Yohana 3:2 - The Holy Bible In Alur (Lur) Revised Orthography

² ng’atuni bino i bang’e ku diewor, ewacu ire kumae, Japonji, wang’eyo nia in i japonji m’uai ba Mungu: kum ng’atu acel de mbe ma copo timo giranyutha maeni m’itimo, tek Mungu mbe kude.

Yohana 3:2 Iomraidhean Croise

Yohana 5:36

Ento nyutholembe m’abedo ko e dit ma sagu Yohana; kum tic ma Wego mio ira adar, tic maeni m’atimo enyutho pira, nia Wego ora.

Tic Mi Jukwenda 10:38

en e Yesu ma Nazareti, maram Mungu wire ko ku Tipo Maleng’ ku tego bende: m’ebedewotho ko awotha ku timo ber, ku keyo kum dhanu ceke ma wonabali voyogi; kum Mungu ni kude.

Tic Mi Jukwenda 2:22

Wu dhanu pa Israel, wuwinj lembe maeni: Yesu ma Nazareti, en e ng’atu ma Mungu foye iwu ku tic ma dwong’ man musana ku giranyutha ma Mungu timo ni kume i kindwu, cil calu wun de wung’eyo giwu;

Yohana 9:16

Ka kumeno jumoko ma kind Jufarisayo giwacu kumae, Ng’atuni ai ba Mungu ngo, kum ekwiro ceng’ sabatu ngo. Ento jumoko wacu kumae, Ng’atu ma jadubo copo timo giranyutha ma kumeni nenedi? E pokri ni i kindgi.

Yohana 12:37

Ento kadok edaru timo giranyutha dupa kumeni i wang’gi, ere giyio ire ngo:

Yohana 1:38

Yesu lokre de, man eneno gilubo ng’eye, man ewacu igi kumae, Wuyenyo ang’o? E giwacu ire kumae, Rabbi, (thelembene, ka juloke, Japonji,) ibedo kani?

Matayo 22:16

Gioro julub migi de i bang’e, Juherodiano, giwacu kumae, Japonji, wang’eyo nia in i ng’atu mandha, man iponjo yo pa Mungu i lemandha, man iparu pi ng’atu moko de ngo: kum ineno dhanu ni wang’gi ngo.

Yohana 7:31

Ento kind udul dhanu dupa giyie; man giwacu kumae, Ka Kristu bibino, ebitimo giranyutha ma sagu maeni ma ng’atuni timo?

Yohana 20:16

Yesu wacu ire kumae, Mariamu. Elokre, ewacu ire de ku dhu Juebrania, Raboni; ma juwacu kumae, Japonji.

Yohana 15:24

Tek atimo tic i kindgi ngo ma ng’atu mange mbe ma fodutimo, kuno di dubo migi mbe: ento kawono gidaru nena gidaga de waku Vwa.

Yohana 3:26

Gibino de ba Yohana, giwacu ire kumae, Japonji, en ma naka wubedo wukude loka Yordan, m’inyutho pire, nen, ng’atuni mio baputisi, dhanu ceke de gibino i bang’e.

Marko 12:14

E ka giwok, giwacu ire kumae, Japonji, wang’eyo nia in i andha, man ipara pi ng’atu moko ngo; kum ineno dhanu ni wang’gi ngo, ento andha’ iponjo yo pa Mungu: Cik uyio ya jumi ajok ni Kaisari, kadi ku jumi?

Jupoklembe 6:27

E Gideon ulund ugamu dhanu apar mi jutic pare, man etimo calu Yehova yero ire: man etimbre, kum elworo juot pa won ku dhanu mir adhurane, ketho nia ecopo time ngo ku dieceng’, ketho etime ku diewor.

Isaya 51:7

Wuwinja, wun ma wung’eyo bedopwe, wu dhanu ma cik para ni i adundewu; kud wulwor cac mi dhanu, kadi cwinywu kud ung’abre kum cac migi.

Jufilipi 1:14

man nia umego kucel ma dit ma gini i Rwoth, ma ginwang’u tego ni kum kol para, gisagu ku tegocwinygi ku yero lembe pa Mungu ma lworo mbe i kumgi.

1 Ubimo 17:24

Man dhakune wacu ni Elia kumae, Kawono ang’eyo nia in i dhanu pa Mungu man nia lembe pa Yehova m’i dhogi en e andha.

Yeremia 38:16

Kum kumeno Zedekia m’ubimo kwong’o kwong’ ling’ ling’ ni Yeremia, ewacu kumae, Calu Yehova bedo kwo, m’utimo iwa ng’eyong’ec maeni, abinegi ngo, kadi abimii i cing’ dhanu maeni m’uyenyo kwo peri e de ngo.

Matayo 23:7

ku moth ma i katali, man ya dhanu lwong’gi kumae, Japonji.

Matayo 23:8

Ento wun re ku julwong’wu Japonji: kum japonji mu en e acel, man wun ceke wun umego.

Yohana 2:11

Thekri mi giranyutha pare maeni Yesu timo i Kana mi Galilaya, man enyutho dwong’ pare; julubne de giyie.

Yohana 4:31

I kinde maeni julubne gikwaye, giwacu kumae, Japonji, cam cemo.

Yohana 6:2

Udul dhanu ma dit de lubo ng’eye, kum gineno giranyutha m’etimo kum ju ma kumgi lith.

Yohana 10:38

Ento tek atimogi, kadok wuyia ngo, wuyi tic: kara wung’ei wuyi de ya Wego ni i ia, an de ani i Wego.

Yohana 14:10

Iyio ngo nia ani i Wego, man Wego de ni i ia? lembe m’ayero iwu ayero gira ngo: ento Wego m’ubedo i ia etimo tic pare.