Nehemia 2:4 - The Holy Bible In Alur (Lur) Revised Orthography

⁴ Ubimo lund uwacu ira kumae, Girang’o m’ikwayu? Ka kumeno a rwo ba Mungu m’i polo.

Nehemia 2:4 Iomraidhean Croise

2 Samwil 15:31

E ng’atu acel uyero ni Daudi, ewacu kumae, Ahithofel ni i kind ju m’uribo lembe kud Absalom. Man Daudi wacu kumae, E Yehova, akwei, lok lembapora pa Ahithofel ni lemkasegu.

1 Ubimo 3:5

Mungu nyuthre ni Suleman ku wang’ lek ku diewor: e Mungu wacu kumae, Penj gin m’abimio iri.

Nehemia 1:11

E Rwoth, akwei, kawono wek ithi bed acika ni rwo pa jatic peri, man ni rwo mi jutic peri, ma anyong’a migi en e lworo nyingi; akwei, keth lembe bed miero ni jatic peri tin, man imi ire kisa i wang’ ng’atu maeni. (Nwang’u an a jating’ kikombe p’ubimo.)

Nehemia 1:4

Man etimbre, kinde m’awinjo lembe maeni, nia abedo piny man aywak, e can unega nindo moko; man aweko cam arwo de i wang’ Mungu m’i polo,

Nehemia 1:5

man awacu kumae, Akwei, E Yehova, Mungu m’i polo, Mungu ma dwong’ ma jang’oi ndiri, ma gwoko lembariba man mer mi bero ku ju m’umare m’uworo lembariba pare:

Nehemia 2:20

Alund aloko lembe igi, man awacu igi kumae, Mungu m’i polo, ebiketho lembe bedo miero iwa; ka kumeno wa jutic pare wa biai man wabigoyo: ento wubedo ku makapiny moko ngo, kadi ng’ol, kadi jampoi, i Yerusalem.

Nehemia 2:5

Man awacu ni ubimo kumae, Tek ebedo ber ni ubimo, man tek jatic peri nwang’u bero i weng’i, nia ibiora i Yuda, bang’ adhura mi odliel pa wegwa, kara agome.

Ester 5:3

Ubimo lund uwacu ire kumae, Iyenyo ang’o, Ester ma ci ubimo? man gindang’o m’ikwayu? ebimire iri kadok cil ng’etker.

Ester 5:6

E ubimo wacu ni Ester dhu cemo mi pigulok kumae, Gindang’o m’ikwayu? man ebimire iri: man penji peri en e ang’o? ebitimbre kadok en e ng’etker ngi.

Ester 7:2

E ubimo wacu kendo ni Ester i ceng’ mir arionde mi cemo mi pigulok kumae, Penji peri ang’o, Ester ma ci ubimo? e ebimire iri: man girakwaya peri ang’o? ebitimbre kadok ng’etker ngi.

Zaburi 136:26

A wufoi Mungu m’i polo; Kum mer mi bero pare bedo mi nja.

Lembrieko 3:6

Ng’eye i yo peri ceke, Man ebinyutho yo peri.

Marko 10:51

Yesu loko ire lembe, ewacu kumae, Iyenyo atim ang’o iri? Ng’atu m’abinga wacu ire kumae, Japonji, ayenyo wang’a ler.

Tic Mi Jukwenda 23:19

E jego ma dit umake ku cinge, man ecoro kude cen, man epenje mung’ mung’ kumae, En e lembang’o m’ibedo ko m’iyenyo iyer ira?

Jufilipi 4:6

Cwinywu kud uring kum gin moko ki; ento i gin ceke ku rwo man kwayukwac ku foyofoc wuwek penji mu ung’eire ni Mungu.