Jupoklembe 21:5 - The Holy Bible In Alur (Lur) Revised Orthography

⁵ Man nyithindho mir Israel giwacu kumae, Ng’a ma nuti i kind suru ceke mir Israel m’uidho malu ngo i cokri ba Yehova? Kum nwang’u gitimo kwong’ ma dit pi ng’atu m’uidho malu ngo ba Yehova i Mizpa, giwacu kumae, Jubinege andha.

Jupoklembe 21:5 Iomraidhean Croise

Yeremia 48:10

Kwong’ wi ng’atu m’utimo tic pa Yehova ma k’eparu pire ngo; man kwong’ wi ng’atu m’ucero palamularu pare ni rimo.

Jupoklembe 21:1

Nie dhanu mir Israel gikwong’o kwong’ i Mizpa, giwacu kumae, Ng’atu moko mbe i kindwa ma bimio nyare ugom Benyamin.

Jupoklembe 21:18

Ento wacopo mio mon ma kind nyigwa ngo igi; kum nwang’u nyithindho mir Israel gikwong’o, giwacu kumae, Kwong’ ubed wi ng’atu m’umio dhaku ni Benyamin.

Jupoklembe 21:6

Man nyithindho mir Israel ewinygi lokre kum Benyamin m’umingi, man giwacu kumae, Suru acel ukabre woko ku kum Israel tin.

Jupoklembe 5:23

Wulam Meroz, malaika pa Yehova wacu, Wulam dhanune kurac, Kum gibino ngo gikony Yehova, Gikony Yehova kum ju ma tek.

1 Samwil 11:7

Man egamu koni dhiang’ ma ku mberembere, man ethumogi ni wath ni wath, man eorogi i kieu ceke mir Israel mba mba ku cing’ jukwenda, ewacu kumae, Ng’atu ma tek uwok ulubo tok Saul man tok Samwil de ngo, ebitimbre kumeca kum koni dhiang’ pare. Man ndiri pa Yehova podho wi dhanune, man giwok woko calu ng’atu acel.

1 Samwil 14:24

E dhanu mir Israel cwinygi dieng’ ceng’ maeca; kum Saul ukwong’o dhanu, ewacu kumae, Kwong’ ubed wi ng’atu m’ucamu cemo moko maram uthieno wok ko, man aculo kwor wi judegina. Kum kumeno dhanu moko mbe m’ubilo cemo.