Jupoklembe 3:16 - The Holy Bible In Alur (Lur) Revised Orthography

¹⁶ Nwang’u Ehud uthiedho palamularu ire gire ma lake kun ku kun, kaborne bot acel; man eroye the kendi pare i dire ma yor acwic.

Jupoklembe 3:16 Iomraidhean Croise

2 Samwil 20:8

Kinde ma gini kum kidi ma dit ma ni i Gibeon, Amasa bino kara eromb kugi. Man Yoab ukendo jambali pare m’eronyo, etwio wie ku del ma palamularu ni i kume i ukorone; man kan ewok woko epodho.

Zaburi 149:6

Wek pak ma malu pa Mungu bed i dhoggi, Man palamularu ma lake ario ubed i cing’gi;

Zaburi 45:3

Twi palamularu peri i pieri, E ng’atu ma tek, Yung peri man dwong’ peri.

Wer Pa Suleman 3:8

Kagi ceke gimaku palamularu, man gi riek i lwiny: Ku ba dhanu ceke ng’atuman palamularu pare ni wi bambe, Kum lworo ma ku diewor.

Juebrania 4:12

Kum lembe pa Mungu e kwo, man etimo, man e bith ma sagu palamularu moko ma lake kun ku kun, m’ecobo ko cil ku poko ng’eyong’ec ku tipo, man ujonj ku mio ma yor i ie bende, man e yot kum ng’io pidoic ku lembapora mir adunde.

Lembanyutha 1:16

Man cero abiro ni i cinge ma yor acwic: man palamularu ma lake bith kun ku kun uwok kud i dhoge: wang’e de va ceng’ m’urieny i tego pare.

Lembanyutha 2:12

Man ni malaika mi kanisa ma ni i Pergamo kieu kumae: Ng’atu m’ubedo ku palamularu ma lake bith kun ku kun uwacu gin maeni:

Jupoklembe 3:15

Ento ka nyithindho mir Israel ulwong’o Yehova, Yehova ting’o igi jalar, en e Ehud ma wod Gera, Jabenyamini, ma jafacam. E nyithindho mir Israel uoro ajok i cinge bang’ Eglon m’ubimo mi Moab.

Jupoklembe 3:17

Man ethiero ajok ni Eglon m’ubimo mi Moab: nwang’u Eglonne en e ng’atu m’ucwe dit.

Jupoklembe 3:21

Man Ehud urieyo cinge ma yor acam, man ewo dho palamularu kud i dire ma yor acwic, man edhuyo ko kume: