Jupoklembe 2:10 - The Holy Bible In Alur (Lur) Revised Orthography

¹⁰ Man dhanum’utuk maeca bende gicokri ba kwarugi: e dhanum’utuk mange ai i ng’eigi, m’ung’eyo Yehova ngo, kadi tic m’etimo pir Israel de ngo.

Jupoklembe 2:10 Iomraidhean Croise

Thangambere 15:15

Ento ibicidho ba kwaru i kwiocwiny; jubiyiki i tio ma ber.

Thangambere 25:17

Man maeni gi rundi mi camung’om pa Icmael, rundi dak acel ku pier adek wi abiro: e emwonyo cwinye man etho, e jucoke ba dhanu pare.

Thangambere 25:8

E Ibrahim umwonyo cwinye, man etho i tio ma ber, e ng’atu m’uti, ma rundine dupa, man jucoke ba dhanu pare.

Thangambere 49:33

Man kinde ma Yakobo daru ng’olo lembe ni wote, edolo tiende malu i kavuto, man emwonyo cwinye, man jucoke ba juthugi.

2 Samwil 7:12

Kinde ma ceng’ peri timbre kakare, man ibinindo ku kwara, abiting’o kodhi peri yo ng’ei, ma biai kud i ii, man abiketho ker pare ucungi.

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

Kitabu Pa Yob 21:14

Man giwacu ni Mungu kumae, Ai i kumwa; Kum wayenyo ng’eyong’ec mi yo peri ngo.

Ai 1:6

Man Yusuf utho, ku utumin mire ceke, ku dhanum’utuk maeca ceke.

Ai 1:8

Nie ubimo ma nyen uwok wi Misiri, m’ung’eyo Yusuf ungo.

Ai 5:2

Man Farao wacu kumae, Yehova en e ng’a, ma nia awinj dwande awek ko Israel gicidhi? Ang’eyo Yehova ngo, mange ke abiweko Israel ungo ya gicidhi.

Isaya 5:12

Man adungu ku dongo, man umbukulumbu kud usegu, man pigulok, gini i agba migi; ento giparu pi tic pa Yehova ngo, kadok giratima mi cinge de giparu pire ngo.

Yeremia 22:16

Epoko lembe mi jucan ku jucanpiny: elund ebedo ber. En e kara jung’eya ngo? Yehova wacu.

Yeremia 31:34

Man ku ba dhanu ku ba dhanu ng’atuman biponjo wagi kendo ngo, man ku ba dhanu ku ba dhanu ng’atuman biponjo umin ungo, ma nia giwac kumae, Ng’ei Yehova; kum gin ceke gibing’eya, ugambre kum ma nok m’i kindgi cil kum ma dit m’i kindgi, Yehova wacu: kum abiweko kier migi, man abipoi kendo ngo pi dubo migi.

Yeremia 9:2

A tek abedo ku kabedo mi juwoth i langa; kara awek dhanu para, man aai woko kud i bang’gi mire! kum kagi ceke gi weg dubri swa, gi cokri mi dhanu ma weg abombi.

Yeremia 9:3

Man gigomo lebgi, calu en e atum migi, mi yero ndra; e gidoko tek i ng’om, ento mi lemandha ngo: kum gicikucidho ugambre kum lem ma rac utundo kum lem ma rac, e ging’eya ngo, Yehova wacu.

Yeremia 9:5

Man gibibombri kubang’gi kubang’gi ng’atuman wadi, man gibiyero lemandha ngo: giponjo lebgi ku weco lemndra; giol gigi ku timo kier.

Kitabu Mir Ang’wende Pa Musa Wel 27:13

Man kinde m’inene, e in bende jubicoki ba juthu, calu jucoko Harun m’umeru;

Luka 20:32

Yo ku ng’eye dhaku de tho.

Tic Mi Jukwenda 13:36

Kum ka Daudi daru timo porolembe pa Mungu i kind dhanu m’i kume, enindo, jukethe ba kwaru mire de, man eneno top:

Poi Mi Cik 31:16

E Yehova wacu ni Musa kumae, Nen, ibinindo ku kwaru: e dhanu maeni biai, man gibitimo tarwang’ tok mungu ma juwirok mi ng’om ka ma gicidho i ie kara gibed i kindgi, man gibiweka, e gibituro lembariba para m’atimo kugi.

2 Jutesaloniki 1:8

m’eculo ko kwor ni ju m’ung’eyo Mungu ngo, man ni ju m’uworo lembanyong’a ma juboth ko pa Rwoth mwa Yesu ngo:

Tito 1:16

Gituco nia ging’eyo Mungu; enke ku tic migi gikwere, gi ju ma judagu, man juco, man ku ba tic ma ber ceke en e gin moko ngo igi.

Yocuwa 24:31

E Israel utimo ni Yehova i nindo ceke pa Yocuwa, man i nindo ceke mi judongo m’ubedo kwo yo ng’ei Yocuwa, man m’ung’eyo tic ceke pa Yehova, m’etimo ni Israel.

1 Samwil 2:12

Nie wot Eli gi dhanu ma rac; ging’eyo Yehova ngo.