Efesios 1:3 - Biblia SEPT

³ Bendito sexa o Deus e Pai do noso Señor Xesús Cristo, que por medio de Cristo nos bendiciu no ceo con toda clase de bendicións do Espírito!

Efesios 1:3 Iomraidhean Croise

Xénese 14:20

Bendito sexa o Deus Altísimo, que puxo os teus inimigos na túa man". Abram deulle a Melquisédec o décimo de toda a súa presa.

Xénese 22:18

Todos os pobos da terra terán bendición na túa descendencia, por me teres ti obedecido".

1 Crónicas 29:20

Logo dixo David a toda a asemblea: —"Bendicide agora a Iavé, o voso Deus"; e toda a asemblea bendiciu ó Señor, Deus de seus pais, e, prostrándose, oraron ante o Señor perante o rei.

1 Crónicas 4:10

Iabés invocou ó Deus de Israel dicindo: —"Bendime, estende o meu territorio e que a túa man sexa comigo. Gárdame de todo mal, de xeito que eu non padeza...". E Deus deulle o que lle pedía.

2 Crónicas 31:8

Cando chegaron Ezequías e as autoridades, ó veren os montóns, bendiciron ó Señor e ó seu pobo, Israel.

Nehemías 9:5

E os levitas Iexúa, Cadmiel, Baní, Haxabnías, Xerebías, Hodías, Xebanías y Petahías dixeron: —"Levantádevos. Bendicide o Señor, voso Deus, desde sempre e para sempre. Que bendigan o teu nome glorioso, que sobrepasa toda bendición e loanza.

Salmos 134:3

Desde Sión te bendiga o Señor que fixo o ceo e mais a terra.

Salmos 72:17

Que o seu nome dure por sempre e a súa sona igual có sol. Que se bendigan nel todos os pobos e que o proclamen ditoso.

Salmos 72:19

Bendito sexa por sempre o seu nome glorioso e que a terra se encha da súa gloria. Amén. Amén.

Isaías 61:9

Será recoñecida entre os pobos a descendencia deles e os seus xermolos no medio das nacións. Todos os que os vexan recoñeceranos, pois eles son a descendencia que o Señor bendiciu.

Lucas 2:28

el, colléndoo nos brazos, loou a Deus dicindo:

Xoán 14:20

Naquel día coñeceredes que eu estou en meu Pai, e vós en min, e eu en vós.

Xoán 17:21

que todos sexan un, coma ti, Pai, en min, e eu en ti; que tamén eles sexan un en nós, para que o mundo crea que ti me mandaches.

Xoán 20:17

Xesús díxolle: Sóltame, que aínda non subín onda o Pai; máis ben, vai onda os meus irmáns e dilles: "Subo onda meu Pai e voso Pai, o meu Deus e o voso Deus".

Romanos 12:5

Así nós, con sermos moitos, somos un só corpo en Cristo; e individualmente somos membros uns dos outros.

Romanos 15:6

Para que cun só corazón e unha soa boca loedes a Deus, Pai do noso Señor Xesús Cristo.

1 Corintios 1:30

Por El é por quen existides vós en Cristo Xesús, quen se fixo para nós a sabedoría e mais a xustiza, a santificación e mais a redención que veñen de Deus.

1 Corintios 12:12

Porque igual que o corpo, sendo un, ten moitos membros e todos estes membros, con seren moitos, non fan máis dun corpo: así tamén Cristo.

2 Corintios 1:3

Bendito sexa Deus, Pai do noso Señor Xesús Cristo, Pai misericordioso e Deus de toda consolación!

2 Corintios 11:31

O Deus e Pai do noso Señor Xesús que é bendito polos séculos ben sabe que non minto.

2 Corintios 5:17

Polo tanto, quen estea en Cristo, é unha criatura nova: o que era vello, pasou. Vedes? Hai unha realidade nova.

2 Corintios 5:21

A aquel que non tiña nada que ver co pecado, Deus fíxoo pecado por nós, para que nós, grazas a el, nos volvésemos nel xustiza de Deus.

Gálatas 3:9

De xeito que os que viven da fe son benditos xunto con Abraham, o crente.

Efesios 1:10

para levar a historia á súa plenitude e, por medio de Cristo, levar a cabo a unidade do universo, do que hai no ceo e do que hai na terra.

Efesios 1:17

de xeito que o Deus do noso Señor Xesús Cristo, o Pai glorioso, vos conceda espírito de sabedoría e de revelación, para coñecer o ben;

Efesios 1:20

que exerceu con Cristo resucitándoo de entre os mortos e sentándoo á súa dereita nos ceos,

Efesios 2:6

resucitounos con El e con El fíxonos sentar no ceo en Cristo Xesús,

Efesios 3:10

Así desde o ceo e por medio da Igrexa dáselles a coñecer a principados e autoridades a variedade de formas da sabedoría de Deus,

Efesios 6:12

Porque non é a nosa loita contra homes de carne e óso senón contra os principados, contra as potestades, contra os que dominan neste mundo tenebroso, contra os espíritos do mal, que andan polo aire.

Filipenses 2:11

e para que toda lingua proclame para gloria de Deus Pai que Xesús Cristo é o Señor.

Hebreos 8:5

Aínda que estes dan culto a un asomo, a unha sombra das realidades celestes, conforme ó que se lle revelou a Moisés cando estaba para construír a tenda — santuario: "Olla que has de facer todo, segundo o exemplo que se che mostrou no monte".

Hebreos 9:23

Porque se foi preciso que os anticipos das realidades celestiais se purificasen con estes ritos, as realidades celestiais mesmas hanse de purificar con sacrificios ben máis poderosos ca estes.

1 Pedro 1:3

Loado sexa o Deus e Pai do noso Señor Xesús Cristo! Que pola súa grande compaixón, resucitou a Xesús Cristo da morte e nos fixo renacer a unha vida que se nos dá en esperanza,