Éxodo 1:7 - Biblia SEPT

⁷ os israelitas medraron, propagáronse, creceron, fixéronse moi fortes, enchían o país.

Éxodo 1:7 Iomraidhean Croise

Xénese 1:20

Quixo Deus que as augas fosen un fervedoiro de peixes e o espazo entre o ceo e a terra un voar de paxaros.

Xénese 1:28

E bendiciunos así: —"Reproducídevos, crecede, enchede a terra e sometédea. Mandade nos peixes do mar, nos paxaros do ceo e nos réptiles todos da terra".

Xénese 12:2

Eu farei de ti un pobo grande, bendicireite e dareiche un nome de sona, que será exemplo de bendición.

Xénese 13:16

Multiplicarei os teus descendentes coma o po. Se alguén contase o po, poderíaos contar a eles.

Xénese 15:5

Logo levouno fóra e prometeulle: —"Olla cara ó ceo e conta as estrelas, se é que podes. Así terás de descendentes".

Xénese 17:16

Bendicireina e dareiche un fillo dela; bendicireina e será nai de nacións, nacerán dela reis de pobos".

Xénese 22:17

bendicireite e farei crecer os teus descendentes coma as estrelas do ceo e as areas do mar. Os teus descendentes herdarán as cidades dos inimigos.

Xénese 26:22

Isaac foise de alí e fixo abrir outro pozo. Por este non houbo discusión, e púxolle Rehobot, pensando: —"Agora dános largueza o Señor para que prosperemos nesta terra".

Xénese 26:4

Farei crecer os teus descendentes como as estrelas do ceo, dareilles toda esta terra e por eles chamaranse benditas as nacións todas do mundo;

Xénese 28:14

Os teus descendentes serán tantos coma o po. Estenderanse cara ó occidente e cara ó oriente, cara ó norte e cara ó sur. En ti e nos teus descendentes veranse benditos os pobos todos da terra.

Xénese 35:11

Deus engadiu: —"Eu son o Deus todopoderoso. Ti reprodúcete e medra. De ti sairá un pobo, ou unha chea de pobos, e reis nacerán das túas entrañas.

Xénese 46:3

Díxolle Deus: —"Eu son o Deus de teu pai. Non teñas medo de ires a Exipto, pois alí convertereite nun grande pobo.

Xénese 47:27

Israel asentou en Exipto, na bisbarra de Goxén. Adquiriu propiedades nela, reproduciuse e medrou moito.

Xénese 48:16

o anxo que me librou de todo mal, bendiga estes nenos. Que resoe neles o meu nome e o de meus pais, Abraham e Isaac, e que se convertan nun xentío sobre a terra".

Xénese 48:4

Díxome: Eu fareite fecundo, multiplicareite, trocareite nunha asemblea de pobos. Os teus descendentes dareilles esta terra en posesión duradeira.

Xénese 9:1

Deus bendiciu a Noé e ós seus fillos: —"Crecede, reproducídevos e enchede a terra.

Nehemías 9:23

Multiplicaches os seus fillos como as estrelas do ceo e fixéchelos entrar no país que lles prometeras ós seus pais tomar en posesión.

Salmos 105:24

Deus fixo fecundo ó seu pobo, máis forte cós seus inimigos.

Salmos 107:38

Dálles as bendicións, e van a máis e as súas facendas non minguan.

Éxodo 1:12

Pero, canto máis os oprimían, máis se multiplicaban eles e máis se propagaban.

Éxodo 12:37

Os israelitas saíron de Ramsés cara a Succot. Sen levar conta dos nenos, eran coma seiscentos mil homes.

Éxodo 5:5

E engadiu: —"Eles son un pobo xa numeroso no país, e agora queredes que deixen o traballo".

Ezequiel 16:7

e medra, vólvete coma as herbas do campo". E ti medraches e fixécheste moza, chegaches á ledicia do teu crecemento: os dous peitos afirmáronseche e naceuche o teu pelo, pero estabas espida e en coiros.

Feitos 13:17

o Deus deste pobo de Israel escolleu a nosos pais e engrandeceu este pobo durante o seu exilio na terra de Exipto; despois tirounos de alí coa forza do seu brazo.

Deuteronomio 10:22

Setenta persoas eran os teus devanceiros cando baixaron a Exipto, pero agora o Señor, o teu Deus, volveute tan numeroso coma as estrelas do ceo.

Deuteronomio 26:5

Entón ti tomarás a palabra e dirás diante do Señor, o teu Deus: Meu pai era un arameo errante, que baixou a Exipto, onde residiu como emigrante con pouquiña xente, que o acompañaba. Alí converteuse nun pobo grande, poderoso e numeroso.