sempre se vos estivese castigando, aumentariades a vosa rebeldía. Toda a cabeza é unha enfermidade! Agoniza de todo o corazón!

Isaías 2:11

Os ollos orgullosos abaixaranse, serán dobrados os homes ergueitos, soamente o Señor será enxalzado naquel día.

Xeremías 13:10

Este pobo malvado que non quere escoitar as miñas palabras, que se comporta segundo os antollos do seu corazón, e que vai tras deuses alleos para lles dar culto e os adorar, será coma esa faixa que xa non serve para nada.

Xeremías 13:18

Dilles ó rei e á raíña: —Humilládevos, sentádevos no chan, pois está caendo das vosas cabezas a coroa da vosa gloria.

Xeremías 50:29

Recrutade contra Babilonia arqueiros, a todos os que tensan o arco; acampade en círculo contra ela, que non haxa escape. Tratádea conforme o seu comportamento: tal como ela fixo, facédelle a ela; ben certo que foi insolente co Señor, co Santo de Israel.

Ezequiel 5:6

pero rebelouse contra as miñas ordes, é máis desleal cós pobos pagáns; rebelouse contra os meus preceptos é máis desleal cós países que hai ó seu arredor. Rexeitaron as miñas ordes, non se comportaron conforme os meus preceptos.

Números 14:27

—"Canto tempo vou ter que seguir aguantando esta teimosa turba, que murmura contra min? Eu oín as murmuracións que contra min profiren os fillos de Israel.

Romanos 2:4

Ou é que abusas da súa inesgotable bondade, do seu aguante e da súa paciencia, e non te decatas de que esa benignidade de Deus está tratando de te encamiñar cara á conversión?

Hebreos 12:25

Tede coidado de non rexeitar a quen vos está falando, que se aqueles non deron fuxido do castigo por rexeitaren a quen os instruía aquí na terra, moito menos poderemos nós fuxir do castigo, se lle volvemos as costas a quen nos instrúe desde o ceo!

Santiago 4:10

Abaixádevos no acatamento do Señor, que El vos ha soerguer.

1 Pedro 5:6

Por iso vós facédevos humildes, para estardes baixo a man poderosa de Deus, de xeito que El vos levante no intre oportuno.