Apocalipse 21:3 - Biblia SEPT

³ E sentín unha forte voz que desde o trono dicía: "Velaquí a tenda de Deus onda os homes. Acampará entre eles: eles serán o seu pobo e El será o seu Deus e compañeiro.

Apocalipse 21:3 Iomraidhean Croise

1 Reis 8:27

Será verdade que Deus fará na terra unha morada? Se nin os ceos todos te poden acoller, canto menos esta casa que eu che construín.

2 Crónicas 6:18

Aínda que, é posible que Deus habite cos homes na terra? Se non cabes no ceo nin no máis alto do ceo, canto menos neste templo que che construín!

Éxodo 25:8

Que me fagan un santuario, onde eu habite no medio deles.

Éxodo 29:45

Habitarei no medio de Israel e serei o seu Deus.

Isaías 12:6

Clamade con gozo e ledicia, habitantes de Sión: Que grande é no medio de ti o Santo de Israel".

Xeremías 31:33

Velaquí o pacto que eu hei pactar coa casa de Israel despois deses días —é o Señor quen fala—: Hei meter a miña lei nas súas entrañas, escribireina nos seus corazóns, serei para eles o seu Deus, e eles serán para min o meu pobo.

Xeremías 32:38

Eles serán o meu pobo e eu serei o seu Deus.

Ezequiel 37:27

e a miña morada estará no medio deles; serei o seu Deus e eles serán o meu pobo.

Ezequiel 43:7

e díxome: —Fillo de Adam, aquí tes o lugar do meu trono, velaquí o sitio do estrado dos meus pés, onde eu habitarei entre os fillos de Israel para sempre. Xa non volverán profanar o meu santo Nome nin a Casa de Israel nin os seus reis, coas súas fornicacións e cos cadáveres dos seus reis, e mais cos seus sepulcros.

Ezequiel 48:35

A volta será de dezaoito mil cóbados. E desde ese día o nome da cidade será "O Señor está alí"".

Zacarías 13:9

A ese terzo fareino pasar polo lume e acrisolareino como se acrisola a prata e probareino como se proba o ouro. El invocará o meu nome e eu escoitareino; direille "ti es o meu pobo" e el dirame "Iavé meu Deus".

Zacarías 8:8

Traereinos e habitarán no medio de Xerusalén, serán para min o meu pobo, e eu serei para eles o seu Deus, na fidelidade e na xustiza".

Números 9:16

Así acontecía continuamente: a Nube cubríao de día, e de noite aparecía coma unha especie de lume.

Xoán 1:14

E a Palabra fíxose carne, e plantou entre nós a súa tenda, e nós vimos a súa gloria, gloria coma de Unixénito que vén do Pai, cheo de graza e de verdade.

Xoán 14:23

Xesús respondeulle: Se alguén me ama, gardará a miña palabra, e meu Pai amarao, e viremos onda el, e faremos vida con el.

2 Corintios 6:16

Que consenso pode haber entre o templo de Deus e mais os ídolos? Nós somos templo de Deus vivo; así o dixo Deus: hei vivir e camiñar con eles; serei o seu Deus e eles serán o meu pobo.

2 Corintios 6:18

Serei un pai para vós e vós seredes para min fillos e fillas, di o Señor que todo o sostén.

1 Tesalonicenses 3:11

Que o mesmo Deus, noso Pai, e o noso Señor Xesús, endereiten o noso camiño cara a vós.

Hebreos 11:16

Pero máis ben suspiraban por outra patria mellor: a celestial. Por iso Deus non se avergonza de que o chamen o seu Deus, xa que lles preparou unha cidade.

Hebreos 8:10

Pois esta é a alianza que pactarei coa casa de Israel, cando cheguen aqueles días di o Señor: cando dea as miñas leis, héillelas escribir nos seus corazóns e nas súas mentes. Eu serei para eles o seu Deus e eles serán para min o meu pobo.

Hebreos 8:2

ó mesmo tempo que oficiou coma sacerdote no santuario e na tenda verdadeira, que erixiu o Señor, non un home.

Apocalipse 10:4

Despois de falaren os sete tronos estaba eu para escribir, pero oín que unha voz desde o ceo me dicía: "Garda en segredo o que falaron os sete tronos e non o escribas".

Apocalipse 10:8

E a voz que oíra desde o ceo volveu falar comigo para me dicir: "Vai e colle o libriño aberto, que ten na man o anxo que está afincado no mar e na terra".

Apocalipse 12:10

E oín un gran berro no ceo, que dicía: "Arestora chegou a vitoria, o poder, e o reino do noso Deus, así coma a soberanía do seu Mesías. Porque expulsaron o acusador dos nosos irmáns, o que os acusaba diante do noso Deus, día e noite.

Apocalipse 21:7

O vencedor será herdeiro de todo isto. Eu serei para el o seu Deus e el será para min o meu fillo.

Apocalipse 22:3

Alí endexamais non haberá nada maldito. Nela estará o trono de Deus e mais do Año; e será alí onde os seus servidores o servirán.

Apocalipse 7:15

Por iso están diante do trono de Deus, e adórano día e noite no seu santuario. E quen está sentado no trono chantará a súa tenda cabo deles.