Apocalipse 7:1 - Biblia SEPT

¹ Despois disto vin catro anxos que apreixaban, nas catro esquinas da terra, os catro ventos, para que non bourasen contra a terra, nin contra o mar nin contra as árbores.

Apocalipse 7:1 Iomraidhean Croise

Isaías 11:12

Levantará a bandeira entre os pobos, xuntará os dispersados de Israel, recollerá os esparexidos de Xudá das catro bandas do mundo.

Isaías 27:3

Eu, o Señor, son o seu gardián, regareina decote, non se castigarán as súas débedas. Protexereina de día e de noite,

Isaías 27:8

Axotándoos, botándoos fóra, fas o teu xuízo contra eles; espállalos por causa da súa crueldade, nun día de vento leste.

Xeremías 49:36

vou traer contra Elam os catro ventos dos catro cantos do ceo: dispersareinos con todos os ventos, e xa non existirá máis este pobo, porque non volverá máis alí, desterrado para sempre.

Ezequiel 37:9

Logo díxome: —Pronúncialle un oráculo ó espírito, pronúnciao, fillo de Adam, e dille ó espírito: Así fala o meu Señor, Iavé: —Desde os catro ventos, vén, espírito, e sopra nestes cadáveres, para que revivan.

Ezequiel 7:2

Oe ti, fillo de Adam: Así lle fala o Señor, Iavé, á terra de Israel: A fin! Chega a fin polas catro esquinas do país!

Xonás 1:4

Entón o Señor lanzou un forte vento contra o mar, e armouse unha grande tempestade de xeito que parecía que ía partir o barco.

Zacarías 6:1

Volvín levantar os meus ollos, e tiven unha visión: velaí, catro carros saían de entre as dúas montañas e as montañas eran de bronce.

Zacarías 6:5

O anxo respondeu: "Estes catro saen na dirección dos ventos do ceo, despois de estaren na presenza do Señor de toda a terra.

Mateo 24:31

E enviará os seus anxos cunha grande trompeta, para reuniren os elixidos desde os catro ventos, de cabo a cabo do mundo.

Marcos 13:27

E mandará os anxos para reuniren os elixidos desde os catro ventos do cabo da terra ata o cabo do ceo.

Apocalipse 20:8

e sairá para engaiolar os xentís das catro esquinas do mundo, a Gog e a Magog, para os xuntar para a guerra. O número destes é coma o das areas do mar.

Apocalipse 6:6

E oín algo, coma se fose un berro, no medio dos catro animais, que dicía: "Un cuarto de ferrado de trigo por un denario; e tres cuartos de ferrado de cebada por un denario! Pero ó aceite e ó viño non lles fagas mal".

Apocalipse 7:3

"Non lles fagades mal á terra nin ó mar nin ás árbores, ata que marquemos co selo na testa os servos do noso Deus!".

Apocalipse 8:7

Tocou o primeiro e caeu na terra unha sarabiada de lume mesturado con sangue: ardeu a terceira parte da terra e a terceira parte das árbores e toda a herba verde.

Apocalipse 9:14

Dicíalle ó sexto anxo, que tiña a trompeta: "solta os catro anxos, que están presos onda o gran río, o Éufrates".

Apocalipse 9:4

e díxoselles que non danasen nin a herba dos campos nin verde ningún nin árbore ningunha senón unicamente os homes que non tivesen o selo de Deus na testa.