Jupoklembe 21:6 - The Holy Bible In Alur (Lur) Revised Orthography

⁶ Man nyithindho mir Israel ewinygi lokre kum Benyamin m’umingi, man giwacu kumae, Suru acel ukabre woko ku kum Israel tin.

Jupoklembe 21:6 Iomraidhean Croise

2 Samwil 2:26

Abner ulund ulwong’o Yoab, man ewacu kumae, Palamularu bithumo nja? ing’eyo ngo nia ma cen ebidoko raci? ebilund bedo rokani, ma fodi ibiwacu ie ni dhanu ya gijik kum lubo tok uturneggi?

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Jupoklembe 11:35

Man etimbre, kan enene, nia eyeco kendi pare, man ewacu kumae, Akayo, nyara! ijwiga hai, man in acel m’i kind ju m’ung’abu cwinya; kum ayabu dhoga ni Yehova, man acopo dok cen ungo.

Jupoklembe 20:23

E nyithindho mir Israel giidho malu man giywak i wang’ Yehova cil uthieno; man gipenjo Yehova, giwacu kumae, Abicoro ceng’ni kendo nikiedo ku nyithindho pa Benyamin m’umira? E Yehova wacu kumae, Idh malu ikied kude.

Jupoklembe 21:15

Man dhanu giloko ewinygi pi Benyamin, kum Yehova ketho abala i suru mir Israel.

Jupoklembe 21:5

Man nyithindho mir Israel giwacu kumae, Ng’a ma nuti i kind suru ceke mir Israel m’uidho malu ngo i cokri ba Yehova? Kum nwang’u gitimo kwong’ ma dit pi ng’atu m’uidho malu ngo ba Yehova i Mizpa, giwacu kumae, Jubinege andha.

Jupoklembe 21:7

Wabitimo nenedi ma wan wang’ ko mon ni ju m’udong’, kum wakwong’o ku Yehova nia wabimio nyigwa ngo igi ugomgi?