Nehemia 4:2 - The Holy Bible In Alur (Lur) Revised Orthography

² Man eyero i wang’ juwagi ku njuru asikari mi Samaria, e ewacu kumae, Juyahudi maeni ma ng’ic gitimo ang’o? gibidwokri tek gigi? gibilamu lami? gibidaru i ceng’ aceli? gibiketho kidi cer ku i udhuru mi susu, kum juwang’ugi?

Nehemia 4:2 Iomraidhean Croise

Ezra 4:4

Dhanu m’i ng’ombe gilund gidwoko cing’ dhanu mi Yuda ng’ic, man gisendogi i gomne,

Nehemia 12:27

Man ka juthiero gang’kidi mi Yerusalem giyenyo Julawi kud i ka ma gini i ie ceke, kara gikelgi i Yerusalem, kara gitim thier kud anyong’a, man ku foyofoc, man ku wer, man kud umbukulumbu, man adungu, ku nanga.

Nehemia 12:43

E gimio lam ma dit i ceng’ maeca, man anyong’a negogi; kum Mungu ketho anyong’a nyai ku mutoro ma dit; e mon ku nyithindho bende anyong’a negogi: ketho nia juwinjo mutoro mi Yerusalem ku bor.

Nehemia 4:10

Man Yuda wacu kumae, Tego mi juyeiter urem, man susu de dit; ketho ya wacopo goyo gang’kidine ngo.

Nehemia 6:15

Kum kumeno gang’kidine thum i ceng’ pier ario wi abije mi dwi Elul, i ceng’ pier abic wi ario.

Zaburi 83:4

Giwacu kumae, Wubin, man wek wakebugi woko ku gibed ni thek; Kara ku jupoi kendo kum nying Israel.

Yeremia 26:18

Mikaya ma Jamoracti ewo i nindo pa Hezekia m’ubimo mi Yuda; man eyero ni dhanu ceke mi Yuda, ewacu kumae, Yehova mir udul uwacu kumae: Jubifuro Sayuni calu podho, man Yerusalem bidoko ni udhuru, man got mi ot calu ka ma malu mi luli.

Yeremia 33:24

Iparu ngo pi gin ma dhanu maeni yero, ma giwacu kumae, Wat ario ma Yehova goyo wigi, ebayugi ceni? e gicayu dhanu para kumeno, kara ku gibed thek kendo i wang’gi.

Daniel 9:25

Ka kumeno ing’ei man inen, nia ugambre kum lembang’ola ma juketho ya juyik man jugom Yerusalem cil kum ng’atu ma juwiro, en e jaditmawijo, bibedo yenga abiro, man yenga pier abusiel wi ario: ebigombre kendo, ku gengi man ora m’atong’a, cil i nindo m’arida.

Habakuk 3:2

E Yehova, awinjo rwongi, man lworo nega: E Yehova, yep tic peri i die rundi; I die rundi keth eng’eire: I kwinyo poi kum kisa.

Zekaria 12:8

I ceng’ maeca Yehova bicungo i kum ju m’ubedo i Yerusalem; man ng’atu m’ubedo ng’ic i kindgi i ceng’ maeca bibedo calu Daudi; man ot pa Daudi bibedo calu Mungu, calu malaika pa Yehova i wang’gi.

Zekaria 4:10

Kum ng’a ma cayu ceng’ mi gin ma noki? kum maeni abiro anyong’a binegogi, man gibineno jampor i cing’ Zerubabel; maeni wang’ Yehova, m’uringo kun ku kun kud i ng’om ngung’.

1 Jukorinto 1:27

ento Mungu foyo gin ma kitgi mbe i ng’om, kara eketh lewic umak ju ma gi riek; man Mungu foyo gin ma ng’ic m’i ng’om, kara eketh lewic umak weg tego;