Nehemia 7:1 - The Holy Bible In Alur (Lur) Revised Orthography

¹ Nie etimbre, kinde ma gang’kidi daru gombre, man aketho dhugola cungo, e juketho jukur dhugola ku juwer man Julawi,

Nehemia 7:1 Iomraidhean Croise

2 Ubimo 7:10

Kum kumeno gibino man gilwong’o ba jakur dhugola mir adhurane; e giyero igi, giwacu kumae, Wabino ba kagonjo mi Jucami, man nen, ng’atu moko mbe ma ni kuca, kadok dwand dhanu, ento riuni m’ubedo atwia, ku kana de m’atwia, ku hema calu gibedo.

2 Lemkei 31:2

Man Hezekia ketho tic maka mi julam ku Julawi calku maka migi, ku ba dhanu ceke calku timotim pare, julam ku Julawi bende, pi lam m’awang’a man pi lam mi kwiocwiny, kara gitim, man gimi foc, man kara gipak pak i dhugang’ mi gonjo pa Yehova.

Ezra 3:8

Nie i rundi mir arionde mi bino migi ba ot pa Mungu i Yerusalem, i dwi mir arionde, gilund githeko en e Zerubabel ma wod Cealtiel, man Yecuwa ma wod Yozadak, ku dong uturneggi ma julam ku Julawi, man dhanu ceke m’uai i ng’eca ucidho Yerusalem, man giketho Julawi, ma rundi migi tundo pier ario ku m’ukadhu de, kara gibed ni julieu mi tic mi ot pa Yehova.

Nehemia 10:39

Kum nyithindho pa Israel ku nyithindho pa Lawi gibikelo lam m’ating’a mi cam, man mi pigulok ma nyen, man mi mo, i kusika, ka ma agulu mi kamaleng’ ni ie, man julam ma timo tim, ku jukur dhugola, ma juwer: e wabiweko ot pa Mungu mwa ngo.

Nehemia 11:3

Nie maeni gi judongo mi ng’etker m’ubedo i Yerusalem: ento i adhura mi Yuda ku ba dhanu nzu ng’atuman ubedo ku piny pare i adhura migi, lembene kumae, Israel, ku julam, man Julawi, ku Junethini, man nyithindho mi jutic pa Suleman.

Nehemia 12:24

Man judongo mi Julawi ke: Hacabia, man Cerebia, man Yecuwa ma wod Kadmiel, ku uturneggi ma ni yor i bang’gi, kara gipak pak man gifoi foc, calku lembang’ola pa Daudi ma dhanu pa Mungu, kur ma ceng’ni kur.

Nehemia 6:1

Nie etimbre, kinde ma juyero ni Sanbalat ku Tobia, man ni Gecem ma Jaarabi, man ni dong’ jukwojwa, nia adaru goyo gang’kidi, man nia ka m’uiiior moko mbe i ie m’udong’ (kadok cil i nindo maeca fodi aketho dhugola cungo ngo i dhugang’),

Nehemia 6:15

Kum kumeno gang’kidine thum i ceng’ pier ario wi abije mi dwi Elul, i ceng’ pier abic wi ario.

Nehemia 6:19

Giyero pi tic pare ma ber bende i wang’a, man gidwoko lembe para ire. E Tobia oro waraga kara unyai lworo i ia.