Apocalipse 3:7 - Biblia SEPT

⁷ Ó anxo da Igrexa de Filadelfia escríbelle: Isto di o Santo, o Verdadeiro, quen ten a chave de David, quen, se el abre, ninguén pecha, e, se el pecha, ninguén abre:

Apocalipse 3:7 Iomraidhean Croise

XOB - A Biblia Galega (Ed. SEPT) 11:10

Cando El pasa a conta, encadea e chama a xuízo, quen o disuadirá?

XOB - A Biblia Galega (Ed. SEPT) 12:14

Se El bota abaixo, non hai quen constrúa; se pecha, non hai quen abra.

Salmos 145:17

O Señor é xusto nos seus camiños todos, bo en todos os seus feitos.

Salmos 16:10

Ti non abandonarás á morte a miña vida, nin deixarás que o teu amigo vexa a corrupción.

Salmos 89:18

Ti es, en verdade, a súa gloria e a súa forza, polo teu favor erguemos nós a testa.

Isaías 22:22

Porei a chave da casa de David sobre o seu ombreiro: abrirá, e non haberá quen feche; e fechará, e non haberá quen abra.

Isaías 30:11

Apartade do noso camiño, quitade do noso vieiro, retirade de diante de nós ó Santo de Israel".

Isaías 41:14

Non teñas medo, verme de Xacob, bichiño de Israel, Eu son quen te axuda —é o Señor quen fala—; si, o que te redime, o santo de Israel.

Isaías 41:16

Esparexeralos, botándoos ó vento, e o vendaval espallaraos. Entón ti brincarás de ledicia por mor do Señor, alegraraste polo Santo de Israel.

Isaías 41:20

para que todos vexades e saibades, para que vos apliquedes e vos decatedes de que a man do Señor fixo isto e o Santo de Israel o creou.

Isaías 47:4

O noso Redentor chámase o Señor Todopoderoso: é o Santo de Israel.

Isaías 48:17

Así fala o Señor, o teu Redentor, o Santo de Israel: Eu son o Señor, o teu Deus, o que te ensina para que saques proveito, quen te fai camiñar polo camiño por onde debes ir.

Isaías 49:7

Así fala o Señor, o Redentor de Israel, o seu Santo: "A ti, o desprezado da xente, abominado do pobo, servo dos gobernantes, verante os reis e levantaranse; os príncipes prostaranse ante ti, porque a ti te escolleu o Señor que é fiel, o Santo de Israel".

Isaías 54:5

Pois velaí o teu Facedor, o teu Creador, Señor Todopoderoso é o seu nome. Certo que o teu Redentor é o Santo de Israel, chámase Deus de toda a terra.

Isaías 55:5

Convocarás un pobo que non coñeces, e un pobo que non te coñece correrá onda ti, polo Señor, o teu Deus, e polo santo de Israel, que tanto te glorificou!

Isaías 6:3

Exclamaban un cara ó outro: "Santo, Santo, Santo, o Señor dos Exércitos: a terra toda está chea da súa gloria!".

Mateo 16:19

Dareiche as chaves do Reino dos Ceos: todo o que ates na terra, ficará atado nos ceos; e todo o que desates na terra, ficará desatado nos ceos.

Mateo 24:35

O ceo e mais a terra pasarán, pero as miñas palabras non pasarán.

Marcos 1:24

Que temos que ver contigo, Xesús de Nazaret? Seica viñeches para acabar connosco? Ben sei quen es ti: ti es o Santo de Deus.

Lucas 1:32

Será grande e chamarase Fillo do Altísimo, e o Señor Deus daralle o trono de David, seu pai;

Lucas 4:34

Que temos que ver contigo, Xesús de Nazaret? Seica viñeches para acabares connosco? Ben sei quen es ti: o Santo de Deus.

Xoán 14:6

Xesús respondeulle: Eu son o camiño, a verdade e a vida: ninguén chega onda o Pai máis ca por min.

Feitos 3:14

Pero vós rexeitastes o Santo e o Xusto; pedistes que indultasen a un asasino,

1 Xoán 5:20

Sabemos que o Fillo de Deus xa está aquí e que nos deu entendemento para coñecer o Verdadeiro; nós estamos co Verdadeiro, co seu Fillo Xesús Cristo. Este é o Deus verdadeiro e a vida eterna.

Apocalipse 1:11

que dicía: "o que vas ver escríbeo nun libro e mándallelo ás sete igrexas: á de Éfeso, á de Esmirna, á de Pérgamo, á de Tiátira, á de Sardes, á de Filadelfia e á de Laodicea".

Apocalipse 1:18

o que vive; estiven morto pero repara en que estou vivo polos séculos dos séculos e teño as chaves da Morte e do lugar dos mortos.

Apocalipse 1:5

e de parte de Xesús Cristo, a testemuña que merece fe, o primeiro en renacer da morte e soberano dos reis da terra. A aquel que nos ama, que nos liberou dos nosos pecados co seu sangue

Apocalipse 15:3

Cantaban a cántiga do servo de Deus, Moisés, e a cántiga do Año, dicindo: "Grandes e admirables son as túas obras, Señor Deus, que todo o sostés; xusto e fiel é o teu comportamento, Rei das nacións.

Apocalipse 16:7

Entón oín que desde o altar dicían: "Si, Señor Deus, que todo o sostés, verdadeiras e xustas son as túas sentencias".

Apocalipse 19:11

Despois vin o ceo aberto. E apareceu un cabalo branco; o cabaleiro que o monta chámase Fiel e Verdadeiro, xulga e loita con xustiza.

Apocalipse 19:2

porque verdadeiras e xustas son as súas sentencias. El condenou a gran Prostituta, que coa súa prostitución corrompeu o mundo, El vingou o sangue dos seus servos, que ela tiña no seu poder".

Apocalipse 2:1

Ó anxo da Igrexa de Éfeso escríbelle: Isto di quen apreixa coa súa dereita as sete estrelas, quen pasea entre os sete candelabros de ouro.

Apocalipse 21:5

O que estaba sentado no trono dixo: "Vede que volvo novas todas as cousas". E mandóuseme: "Escribe, porque estas palabras merecen fe e din a verdade".

Apocalipse 3:14

Ó anxo da Igrexa de Laodicea escríbelle: Isto di o Amén, a testemuña fiel e lexítima, o comezo da creación de Deus:

Apocalipse 4:8

E cada un destes catro animais tiña seis ás, cheas de ollos en todo o arredor e por fóra. Non tiñan acougo nin de día nin de noite, proclamando: "Santo, Santo, Santo, Señor Deus, que todo o sostén, o que era, o que é e o que está a vir".

Apocalipse 5:9

E cantaban un canto novo: "Ti es merecente de recibir o libro, e de abrir os selos, porque te degolaron e adquiriches para Deus co teu sangue xentes de toda raza, lingua, pobo e nación.

Apocalipse 6:10

E a grandes berros preguntaron: "Ata que día, noso Dono santo e verdadeiro tardarás en facer xustiza e en vingar o noso sangue contra os veciños da terra?"