Jupoklembe 3:11 - The Holy Bible In Alur (Lur) Revised Orthography

¹¹ Man ng’om ukwio oro pier ang’wen. E Othniel ma wod Kenaz utho.

Jupoklembe 3:11 Iomraidhean Croise

I Lemkei 4:13

Man wot Kenaz gi eni: Othniel, man Seraya. Man wot Othniel gi eni: Hathath.

Nehemia 9:28

Ento yo ng’ei yom migi, gidubo kendo i weng’i; ka kumeno iwekogi i cing’ jukwojgi, kara gibed ku bim i wigi: ento ka gidwogo, giywak de i beng’i, iwinjo kud i polo; e ibodhogi wang’ udul calku kisa peri,

Ester 9:22

calu ceng’ ma Juyahudi nwang’u yom i ie kum judegi migi, man dwi ma juloko ie can migi ni mutoro, man ywak migi ni ceng’ ma ber; kara giketh gibed ni ceng’ mi cemo ku mutoro, man mi oro piny ni juwadijo, ku giramia ni jucan.

Yocuwa 11:23

Kum kumeno Yocuwa maku ng’ombe ceke, calku gin ceke ma Yehova yero ni Musa; e Yocuwa mie ni Israel ni aba calku pok migi ku suru migi. E ng’ombe kwio ni lwiny.

Yocuwa 15:17

Man Othniel ma wod Kenaz, m’umin Kaleb, emake: man emio Aksa ma nyare ire ni dhaku.

Jupoklembe 3:10

E Tipo pa Yehova bino i wie, man epoko lembe mir Israel; man ecidho woko ni lwiny, man Yehova ketho Kucan-ricathaim m’ubimo mi Mesopotamia i cinge: man cinge voyo Kucan-ricathaim.

Jupoklembe 3:12

E nyithindho mir Israel utimo gin ma rac kendo i wang’ Yehova: man Yehova mio tego ni Eglon m’ubimo mi Moab kum Israel, kum gitimo gin ma rac i wang’ Yehova.

Jupoklembe 3:30

Kum kumeno juvoyo Moab i ceng’ maeca the cing’ Israel. Man ng’om ukwio rundi pier abora.

Jupoklembe 3:9

E ka nyithindho mir Israel ulwong’o Yehova, Yehova ting’o jalar ni nyithindho mir Israel, m’ubodhogi, en e Othniel ma wod Kenaz, m’umin Kaleb ma nok.

Jupoklembe 5:31

Dong’ judegi peri ceke ginyothri kumeca, E Yehova: Ento dong’ ju m’umare gibed calu ceng’ kan ewok i tego pare. Man ng’om ukwio rundi pier ang’wen.

Jupoklembe 8:28

Kum kumeno jusagu Midian i wang’ nyithindho mir Israel, e giting’o wigi malu kendo ngo. Man ng’om ukwio rundi pier ang’wen i nindo pa Gideon.