Jupoklembe 21:1 - The Holy Bible In Alur (Lur) Revised Orthography

¹ Nie dhanu mir Israel gikwong’o kwong’ i Mizpa, giwacu kumae, Ng’atu moko mbe i kindwa ma bimio nyare ugom Benyamin.

Jupoklembe 21:1 Iomraidhean Croise

Eklizia 5:2

Kud iwec vur vur ku dhogi, man adundeni kud uwec lembe vur vur i wang’ Mungu; kum Mungu ni i polo, man ini i ng’om: ka kumeno wek lembe peri bed nok.

Yeremia 4:2

man ibikwong’o kwong’ kumae, Calu Yehova bedo kwo, i lemandha, i pokolembe, man i bedopwe; man thek bimio mugisa igi gigi ni kume, man gibiluli ni kume.

Yeremia 40:6

E Yeremia lund ucidho ba Gedalia ma wod Ahikam i Mizpa, e gibedo karacelo kude i kind dhanu m’udong’ i ng’om.

Marko 6:23

Man eyero ire ku kwong’ kumae, Gin ma tek ikwaya ko, abimie iri, kadok ng’et ker para.

Tic Mi Jukwenda 23:12

E ka piny uru, Juyahudi giribri karacelo, man gitwiri gigi ku kwong’, giwacu nia gibicamu giracama kadi madhu giramadha de ngo ma fodi gikunego Paolo ngo.

Jurumi 10:2

Kum anyutho pigi nia gibedo kud amora pi Mungu, endre calku ng’eyong’ec ungo.

Jupoklembe 20:1

Nyithindho mir Israel ceke gilund giwok woko, man udul dhanu cokri calu ng’atu acel, ugambre Dan cil Ber-ceba, karacelo ku ng’om Gilead, ba Yehova i Mizpa.

Jupoklembe 20:10

man wabigamu dhanu apar ku kind dhanu dak acel i suru ceke mir Israel ngung’, man dak acel i kind rubanga, man rubanga i kind rubanga apar, kara gikel cam ni dhanu, kara gitim, kinde ma giwok Gibeya mi Benyamin, calku kasegu ceke ma gitimo i Israel.

Jupoklembe 20:48

Man nyithindho mir Israel gilokri kendo wi nyithindho pa Benyamin, man gigoyogi ku lak palamularu, adhura bo, ku lim de, man gin ceke ma ginwang’u: umedo maeni adhura ceke ma ginwang’u gicwinyo ku mac.

Jupoklembe 20:8

E dhanu ceke giai malu calu ng’atu acel, giwacu kumae, Kindwa moko mbe ma bicidho ba hema pare, kadi kindwa moko mbe ma bilokre ba ot pare.

Jupoklembe 21:18

Ento wacopo mio mon ma kind nyigwa ngo igi; kum nwang’u nyithindho mir Israel gikwong’o, giwacu kumae, Kwong’ ubed wi ng’atu m’umio dhaku ni Benyamin.

Jupoklembe 21:22

Man ebibedo, ka weggi kadi uturneggi gibino kud adote i bang’wa, nia wabiwacu igi kumae, Wumigi iwa ku berocwiny; kum wagamu mon ungo ni dhanu kubang’gi kubang’gi i lwiny, kadok amia de wumiogi ngo igi; tek kumeno ngo kuno di wubedo ma lembe ni i wiwu kawono.

Jupoklembe 21:5

Man nyithindho mir Israel giwacu kumae, Ng’a ma nuti i kind suru ceke mir Israel m’uidho malu ngo i cokri ba Yehova? Kum nwang’u gitimo kwong’ ma dit pi ng’atu m’uidho malu ngo ba Yehova i Mizpa, giwacu kumae, Jubinege andha.

Jupoklembe 21:7

Wabitimo nenedi ma wan wang’ ko mon ni ju m’udong’, kum wakwong’o ku Yehova nia wabimio nyigwa ngo igi ugomgi?

1 Samwil 14:24

E dhanu mir Israel cwinygi dieng’ ceng’ maeca; kum Saul ukwong’o dhanu, ewacu kumae, Kwong’ ubed wi ng’atu m’ucamu cemo moko maram uthieno wok ko, man aculo kwor wi judegina. Kum kumeno dhanu moko mbe m’ubilo cemo.