Cantares 4:8 - Biblia SEPT

⁸ Ven do Líbano, noiva! Ven do Líbano, baixa! Deixa o cumio do Amanah, o cimo do Senir e mais o Hermón, as covas dos leóns, o monte das panteras!

Cantares 4:8 Iomraidhean Croise

2 Reis 5:12

Seica non valen máis os ríos de Damasco, o Abanah e o Parpar, ca todas as augas de Israel? Non podo bañarme neles, e así quedar limpo?" E con esas deu volta e íase alporizado.

1 Crónicas 5:23

Media tribo de Menaxés habitaba a rexión desde o Baxán ata Baal—Hermón, Senir e a montaña de Hermón. Eran numerosos.

Salmos 45:10

Fillas de reis tes por amigas, e á túa dereita, a raíña, con ouro de Ofir.

Salmos 72:16

Abundará o trigo nos campos, nos montes ondularán coma no Líbano os froitos, florecerán as vilas coma a herba dos agros.

Salmos 76:1

Do mestre do coro, con instrumentos de corda. Salmo de Asaf, cántiga.

Salmos 76:4

Alí rompe o arco flamexante, o escudo, a espada e as guerras.

Salmos 89:12

Teu é o ceo e túa a terra, o mundo e canto o enche ti o fundaches.

Proverbios 9:6

deixade a vosa inxenuidade e viviredes, camiñade pola vía da intelixencia".

Cantares 2:13

o figueiral ten gromos, as vides botan flores recendentes. Érguete e ven, amada, fermosa miña, ven xa!

Cantares 5:1

—Xa veño para o meu horto, cariño, miña noiva; collín xa a miña mirra e o meu bálsamo, comín xa do meu panal o do meu mel, bebín xa do meu viño e do meu leite. Comede, pois, amigos, e bebede ata embebedarvos de agarimos!

Cantares 7:11

—Eu son do meu amigo, e de min a súa arela!

Isaías 62:5

Como casa un mozo cunha virxe, así casará contigo o teu Construtor. O gozo que sente o noivo pola noiva, sentirao o teu Deus por ti.

Ezequiel 27:5

de cipreses de Senir fixéronche todo o teu casco, colleron un cedro do Líbano para facer o mastro para ti;

Xoán 12:26

Se alguén quere servirme, que me siga; e alí onde estou eu, estará tamén o meu servidor. Se alguén me serve, hao honrar o Pai.

Deuteronomio 3:25

Permíteme que eu poida cruzar para ver esa boa terra que está da outra banda do Xordán, esa boa montaña e o Líbano.

Deuteronomio 3:9

(A xente de Sidón chámalle Sirion ao Hermón, mentres que os amorreos lle chaman Senir).

Xosué 12:1

Estes son os reis do país que venceron os fillos de Israel (ocupando a terra deles), na outra banda do Xordán —no oriente—, desde o torrente Arnón ata o monte Hermón e toda a parte oriental da Arabah: