Apocalipse 18:3 - Biblia SEPT

³ Porque do viño rabioso da súa prostitución beberon todas as nacións, e os reis da terra andaron a fornicar con ela, e co exceso do seu luxo enriquecéronse os traficantes da terra".

Apocalipse 18:3 Iomraidhean Croise

Isaías 47:15

Velaí o que eles foron para ti, xa que te exercitaches cos feiticeiros desde a túa mocidade. Cada un andou extraviado polo seu camiño, non houbo quen te salvase.

Xeremías 51:34

Nabucodonosor comeunos e chupounos o sangue, o rei de Babilonia deixounos coma un prato ben repañado, enguliunos coma o Tanín, encheu o seu bandullo, ó seu pracer, fíxonos desaparecer.

Xeremías 51:7

Na man do Señor, Babilonia era unha copa de ouro que emborrachaba a todo o mundo: do seu viño beberon as nacións e por isto todas se volveron tolas.

Lamentacións 4:5

(He) Os que comían manxares saborosos, alentan inando nas rúas, os que foron criados sobre a púrpura, abrazan (agora) o esterco.

Nahum 3:4

Por culpa das moitas prostitucións da prostituta, tan fermosamente agraciada, mestra de encantamentos, a que trafica entre os pobos coas súas prostitucións, entre os países cos seus encantamentos.

Lucas 7:25

Ou que fostes ver, logo? Un home vestido con roupas finas? Pero os que visten elegantemente e con luxo están nos pazos reais.

1 Timoteo 5:11

Non inscribas as viúvas novas porque, cando o pracer contrario a Cristo as atrae, queren casar.

Apocalipse 14:8

E outro anxo, o segundo, viña despois dicindo: "Caeu, caeu a grande Babilonia!, que ten borrachas a todas as nacións co viño do furor das súas fornicacións".

Apocalipse 17:2

foi a prostituta dos reis da terra e co viño da súa fornicación emborracháronse os habitantes da terra".

Apocalipse 18:19

Logo, botaron terra nas súas cabezas e, entre choros e laios, berraron: "Ai! Pobre gran cidade coa que se fixeron ricos todos os que teñen barcos no mar, á costa da súa fartura! Nun virar da man quedou erma.

Apocalipse 18:23

e a luz do farol non volverá brillar máis en ti, e as palabras amorosas do esposo e da esposa non se oirán máis en ti: Porque, sendo os teus traficantes os máis grandes de todo o mundo, todas as xentes se perderon coas túas bruxerías;

Apocalipse 18:7

canta gloria e praceres ela tivo, dádelle outro tanto en tormentos e loito. Porque ela di para si: Estou sentada nun trono de raíña, e nin estou viúva, nin verei o loito.

Apocalipse 18:9

Chorarán e botarán as mans á cabeza os reis da terra, os que practicaron a prostitución con ela e que se encheron de pecar con ela, cando vexan o fume da súa queima.