Apocalipse 22:3 - Biblia SEPT

³ Alí endexamais non haberá nada maldito. Nela estará o trono de Deus e mais do Año; e será alí onde os seus servidores o servirán.

Apocalipse 22:3 Iomraidhean Croise

Salmos 16:11

Mostrarasme o camiño da vida: a túa presenza éncheme de alegría; a túa dereita, de gozo eterno.

Salmos 17:15

Mais eu verei con felicidade a túa presenza, ó espertar, saciareime de verte.

Isaías 12:6

Clamade con gozo e ledicia, habitantes de Sión: Que grande é no medio de ti o Santo de Israel".

Isaías 51:11

Si, os rescatados do Señor volverán e entrarán en Sión con xúbilo. Haberá ledicia eterna sobre as súas cabezas, invadiraos o xúbilo e a alegría; o tormento e os suspiros xa fuxiron.

Ezequiel 37:27

e a miña morada estará no medio deles; serei o seu Deus e eles serán o meu pobo.

Ezequiel 48:35

A volta será de dezaoito mil cóbados. E desde ese día o nome da cidade será "O Señor está alí"".

Zacarías 14:11

habitarase nela. Non volverá haber destrución sagrada: Xerusalén será habitada con seguridade.

Mateo 25:21

Díxolle o señor: "Ben, criado fiel e cumpridor; xa que fuches fiel no pouco, poñereite á fronte do moito: pasa a gozar da festa do teu señor".

Mateo 25:41

E diralles logo ós da súa esquerda: "Arredade de min, malditos; ide para o lume eterno preparado para o Satán e para os seus anxos.

Xoán 12:26

Se alguén quere servirme, que me siga; e alí onde estou eu, estará tamén o meu servidor. Se alguén me serve, hao honrar o Pai.

Xoán 13:32

Se Deus queda glorificado nel, tamén Deus o glorificará a el e hao glorificar axiña.

Xoán 14:3

E cando vaia e vos arranxe un lugar, volverei e collereivos comigo, para que, onde estea eu, esteades vós tamén.

Xoán 17:24

Pai, os que me deches, quero que, onde estou eu, estean tamén eles comigo, para que contemplen a miña gloria, a que ti me concediches, porque me amabas xa antes da fundación do mundo.

Deuteronomio 27:26

Maldito sexa quen non manteña as formulacións desta lei para pólas por obra. E todo o pobo dirá: Amén.

Apocalipse 7:10

Proclamaban con grande voz: "A salvación perténcelle ó noso Deus, que senta no trono, e mais ó Año".

Apocalipse 7:9

Despois disto mirei e vin un mundo de xente, que ninguén era capaz de contar, de todas as nacións, tribos, pobos e linguas, en pé diante do trono e do Año. Vestían roupa branca e levaban ramallos de palma nas mans.