Nehemia 1:9 - The Holy Bible In Alur (Lur) Revised Orthography

⁹ ento tek wudwogo i bang’a, man wuworo lembang’ola para wutimogi de, kadok dhanu mu ma juriemo gini i kajik mi ng’et polo, ento abicokogi ku kuca, man abikelogi i ka m’afoyo, kara aketh nyinga bed keca.

Nehemia 1:9 Iomraidhean Croise

1 Ubimo 8:48

tek gidwogo i beng’i kud adundegi ceke man ku ng’eyong’ec migi ceke i ng’om mi judegi migi, m’uterogi ni ng’eca, man girwo i beng’i yo ba ng’om migi, m’imio ni kwarugi, adhura m’igoyo wie, man ot m’agomo pi nyingi:

1 Ubimo 9:3

E Yehova wacu ire kumae, Awinjo rwo peri ku kwac peri, m’itimo i wang’a: adwoko ot maeni leng’, m’igomo, mi ketho nyinga keca mi nja; e wang’a kud adundena bibedo keca thiri thiri.

I Lemkei 16:35

Man wuwac kumae, Larwa, E Mungu mi both mwa, Man icokwa karacelo man ibibodhwa ni thek, Kara wafoi nyingi ma leng’, Man wasag i pak peri.

Ezra 6:12

man Mungu m’uketho nyinge bed keca eredh ubimo ceke ku suru ceke ma birieyo cing’gi kara gilok maeno, kara ginyoth ot maeni pa Mungu ma ni i Yerusalem. An a Dario atimo cik; dong’ jutime kud amora ceke.

Zaburi 106:47

Bodhwa, E Yehova Mungu mwa, Man icokwa kud i kind thek, Kara wafoi nyingi ma leng’, Man kara wasag kum pak peri.

Zaburi 107:3

Man m’ecoko kud i ng’om, Ku yo nyangu man ku yo reto, Ku yor ariwa ma malu man ku yor ariwa ma piny.

Zaburi 147:2

Yehova gomo Yerusalem; Ecoko dhanu mir Israel ma julalu karacelo.

Isaya 11:12

Man ebiting’o abera ni thek, e ebicoko ju ma juriemo mir Israel, man ebicoko ju ma julalugi mi Yuda kud i tung’ ng’om ang’wen.

Isaya 27:12

Man ebitimbre i ceng’ maeca, nia Yehova biteng’o nyinge ugambre i cori mi Kulo, cil kum kulo mi Misiri; e jubicokowu acel acel, E wu nyithindho mir Israel.

Isaya 56:8

Rwoth Yehova, m’ucoko ju ma jubayu mir Israel, uwacu kumae, Fodi abicoko jumange i bang’e, medo jupare ma dhe ma jucoko.

Yeremia 12:15

Man ebitimbre, yo ng’ei fudhogi m’afudhogi woko, abidwogo man ngisi binega i kumgi; e abikelogi kendo, ku ba dhanu ku ba dhanu ng’atuman bang’ aba pare, man ku ba dhanu ku ba dhanu n’gatuman ba ng’om pare.

Yeremia 3:14

Wudwogi, E nyithindho m’ucoro cen, Yehova wacu; kum an a nico iwu: man abigamuwu acel mir adhura, man juario mi juot, e abikelowu i Sayuni.

Yeremia 31:10

Wuwinj lembe pa Yehova, E wu thek, man wuyer maeni i cula ma bor; man wuwac kumae, Ng’atu m’ulalu Israel bicoke, ebigwoke de, calu jakwac gwoko udul rombe pare.

Yeremia 32:37

Nen, abicokogi kud i ng’om ceke, m’ariemogi i ie ku ng’ecwiny para, man ku kwinyo para, man ku thungo ma dit; e abikelogi kendo kakeni, man abiketho gibedo museme.

Yeremia 6:22

Yehova wacu kumae, Nen dhanu ai i ng’om ma yor ariwa ma malu; man jubithubo thek ma dit ugambre wi ng’et ng’om ma wi tung’.

Ezekiel 14:6

Ka kumeno wac ni ot mir Israel kumae, Rwoth Yehova wacu kumae: Wudwogi, man wulokru giwu ku ba mungu m’araga mu; man wulok weng’wu cen ku ba ginmajudagu mu ceke.

Ezekiel 36:24

Kum abikabuwu kud i kind thek, man abicokowu kud i ng’om ceke, man abikelowu i ng’om mu ma dhe.

Lembe Mi Julawi 26:3

Tek wuwotho ku cik para, man wugwoko lembang’ola para, wutimogi de:

Zekaria 8:7

Yehova mir udul uwacu kumae: Nen, abibodho dhanu para kud i ng’om ma yo nyangu, man kud i ng’om ma yo reto;

Matayo 24:31

Man ebioro malaika pare ku dwand agwara ma dit, e gibicoko ju ma jugoyo nying’gi karacelo kud i the yamu ang’wen, kud i tung polo kun ku kun de.

Poi Mi Cik 12:21

Tek ka ma Yehova Mungu peri bigoyo wie, kara eketh nyinge keca, ubedo bor iri m’usagu, ilund ineg kind dhok peri man kind udul rombe peri, ma Yehova mio iri, calu ang’olo iri; man icopo camu yo i dhugang’ peri, calu yeny ma cwinyi yenyo ceke.

Poi Mi Cik 12:5

Ento ka ma Yehova Mungu mu bigoyo wie kud i suru mu ceke, kara eketh nyinge keca, wuyeny cil ba kabedo pare, man icidh keca;

Poi Mi Cik 30:1

Man ebitimbre, kinde ma gin maeni ceke daru wok i kumi, mugisa ku kwong’, m’aketho i weng’i, man ibipoi pigi i kind thek ceke, ka ma Yehova Mungu peri riemi i ie,