Jupoklembe 8:10 - The Holy Bible In Alur (Lur) Revised Orthography

¹⁰ Nwang’u Zeba giku Zalmuna gini i Karkor, karacelo kud udul migi, ma yenyo romo dhanu rubanga apar wi abic, ma dong udul mi nyithindho ma yo nyangu m’udong’; kum dhanu ma weg palamularu m’upodho gi rubanga dak acel ku pier ario.

Jupoklembe 8:10 Iomraidhean Croise

2 Ubimo 3:26

E kinde m’ubimo mi Moab uneno nia lwiny ubedo tek m’usage, egamu dhanu dak abiro gikugi ma weg palamularu, kara ging’eny piny gitund bang’ ubimo mir Edom; ento gicopo ngo.

2 Lemkei 13:17

E Abija ku dhanu pare ginegogi ku nek ma dit: kum kumeno dhanu mir Israel ma jugoyo wigi rubanga dak abic gipodho piny ma junego.

2 Lemkei 28:6

Kum Peka ma wod Remalia nego dhanu rubanga dak acel ku pier ario i Yuda i ceng’ acel, gin ceke gi dhanu ma jurukara; kum giweko Yehova, ma Mungu pa kwaru migi.

2 Lemkei 28:8

Man nyithindho mir Israel giyaku kind utumeggi rubanga dak ario ni ng’eca, mon, ku nyithindho ma co, ku nyithindho ma nyir, man giyaku ayeki bende dit i bang’gi, man grkelo ayekine i Samaria.

Isaya 37:36

E malaika pa Yehova wok woko, man egoyo dhanu rubanga dak acel ku pier abora wi abic i kagonjo mi Juascuri; man kinde ma dhanu ai pir kugweno, nen, maeni ceke gin avu.

Isaya 9:4

Kum ituro mberembere mi ter pare, man jamjeng’ mi goke, ma uluth pa jasende, calu i nindo mi Midian.

Jupoklembe 20:15

E nyithindho pa Benyamin gikwandri i ceng’ maeca ku i adhura dhanu rubanga pier ario wi abusiel ma weg palamularu, umedo dhanu m’ubedo i Gibeya, ma gikwandri dhanu ma jugoyo wigi dak abiro.

Jupoklembe 20:17

Man dhanu mir Israel, ma Benyamin umbe i kindgi, jukwanugi rubanga dak ang’wen ma weg palamularu: maeni ceke gi dhanu mir ali.

Jupoklembe 20:2

Man rwodhi mi dhanu ceke, en e mi suru ceke mir Israel, ginyuthri gigi i cokri mi dhanu pa Mungu, dhanu m’uwotho ku tiendgi ma weg palamularu rubanga dak ang’wen.

Jupoklembe 20:25

E Benyamin ucidho woko ku i Gibeya nikiedo kugi i ceng’ mir arionde, man ginyotho dhanu ma kind nyithindho mir Israel kendo piny i ng’om rubanga apar wi abora; maeni ceke gi weg palamularu.

Jupoklembe 20:35

Man Yehova goyo Benyamin i wang’ Israel; man nyithindho mir Israel ginyotho dhanu pa Benyamin i ceng’ maeca rubanga pier ario wi abic ku dak acel: maeni ceke gi weg palamularu.

Jupoklembe 20:46

Kum kumeno dhanu ceke m’upodho i ceng’ maeca pa Benyamin gi dhanu rubanga pier ario wi abic ma gi weg palamularu; maeni ceke gi dhanu ma ratego.

Jupoklembe 6:5

Kum giidho malu ku lim migi man hema migi; gimondo calu bonyo ni udulgi; gin ku ngamia migi gibedo umbe wel: e gimondo i ng’om kara ginyothe.

Jupoklembe 7:12

Man Jumidiani ku Juamaleki man nyithindho ceke ma yo nyangu givuto i poga calu bonyo ni udulgi; man ngamia migi gibedo ma welgi mbe, calu kwio ma dhu nam ni udulgi.

Jupoklembe 7:13

Man ka Gideon uwok, nen, ng’atu moko nuti m’ubeyero lek ni jal wadi; man ewacu kumae, Nen, aleko lek; man, nen, lungu kwend nganu podho i gonjo mi Midian, man etundo ba hema, e egoye ketho epodho, man eloko wie piny, ketho hema vuto rec.

Jupoklembe 7:22

E gikudho agwara dak adek, man Yehova ketho palamularu pa ng’atuman ulokre kum wadi, man kum udul ceke; man udul uringo cil Beth-cita yo ba Zerera, man cik kum ng’om mir Abel-mehola, ma ceng’ni Tabath.

Jupoklembe 8:11

Man Gideon uidho malu ku yo ba ju m’ubedo i hema yo nyangu ni Noba ku Yogbeha, man egoyo udulne; kum udulne gibedo ma cwiny gi kwio.