Cantares 4:2 - Biblia SEPT

² os teus dentes, grea de ovellas tosquiadas subindo de se lavar, todas elas preñadas de xemelgos e ningunha hai maniña.

Cantares 4:2 Iomraidhean Croise

Éxodo 23:26

Non haberá na túa terra muller estéril nin que aborte. E ateigareite de vida.

Cantares 4:1

—Si que es belida, miña amada, si que es belida! Os teus ollos son pombiñas por entre o teu veo. Os teus cabelos, un fato de cabuxas que baixan serpeando do monte Galaad;

Cantares 4:3

Cal fita carmesí son os teus labios, é doce a túa fala; metades de granada as túas meixelas por entre o teu veo.

Cantares 6:6

Os teus dentes, grea de ovellas nais subindo do lavado, todas elas preñadas de xemelgos, e ningunha hai maniña.

Xeremías 15:16

Cando había palabras túas, eu devorábaas, as túas palabras eran para min unha alegría, e a ledicia do meu corazón; olla que Ti mesmo invocaches o teu Nome sobre min, Señor Deus dos Exércitos.

Xoán 15:7

Se permanecedes en min e as miñas palabras permanecen en vós, pedide o que queirades e hásevos facer.

1 Tesalonicenses 2:13

É tamén por isto polo que lle damos decote grazas a Deus: porque, ó recibirdes de nós a palabra de Deus, acolléstela non coma palabra de homes senón coma o que verdadeiramente é: coma palabra de Deus, que actúa en vós, os crentes.