Nehemia 2:5 - The Holy Bible In Alur (Lur) Revised Orthography

⁵ Man awacu ni ubimo kumae, Tek ebedo ber ni ubimo, man tek jatic peri nwang’u bero i weng’i, nia ibiora i Yuda, bang’ adhura mi odliel pa wegwa, kara agome.

Nehemia 2:5 Iomraidhean Croise

2 Samwil 14:22

Man Yoab upodho arieba wang’e i ng’om, man erwo, emio mugisa ni ubimo de; man Yoab uwacu kumae, Tinuni jatic peri ng’eyo nia anwang’u bero i weng’i, E rwoth para, ubimo, kum ubimo timo penji pa jatic pare.

Ezra 5:17

Ka kumeno kawono, tek ebedo ber ni ubimo, dong’ juyeny i ot mi kakanpiny p’ubimo, ma ni keca i Babeli, tek ebedo kumeno, nia Kuro m’ubimo utimo cik ya jugom ot pa Mungu i Yerusalem; man wek ubimo or lembe ma ie yenyo i bang’wa pi lembe maeni.

Nehemia 2:4

Ubimo lund uwacu ira kumae, Girang’o m’ikwayu? Ka kumeno a rwo ba Mungu m’i polo.

Nehemia 2:6

E ubimo wacu ira kumae, (nwang’u ci ubimo bende bedo i vute), Woth peri bibedo rokani? e ibidwogo awene? Ka kumeno ebedo ber ni ubimo ya eora; man ang’olo ire nindo.

Ester 1:19

Tek ebedo ber ni ubimo, wek lembang’ola mi ker ucidh woko m’uai i bang’e, man wek jugore i kind cik mi Juajemi man Jumedi, kara ku juloke, y a Vacti kud ubin kendo i wang’ ubimo ma Ahasuerus; man wek ubimo mi makapare mi ker ni ng’atu mange ma ber ma sage.

Ester 5:8

Tek anwang’u bero i wang’ ubimo, man tek ebedo ber ni ubimo ya emi gin m’akwayu, man etim gin m’apenjo, dong’ ubimo ku Haman de gibin ba cemo m’abiyiko igi, man abitimo urwo calu ubimo wacu.

Ester 7:3

Ester ma ci ubimo loko lembe man ewacu kumae, Tek anwang’u bero i weng’i, E ubimo, man tek emaku i ubimo, dong’ kwo para mire ira kum penji para, man mi juthu wa kum kwac para:

Ester 8:5

Man ewacu kumae, Tek emaku i ubimo, man tek anwang’u bero i wang’e, man ginduni bedopwe i wang’ ubimo, man abedo ber i wang’e, wek jugor waraga m’uthir waraga ma Haman ma wod Hamedatha ma Jaagagi poro, m’egoro kara unyoth Juyahudi ma gini i ng’etker p’ubimo ceke:

Lembrieko 3:4

Kum kumeno ibinwang’u bero man ng’eyothelembe ma ber I wang’ Mungu ku dhanu.

Daniel 9:25

Ka kumeno ing’ei man inen, nia ugambre kum lembang’ola ma juketho ya juyik man jugom Yerusalem cil kum ng’atu ma juwiro, en e jaditmawijo, bibedo yenga abiro, man yenga pier abusiel wi ario: ebigombre kendo, ku gengi man ora m’atong’a, cil i nindo m’arida.

Matayo 23:27

Can i wiwu, jugorcik ku Jufarisayo, weg ambili! kum wu calu odliel ma jufuyo ku vulo, ma nen ber ku yo woko, ento cogo dhanu m’utho pong’ yor i igi, ku sasa ceke.

Ruth 2:13

Elund ewacu kumae, Wek anwang’ bero i weng’i, Rwoth para; kum ijuka, kum iweco ber ba jatic peri ma nyaku, kadok abedo ngo calu ng’atu acel m’i kind jutic peri ma nyir.