Jupoklembe 2:2 - The Holy Bible In Alur (Lur) Revised Orthography

² man wubitimo lembariba moko ngo ku dhanu m’ubedo i ng’om maeni; wubirungo pemblam migi piny. Ento wuwinjo dwanda ngo: wutimo maeni nedi?

Jupoklembe 2:2 Iomraidhean Croise

Thangambere 12:18

Man Farao lwong’o Abram, man ewacu kumae, Maeni ang’o m’itimo i bang’a? nedi ikwero wacu ira nia en e dhaku peri?

Thangambere 4:10

Man ewacu kumae, Itimo ang’o? ba rimb umeru ywak i bang’a kud i ng’om.

Ai 32:21

Man Musa wacu ni Harun kumae, Dhanu maeni gitimo ang’o iri, m’uketho ikelo dubo ma dit i wigi?

Yeremia 2:18

Kawono ibedo kud ang’o m’ibitimo i yo mi Misiri, kara imadh pi mi Nili? kadi ibedo kud ang’o m’ibitimo i yo mir Ascur kara imadh pi mi Kulo?

Yeremia 2:36

Iwotho kun ku kun kumeni nedi kara ilok yo peri? lewic binegi kum Misiri bende, calu lewic unegi kum Ascur.

Yeremia 2:5

Yehova wacu kumae, Gondri ang’o ma kwaruwu mvang’u i ia, m’uketho gicidho bor i kuma, man m’uketho giwotho tok gin ma ie nanu, m’uketho gidoko ma kitgi mbe de?

Poi Mi Cik 7:16

Man ibinyotho kodhidhanu ceke ma Yehova Mungu peri bimio iri; ngisi kud uneg weng’i i kumgi: kadok mungu migi de kud itim igi; kum maeno bibedo ni uwic iri.

2 Jutesaloniki 1:8

m’eculo ko kwor ni ju m’ung’eyo Mungu ngo, man ni ju m’uworo lembanyong’a ma juboth ko pa Rwoth mwa Yesu ngo:

Yocuwa 9:7

Man dhanu mir Israel giwacu ni Juhivi kumae, Kuno nyo wubibedo i kindwa; e wabitimo lembariba wakudu nenedi?

1 Petro 4:17

Kum nindo wok ma lembapoka thekre ie i ot pa Mungu: man tek elar ethekre i bang’wa, kajik mi ju m’uworo lembanyong’a ma juboth ko pa Mungu ngo ke bibedo nenedi?

Jupoklembe 2:20

E ng’ecwiny pa Yehova opo kum Israel; man ewacu kumae, Kum thek maeni turo lembariba para m’ang’olo ni kwarugi, man giwinjo dwanda ngo;

Jupoklembe 6:10

e awacu iwu kumae, An a Yehova Mungu mu; wubilworo mungu mi Juamori ngo, ma wubedo i ng’om migi. Ento wuwinjo dwanda ngo.

Jupoklembe 6:8

nia Yehova oro jabila ba nyithindho mir Israel: man ewacu igi kumae, Yehova Mungu mir Israel uwacu kumae, Akelowu malu ku i Misiri, man awodhowu woko kud i ot mi ng’eca;

Jupoklembe 8:27

Man Gideon ucwio maeno ni ugoke, man ekethe i adhura pare, en e i Ofra; man Israel kpo giketho cwinygi hai i kume keca; man edoko ni uwic ni Gideon, man ni ot pare.