1 Samuel 8:3 - Biblia SEPT

³ Pero os fillos non seguiron o camiño de Samuel, senón que se deixaron levar pola cobiza, aceptando regalos e torcendo o dereito.

1 Samuel 8:3 Iomraidhean Croise

2 Samuel 15:4

Despois seguía dicindo: —"Quen me dera ser eu o xuíz deste país! A todos os que viñesen onda min con preitos e con causas, faríalles pronto xustiza".

Salmos 15:5

o que non presta con usura o seu diñeiro e non se deixa subornar contra o inocente. Quen así se comporte, endexamais non perecerá.

Salmos 26:10

que leva o crime nas mans, chea de suborno a súa dereita.

Éxodo 18:21

Procura no medio do pobo homes de valer e que teñan temor de Deus, homes firmes, inimigos da cobiza, e ponos á fronte do pobo, como xefes de mil, de cen, de cincuenta e de dez.

Éxodo 23:6

Non torzas o dereito no xuízo do pobre.

Éxodo 23:8

Non admitas regalos, pois os regalos cegan mesmo ós asisados e torcen o dereito dos xustos.

Qohélet (Eclesiastés) 2:19

e quen sabe se será un Sabio ou un badoco? Un tal será o herdeiro do que con tanto esforzo conseguín con grande habilidade baixo o sol! Tamén iso é cousa sen xeito.

Isaías 1:23

Os teus xefes volvéronse rebeldes. Os teus compañeiros, un fato de ladróns. Pola calada aman o suborno, mira como corren tralos regalos; ó orfo non lle fan xustiza, e o preito da viúva non chega onda eles.

Isaías 33:15

O que se comporta con xustiza e fala o que é correcto, o que rexeita as ganancias da opresión, o que sacode a súa man para non coller subornos, o que pecha os seus oídos para non verter sangue, o que pecha os seus ollos para non favorecer a maldade.

Miqueas 3:11

Os seus xefes emiten veredictos conforme ós regalos, os seus sacerdotes dan a lei por un prezo, e os seus profetas adiviñan por diñeiro, e ademais apóianse no Señor, dicindo: Non está o Señor no medio de nós? Ningunha desgraza nos acontecerá.

Deuteronomio 16:19

Non violentes o xuízo, nin te fixes nas caras dos litigantes, nin collas regalos: pois o regalo cega os ollos dos sabios, e perverte a causa dos xustos.

1 Timoteo 3:3

nin bebedor nin liorteiro, senón indulxente; home de paz, non amigo dos cartos.

1 Timoteo 6:10

A raíz de todos os males é a avaricia: algúns, dominados por ela, afastáronse da fe e envurulláronse a si mesmos en moitas dores.

1 Samuel 12:2

Agora aí tedes o rei para que vos guíe. Eu vou vello, encanecido, e os meus fillos están convosco. Eu andei diante de vós desde a miña mocidade ata agora.

1 Samuel 2:35

Eu escollerei un sacerdote fiel, que faga o que eu quero e desexo. Dareille unha familia duradeira e camiñará sempre en conformidade co meu unxido.