Jupoklembe 21:19 - The Holy Bible In Alur (Lur) Revised Orthography

¹⁹ Man giwacu kumae, Nen agba pa Yehova nuti i Cilo ku ba rundi ku ba rundi, ma en e yor ariwa ma malu ni Beth-el, yo nyangu mi gengi m’uai Beth-el uidho Cekem, man yor ariwa ma piny ni Lebona.

Jupoklembe 21:19 Iomraidhean Croise

Zaburi 81:3

Wukudh agwara mi lakdwi, Ceng’ mi dwi ma dit, ceng’ mir agba mwa.

Lembe Mi Julawi 23:10

Yer ni nyithindho mir Israel, man iwac igi kumae, Kinde ma wumondo i ng’om m’amio iwu, man wukai mwokane, wulund wukel landu mwoka mu ba jalam:

Lembe Mi Julawi 23:2

Yer ni nyithindho mir Israel, man iwac igi kumae, Agba pa Yehova ma juketho, ma wubilwong’o ni cokri ma leng’, maeni gin agba para ma juketho.

Lembe Mi Julawi 23:34

Yer ni nyithindho mir Israel, wac kumae, I ceng’ apar wi abije mi dwi maeni mir abirone en e agba mi otbak mi ceng’ abiro ni Yehova.

Lembe Mi Julawi 23:4

Maeni agba pa Yehova ma juketho, en e cokri ma leng’, ma wubilwong’o i nindo migi ma juketho.

Lembe Mi Julawi 23:6

Man i ceng’ apar wi abije mi dwije en e agba mi kwen ma thobi mbe i ie ni Yehova: wubicamu kwen ma thobi mbe i ie ceng’ abiro.

Kitabu Mir Ang’wende Pa Musa Wel 10:10

I nindo mi mutoro mu bende, man i agba mu ma juketho, man i thekri mi dwi mu, wubikudho agwara wi lam m’awang’a mu, man wi lam mi girathiera mi kwiocwiny mu; e gibibedo iwu ni poi i wang’ Mungu mu; an a Yehova Mungu mu.

Kitabu Mir Ang’wende Pa Musa Wel 28:16

Man i dwi ma kwong’ane, i ceng’ apar wi ang’wende mi dwi, en e kadhukuwijo pa Yehova.

Kitabu Mir Ang’wende Pa Musa Wel 28:26

I ceng’ mi landu mwoka bende, kinde ma wuthiero lam mi mogo ma nyen ni Yehova i agba mu mi yenga, wubibedo ku cokri ma leng’; kud wutim tic moko ma jumuli ko;

Kitabu Mir Ang’wende Pa Musa Wel 29:12

Man i ceng’ apar wi abije mi dwi mir abirone wubibedo ku cokri ma leng’; wubitimo tic moko ma jumuli kudo ngo, man wubikwiro agba ni Yehova ceng’ abiro:

Yohana 5:1

Yo ng’ei gin maeni agba mi Juyahudi nuti; man Yesu idho malu Yerusalem.

Yohana 7:2

Nwang’u agba mi Juyahudi, ma en e agba mi otbak, udhingo ceng’ni.

Poi Mi Cik 16:1

Kwir dwi Abib, man itim kadhukuwijo ni Yehova Mungu peri; kum i dwi Abib Yehova Mungu peri wodhi woko kud i Misiri ku diewor.

Poi Mi Cik 16:10

Man itim agba mi yenga ni Yehova Mungu peri kud ajok mi girathiera ma ku berocwiny mi cingi, m’ibimio, calu Yehova Mungu peri mio iri mugisa:

Poi Mi Cik 16:13

Kwir agba mi otbak ceng’ abiro, yo ng’ei m’icoko kud i lelacam peri man kud i pany mi pigulok peri:

Yocuwa 18:1

Man udul bo mi nyithindho mir Israel gicokri gigi karacelo i Cilo, man giguro hema mi cokri keca: e ng’om umondo igi i wang’gi.

Jupoklembe 18:31

Kum kumeno giketho ayi gin m’acwia m’ang’ika ma Mika timo ucungi, i nindo ceke ma ot pa Mungu ni i Cilo.

Jupoklembe 21:20

Man ging’olo ni nyithindho pa Benyamin, giwacu kumae, Wucidh wupond i podho mir ulok:

1 Samwil 1:3

Man ng’atu maeni idho malu ku i adhura pare ku ba rundi ku ba rundi kara erwo emi lam de ni Yehova mir udul i Cilo. Man wot ario pa Eli, Hofni ku Finehaz, ma julam pa Yehova, gini keca.