Nehemia 9:1 - The Holy Bible In Alur (Lur) Revised Orthography

¹ Nie i ceng’ pier ario wi ang’wende mi dwi maeni nyithindho mir Israel gicokri ku kwiro cam, man kud usuba, ku ng’om i wigi.

Nehemia 9:1 Iomraidhean Croise

2 Samwil 1:2

etimbre i ceng’ mir adege, nia, nen, ng’atu acel uai ba Saul i kagonjo, ku kendi pare m’uyec, man ku ng’om i wie: man ebedo kumeno, kinde m’ebino ba Daudi, nia epodho i ng’om, man erwo.

2 Lemkei 20:3

E lworo maku Yehocafat, man ekethre gire kum yenyo Yehova; man eng’olo ya juwek cam i Yuda ceke mba mba.

2 Lemkei 7:10

Man i ceng’ pier ario wi adege mi dwi abirone eciko dhanu gidok ba hema migi, ma anyong’a ku mutoro de nego adundegi kum bero ma Yehova nyutho ni Daudi, man ni Suleman man ni Israel ma dhanu pare.

Ezra 8:21

Alund ang’olo wekocam keca, dhu kulo Ahava, kara wajwigra giwa i wang’ Mungu mwa, kara wayeny i bang’e yo m’atira iwa, man pi nyithindho mwa ma thindho, man pi piny mwa ceke.

Ezra 8:23

Ka kumeno waweko cam wakwayu Mungu mwa de pi maeni: e ewinjo wa.

Nehemia 8:2

E Ezra ma jalam ukelo cik i wang’ cokri, co ku mon bende, man dhanu ceke ma gicopo winjo ku ng’eyong’ec, i ceng’ mir acende mi dwi mir abirone.

Ester 4:16

Cidhi, icok Juyahudi ceke ma ginuti i Cucan, man wuwek cam pira, man kud wucam kadok amadha de i nindo mi ceng’ adek, diewor kadi dieceng’: an bende ku jutic para ma nyir wabiweko cam kumeno; e kumeno abimondo bang’ ubimo, ma en e calku cik ungo: man tek arwinyo, de arwiny.

Ester 4:3

Man i ng’etker ceke kubang’e kubang’e, ma tek lembang’ola p’ubimo ku cik pare wok, ywak ma dit bedo nuti i kind Juyahudi, ku kwero cam, man ywak, ku goyo nduru: e dupa vuto i usuba ku vuru.

Kitabu Pa Yob 2:12

E kinde ma giting’o wang’gi malu ku bor cen, man ging’eye ngo, giting’o dwandgi malu, e giywak; man kubang’gi kubang’gi ng’atuman uyeco kanzu pare, e gikiro utur yor i polo i wigi.

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Yoel 2:12

Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de:

Lembe Mi Julawi 23:34

Yer ni nyithindho mir Israel, wac kumae, I ceng’ apar wi abije mi dwi maeni mir abirone en e agba mi otbak mi ceng’ abiro ni Yehova.

Lembe Mi Julawi 23:39

Ento i ceng’ mir apar wi abije i dwi mir abirone, kinde ma wucoko nying’ ng’om, wubikwiro agba pa Yehova ceng’ abiro: ceng’ ma kwong’ane bibedo yom ma cu, man ceng’ mir aborane bibedo yom ma cu.

Yocuwa 7:6

E Yocuwa yeco kendi pare, man epodho arieba wang’e i ng’om i wang’ sanduk pa Yehova maram uthieno wok ko, en ku judongo mir Israel; man giketho utur i wigi.

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

Jupoklembe 20:26

Nyithindho mir Israel ceke, ku dhanu ceke, giidho malu, man gibino Beth-el, e giywak, man gibedo keca i wang’ Yehova, man giweko cam i ceng’ maeca cil uthieno; man githiero lam m’awang’a ku lam mi kwiocwiny i wang’ Yehova.

1 Samwil 4:12

E ng’atu acel pa Benyamin uai kud i njuru asikari, man ebino i Cilo ceng’ nino, ku kendi pare m’uyec, man ku ng’om i wie.

1 Samwil 7:6

Man gicokri karacelo i Mizpa, e gitwomo pi, man gikonje woko i wang’ Yehova, e giweko cam i ceng’ maeca, man giwacu kumae keca, Wadubo ni Yehova. Man Samwil upoko lembe mi nyithindho mir Israel i Mizpa.