Apocalipse 2:3 - Biblia SEPT

³ Eu sei ben que tes esperanza e paciencia e por iso aguantaches por cousa miña e non estás canso.

Apocalipse 2:3 Iomraidhean Croise

Salmos 37:7

Descansa no Señor e espera nel, non te irrites polos que triúnfan e polos que manexan a intriga.

Salmos 69:7

Que en min non se defrauden os que esperan en ti, Señor, Señor dos exércitos; non se avergoncen por min os que te buscan, Deus de Israel.

Miqueas 7:9

Soporto a ira do Señor, xa que pequei contra El: ata que xulgue a miña causa e execute a miña sentencia. El sacarame á luz, para que vexa eu a súa salvación.

Marcos 15:21

Pasaba por alí Simón de Cirene, que volvía da leira o pai de Alexandro e de Rufo e obrigárono a cargar coa cruz.

Lucas 14:27

O que non carga coa súa cruz e me segue, non pode ser discípulo meu.

Lucas 18:1

Propúxolles tamén unha parábola acerca da necesidade de orar sempre, sen cansar:

Lucas 21:19

Coa vosa perseveranza, salvaredes as vosas vidas.

Lucas 5:5

Respondeu Simón: Mestre, pasamos a noite faenando e non demos collido un rabo de peixe, pero, xa que ti o dis, largarei o aparello.

Lucas 8:15

Os da terra boa, son aqueles de bo e xeneroso corazón, que escoitando a Palabra, retéñena, producindo froito coa súa perseveranza.

Xoán 15:21

Todo isto hánvolo facer por causa miña, pois non coñeceron a quen me mandou.

Romanos 12:12

Alegres na esperanza, con constancia no sufrimento, afincados na oración;

Romanos 16:12

Saúdos a Trifene e Trifosa, que traballan polo Señor. Saúdos á querida Pérside, que tanto traballou polo Señor.

Romanos 2:7

ós que perseveran nas boas obras e buscan a gloria, a honra e a inmortalidade, halles dar vida eterna;

Romanos 8:25

Pero, se esperamos o que non vemos, demostramos esperar con constancia.

1 Corintios 13:7

Desculpa sempre, fíase sempre, espera sempre, atura sempre.

1 Corintios 16:16

Poñédevos tamén vós á súa disposición e á de todo o que colabore e traballe con eles.

2 Corintios 10:15

Nin nos gloriamos de máis nin nos gloriamos á conta de traballos alleos; pero tiñamos a esperanza de que, segundo se ía espallando a fe entre vós, iámonos multiplicar máis e máis, conforme a nosa idea,

2 Corintios 11:23

Que son servidores de Cristo? Vou dicilo desvariando: pois eu sono máis ca eles. Gáñolles en traballos, gáñolles en prisións; sen comparanza en malleiras e en perigos de morte.

2 Corintios 4:1

Por iso exercendo este servizo pola misericordia de Deus, non nos apoucamos;

2 Corintios 4:16

Por iso non nos apoucamos: aínda que o noso exterior vai esmorecendo, o interior, todo o contrario: renóvase de días a días.

2 Corintios 5:9

En todo caso, ora continuemos neste domicilio ora nos afastemos del, arelamos agradarlle.

2 Corintios 6:5

golpes, prisións, tumultos, angueiras, noites en vela, días sen comer;

Gálatas 6:2

Levade uns as cargas dos outros, que así cumpriredes coa Lei de Cristo.

Gálatas 6:9

Non cansemos de facer o ben, que, coma esmorecer non esmorezamos, cumprido o tempo habemos ter boa colleita.

Filipenses 2:16

presentando a palabra da vida. Dese xeito o día de Cristo eu voume poder gabar de que nin corrín ás toas nin me cansei en balde.

Filipenses 4:3

E tamén a ti, meu leal compañeiro de traballo, pídoche que lles botes unha man: que elas loitaron canda min polo Evanxeo xunto con Clemenzo e outros colaboradores meus que teñen o seu nome no Libro da Vida.

Colosenses 1:11

estaredes fortalecidos en todo coa súa potencia magnífica para serdes con ledicia pacientes e constantes a toda proba;

1 Tesalonicenses 1:3

nos lembramos diante de Deus, noso Pai, da actividade da vosa fe, do esforzo da vosa caridade e da firmeza da vosa esperanza no noso Señor Xesús Cristo.

1 Tesalonicenses 2:9

Acordaravos, irmáns, o noso esforzo e fatiga: traballando noite e día, por non sermos unha carga para ningún de vós. Así foi como vos predicamos o Evanxeo de Deus.

1 Tesalonicenses 5:12

Rogámosvos, irmáns, que sexades considerados cos que traballan entre vós, presidíndovos no Señor e catequizándovos.

2 Tesalonicenses 3:13

E vós, irmáns, non cansedes de facer o ben.

2 Tesalonicenses 3:5

Que o Señor encamiñe os vosos corazóns ó amor de Deus e á paciente espera do Cristo.

2 Tesalonicenses 3:8

nin comemos de moca o pan de ninguén, senón que traballamos noite e día con esforzo e fatiga por non sermos unha carga para ningún de vós.

1 Timoteo 4:10

para isto traballamos e loitamos, porque esperamos en Deus vivo, que é o Salvador de todos os homes e maiormente dos que cren.

1 Timoteo 5:17

Os "presbíteros" que presiden ben son dignos dun dobre honor, maiormente os que se afanan na predicación e no ensino.

Hebreos 10:36

Xa que, de feito, cómprevos paciencia para vos conformar coa vontade de Deus e deste xeito conseguir a promesa:

Hebreos 12:1

Polo tanto, xa que nos vemos cercados arredor por unha tal nube de testemuñas, deixando enteiramente a un lado todo o que nos estorba e o pecado que tan facilmente se nos apega, corramos con aguante a carreira que temos por diante,

Hebreos 13:13

Saiamos, logo, para fóra do campamento para nos atoparmos con el, levando nós a súa aldraxe.

Hebreos 6:10

pois Deus non é inxusto como para que lle esqueza o voso traballo e o amor que lle mostrabades cando serviades (e seguides aínda servindo) o seu pobo santo por mor del.

Hebreos 6:12

de xeito que non sexades nugalláns, senón que imitedes ós que, con fe e paciencia, son herdeiros das promesas.

Hebreos 6:15

E deste xeito Abraham, agardando con paciencia, conseguiu a promesa.

2 Pedro 1:6

co xuízo moral, o dominio de vós mesmos; co dominio de vós, a constancia; e coa constancia, a piedade;

Apocalipse 1:9

Eu, Xoán, voso irmán e compañeiro no sufrimento, no reino e na esperanza en Xesús, estaba na illa chamada Patmos, por cousa da palabra de Deus e do testemuño de Xesús.

Apocalipse 3:10

Como ti gardaches as miñas palabras con perseveranza, tamén eu te gardarei a ti no intre da proba, que está a vir sobre todo o mundo, para pór a proba a toda a xente.