Jupoklembe 21:10 - The Holy Bible In Alur (Lur) Revised Orthography

¹⁰ Man udul gioro dhanu rubanga apar wi ario m’i kind ju ma ratego, man ging’olo igi, giwacu kumae, Wucidh wugoi ju m’ubedo Yabec-gilead ku lak palamularu, ku mon man nyithindho.

Jupoklembe 21:10 Iomraidhean Croise

Kitabu Mir Ang’wende Pa Musa Wel 31:17

Ka kumeno kawono wuneg co kubang’gi kubang’gi m’i kind nyithindho ma thindho, man wuneg mon kubang’gi kubang’gi m’utig’eyo co ku vuto kude.

Poi Mi Cik 13:15

igoi dhanu mir adhura maeno andha ku lak palamularu, m’inyothe ko kot, ku gin ceke ma ni i ie ku limne, ku lak palamularu.

Yocuwa 7:24

Man Yocuwa, kud Israel ceke gikugi, gimaku Akan ma wod Zera, ku mola ma tarne, ku kanzune, ku jamb mola ma kwarne, ku wote, man nyige, ku koni dhiang’ pare, man kana pare, man rombe pare, ku hema pare, ku gin ceke m’ebedo ko: man giterogi malu i poga mir Akor.

Jupoklembe 21:5

Man nyithindho mir Israel giwacu kumae, Ng’a ma nuti i kind suru ceke mir Israel m’uidho malu ngo i cokri ba Yehova? Kum nwang’u gitimo kwong’ ma dit pi ng’atu m’uidho malu ngo ba Yehova i Mizpa, giwacu kumae, Jubinege andha.

Jupoklembe 21:8

E giwacu kumae, Ng’a m’i kind suru mir Israel m’uidho malu ngo i wang’ Yehova i Mizpa? Man, nen, ng’atu moko mbe m’ubino ba gonjo kud i Yabec-gilead i cokri.

Jupoklembe 21:9

Kum ka jukwanu dhanu, nen, ju m’ubedo i Yabec-gilead moko mbe ma nuti keca.

Jupoklembe 5:23

Wulam Meroz, malaika pa Yehova wacu, Wulam dhanune kurac, Kum gibino ngo gikony Yehova, Gikony Yehova kum ju ma tek.

1 Samwil 11:7

Man egamu koni dhiang’ ma ku mberembere, man ethumogi ni wath ni wath, man eorogi i kieu ceke mir Israel mba mba ku cing’ jukwenda, ewacu kumae, Ng’atu ma tek uwok ulubo tok Saul man tok Samwil de ngo, ebitimbre kumeca kum koni dhiang’ pare. Man ndiri pa Yehova podho wi dhanune, man giwok woko calu ng’atu acel.

1 Samwil 15:3

Kawono icidh igoi Amalek, man inyoth gin ceke ma gibedo ko kot, man kud iwekgi; ento wuneg co ku mon bende, nyithindho ku mukere, koni dhiang’ man rombo, ngamia ku kana.