Apocalipse 2:7 - Biblia SEPT

⁷ Quen teña oídos, escoite o que o Espírito lles di ás igrexas. O vencedor heille dar a comer da árbore da vida, que está no xardín de Deus.

Apocalipse 2:7 Iomraidhean Croise

Xénese 2:9

Fixo xermolar da terra árbores fermosas para a vista e boas para comer, e entre elas a árbore da vida e a árbore do coñecemento do ben e do mal.

Proverbios 11:30

O froito dun home recto é a árbore da vida, e o sabio atrae as persoas.

Proverbios 13:12

Esperanza aprazada fai adoecer o corazón, arela cumprida é unha árbore de vida.

Proverbios 15:4

Unha lingua apracible é árbore de vida; cando é perversa, fere no espírito.

Proverbios 3:18

é a árbore da vida para os que a aferran, os que a reteñen son felices.

Ezequiel 28:13

ti vives no Edén, o xardín de Deus, toda sorte de pedras preciosas son o teu valo: cornalina, topacio, augamariña, crisólito, berilo e ónix; zafiro, rubí e esmeralda, e o ouro que hai en ti é por causa da túa fermosura, e do teu esplendor; foi preparado para ti o día que fuches creado.

Ezequiel 31:8

No xardín dos deuses os cedros non eran máis altos ca el, nin os cipreses se podían comparar á súa ramaxe, nin os plátanos eran coma as súas ramas; ningunha árbore do xardín dos deuses se podía comparar con el na súa beleza.

Mateo 11:15

Quen teña oídos, que escoite.

Mateo 13:43

Entón, os xustos resplandecerán coma o sol no Reino de seu Pai. Quen teña oídos que escoite.

Mateo 13:9

Quen teña oídos que escoite!

Marcos 4:9

E concluíu: Quen teña oídos para oír, que escoite.

Marcos 7:15

Nada do que hai fóra do home pode manchalo ó entrar nel; pero o que sae do home, iso si que o mancha.

Lucas 23:43

Xesús respondeulle: Asegúroche que hoxe estarás comigo no paraíso.

Lucas 8:8

Outra caeu en boa terra, e xermolou dando o cento por un. A continuación exclamou: Quen teña oídos para oír, que escoite.

Xoán 16:33

Díxenvos estas cousas para que teñades paz grazas a min. No mundo haberedes ter apertos; pero tede ánimo: eu vencín o mundo.

1 Corintios 2:10

E a nós revelóunolo Deus polo Espírito; pois o Espírito esculca todo, mesmo as profundidades de Deus,

2 Corintios 12:4

o levaron ó paraíso e oíu palabras inefables, que non se lle permiten pronunciar ó ser humano.

1 Xoán 2:13

Dígovos, pais, que vós tedes o coñecemento daquel, que é desde o comezo. Dígovos, mozos, que vós vencestes o Maligno.

Apocalipse 13:9

Quen teña oídos escoite:

Apocalipse 14:13

E oín unha voz do ceo que me dicía: "Escribe: Benia os mortos que, de agora en diante, morran no Señor. Si di o Espírito, que descansen das súas fatigas, porque as súas obras van con eles".

Apocalipse 15:2

Despois vin coma un mar de cristal mesturado con lume e os que saíron con ben da loita coa besta, coa súa imaxe e co número do seu nome, vinos de pé enriba do mar de cristal, con cítaras para o canto de Deus.

Apocalipse 2:11

Quen teña oídos escoite o que o Espírito lles di ás igrexas. O vencedor prométolle que non o vai danar a morte segunda.

Apocalipse 2:17

Quen teña oídos escoite o que o Espírito lles di ás igrexas. O vencedor heille dar do maná escondido e tamén unha pedriña branca; e escrito na pedriña un nome novo que ninguén coñece, fóra daquel que a recibe.

Apocalipse 21:7

O vencedor será herdeiro de todo isto. Eu serei para el o seu Deus e el será para min o meu fillo.

Apocalipse 22:14

Benia os que teñen lavada a súa roupa, para teren dereito á árbore da vida e a entraren polas portas da cidade.

Apocalipse 22:17

O Espírito e a esposa din: "Ven". Quen escoita, que diga: "Ven". Quen teña sede, que veña; o que queira, que colla de balde auga da vida.

Apocalipse 22:2

Contra do medio da rúa principal da cidade, a unha e outra beira do río, había unha árbore da vida, que dá doce colleitas por ano, unha cada mes e as follas destas árbores son boas para curar as nacións.