Jupoklembe 2:12 - The Holy Bible In Alur (Lur) Revised Orthography

¹² man giweko Yehova, ma Mungu pa kwarugi, m’ukelogi woko kud i ng’om Misiri, man gilubo mungu mange, kind mungu mi kodhidhanu m’utiekogi gbur, e girum gigi igi: man ginyayu ng’eecwiny i Yehova.

Jupoklembe 2:12 Iomraidhean Croise

Zaburi 106:36

Man gitimo ni mungu m’araga migi, M’udoko ni uwic igi.

Zaburi 78:58

Kum ginyayu ng’ecwiny i ie ku ka ma malu migi, Man ginyayu nyeko i ie kud ayi gin m’acwia m’ang’ika,

Ai 13:14

Man ebibedo, kinde ma wodi penji i nindo ma bibino, ewacu kumae, Maeni ang’o? nia ibiwacu ire kumae, Ku tego mi cing’ Yehova kelowa woko kud i Misiri, kud i od ng’eca:

Ai 13:16

Man ebibedo ni giranyutha i cingi, man ni giratwia ter nyimi: kum ku tego mi cing’ Yehova kelowa woko kud i Misiri.

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 13:9

Man ebibedo ni giranyutha iri i cingi, man ni poi i ter nyimi, kara cik pa Yehova bed i dhogi: kum Yehova wodhi woko kud i Misiri ku cing’ ma tek.

Ai 20:5

kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Yeremia 16:11

ilund iwac igi kumae, Kum kwaruwu giweka, Yehova wacu, man giwotho tok mungu mange, man gitimo igi, girwo igi de, man giweka, gitimo cik para de ngo;

Poi Mi Cik 13:5

E jabila maeno, kadi jalek lek maeno, jubinege, kum eyero lembjai kum Yehova Mungu mu, m’uwodhowu kud i ng’om Misiri, m’uweri de kud i ot mi ng’eca, kara eteli cen kud i yo ma Yehova Mungu peri ng’olo iri iwoth i ie. Keth dubone cen kud i kindi kumeno.

Poi Mi Cik 29:18

kara ng’atu moko kud ubed i kindwu, ng’atu ma nico, kadi dhaku, kadi juot, kadi suru, ma adundene lokre cen tin ku ba Yehova Mungu mwa, kara ecidh etim ni mungu mi thek maeno; kara ulag piny kud ubed i kindwu ma cego adra ku sengi;

Poi Mi Cik 29:25

Dhanu bilund wacu kumae, Kum giweko lembariba pa Yehova, Mungu pa kwarugi, m’etimo kugi kinde m’ewodhogi woko kud i ng’om Misiri,

Poi Mi Cik 32:15

Ento Yecurun uewe, man egweyo: Icwe, kumi fung’ni, kumi leny; Elund eweko Mungu m’ucwie, Man eparu pi Cana mi both pare ngo.

Poi Mi Cik 33:17

Kayu mi dhok pare, dwong’ en e pare; Man tunge gi tung jobi: Ebicwalu kugi kodhidhanu ceke, cil i tung’ ng’om: Man gin gi rubanga apar pa Efraim, Man gin gi rubanga pa Manase.

Poi Mi Cik 4:25

Kinde m’ibinyolo nyithindho, man nyithindho mi nyithindho, ma wubin wubedo hai i ng’ombe, ma wubin wunyothru giwu, ma wutimo ko ayi giracwia m’ang’ika kud ayi gin moko, ma wubin wutimo gin ma rac i wang’ Yehova Mungu peri, kara wunyai ng’ecwiny i ie;

Poi Mi Cik 5:9

kud irumbri i bang’gi, katii kud itim igi; kum an, an a Yehova Mungu peri, an a Mungu ma won nyeko, m’aketho dubo mi wego wi nyithindho, man wi dhanum’utuk mir adege man mir ang’wende mi ju m’udaga;

Poi Mi Cik 6:12

e ikuri giri wii maru wil kum Yehova, m’uwodhi woko kud i ng’om Misiri, kud i ot mi ng’eca.

Jupoklembe 10:11

Man Yehova wacu ni nyithindho mir Israel kumae, Alaruwu ngo ni Jumisiri, man ni Juamori, man ni nyithindho mir Amon, man ni Jufilisti?

Jupoklembe 5:8

Gifoyo mungu ma nyen; I nindo maeca lwiny ubedo dhugang’: Ban kadi tong’ unen I kind rubanga pier ang’wen i Israeli?

Jupoklembe 8:33

Man etimbre, nia ndhu ndh uka Gideon utho, nia nyithindho mir Israel gilokri kendo, man gitimo asara tok Balim, man giketho Bal-berith ni mungu migi.