Apocalipse 7:9 - Biblia SEPT

⁹ Despois disto mirei e vin un mundo de xente, que ninguén era capaz de contar, de todas as nacións, tribos, pobos e linguas, en pé diante do trono e do Año. Vestían roupa branca e levaban ramallos de palma nas mans.

Apocalipse 7:9 Iomraidhean Croise

Xénese 13:16

Multiplicarei os teus descendentes coma o po. Se alguén contase o po, poderíaos contar a eles.

Xénese 49:10

Non se afastará o cetro de Xudá nin de entre os seus pés o báculo, ata que chegue o seu dominador e os pobos o obedezan.

Salmos 2:8

Pídeme, e dareiche por herdade as nacións; por posesión, os termos da terra.

Salmos 22:27

Os pobres comerán ata fartarse, loarán ó Señor os que o buscan e gozarán de vida duradeira.

Salmos 76:4

Alí rompe o arco flamexante, o escudo, a espada e as guerras.

Salmos 77:2

Ergo cara a Deus a miña voz e clamo; ergo cara a Deus a miña voz e El escóitame.

Salmos 98:3

Lembra o seu amor e a súa fidelidade coa casa de Israel. Os pobos todos verán a salvación do noso Deus.

Xeremías 16:19

Señor, ti es a miña forza e o meu refuxio, ti es o lugar seguro para os días de aflición. A ti virán os xentís, desde o cabo da terra e diranche: "Lerias son o que herdaron os nosos pais, deuses vans, que de nada lles servían".

Xeremías 3:17

No tempo aquel chamaranlle a Xerusalén "trono de Deus" e xuntaranse nela todos os pobos polo poder do Señor e por mor de Xerusalén, e xa non volverán a seguir os desexos do seu ruín corazón.

Ezequiel 47:5

Volveu medir mil cóbados: era un río que eu non era capaz de cruzar. Tanto subiran as augas, que eran augas de nadar, un río que non se podía cruzar.

Levítico 23:40

No día primeiro colleredes froito das mellores árbores, ramos de palmeira, ramallos de árbores frondosas e de salgueiros dos regatos; folgaredes diante do Señor, o voso Deus, durante os sete días.

Zacarías 10:8

Chamareinos co asubío e xuntareinos: Si, rescatareinos e multiplicaranse coma antes.

Zacarías 2:11

Ai, Sión!: escapa, ti que habitas na casa de Babilonia.

Lucas 12:1

Tanta era a xente reunida arredor del que se pisaban uns a outros. El comezou a falar dicíndolles primeiramente ós discípulos: Coidadiño co fermento dos fariseos, que é a hipocrisía!

Lucas 21:36

Vós vixiade sempre, e pregade para que poidades escapar de todo o que está por vir, e comparecer así seguros diante do Fillo do Home.

Xoán 12:13

Apañou ramas das palmeiras e saíulle ó encontro exclamando: Hosanna!: Bendito o que vén no nome do Señor, o Rei de Israel!.

Romanos 11:25

Non quero, irmáns, que descoñezades este misterio, a fin de que non vos fiedes da vosa sabedoría: que a cegueira dunha parte dos israelitas vai durar ata que entre a totalidade dos xentís

Efesios 6:13

Por iso, collede a armadura de Deus, para lles poder facer fronte no día malo, e, despois de superalo todo, quedar aínda en pé.

Hebreos 11:12

Deste xeito dun só e xa caduco para estas cousas naceu un mundo de fillos, coma as estrelas do ceo e coma a area incontable da beira do mar.

Hebreos 12:22

Vós, en cambio, estades diante do monte Sión, da cidade do Deus vivo, da Xerusalén celeste; diante de milleiros de anxos, da asemblea

Apocalipse 11:15

Logo tocou o sétimo anxo e oíronse uns fortes berros desde o ceo, que dicían: "O reinado do mundo pasou a ser do noso Deus e do seu Mesías! El reinará polos séculos dos séculos".

Apocalipse 22:3

Alí endexamais non haberá nada maldito. Nela estará o trono de Deus e mais do Año; e será alí onde os seus servidores o servirán.

Apocalipse 3:18

Aconsélloche que merques ouro do meu, que se acaba de aquilatar no lume, para te poñeres rico; e que merques roupa branca, para vestires ben e para que non se vexa a vergonza da túa nudez; e que merques colirio para untar os teus ollos e así poderes ver.

Apocalipse 4:4

Arredor do trono vin vinte e catro tronos e, sentados nos tronos, vinte e catro anciáns, vestidos de roupas brancas e coroas de ouro nas súas cabezas.

Apocalipse 5:11

E vin e oín a voz de moitos anxos arredor do trono e dos animais e dos anciáns: o número deles era de milleiros e milleiros.

Apocalipse 5:9

E cantaban un canto novo: "Ti es merecente de recibir o libro, e de abrir os selos, porque te degolaron e adquiriches para Deus co teu sangue xentes de toda raza, lingua, pobo e nación.

Apocalipse 6:11

Déuselles cadanseu vestido branco e díxoselles que parasen unha miga, ata que se completase o número dos seus compañeiros e irmáns, que os ían matar axiña como os mataran a eles.

Apocalipse 7:8

da tribo de Zebulón, doce mil marcados, da tribo de Xosé, doce mil marcados, da tribo de Benxamín, doce mil marcados.